ملاحظات عن ال frv بعد 4500 كيلو

**basemagour** · 02-04-2009 12:07 AM

السلام عليكم احلى منتدى

انا عندى ملاحظات على frv
اولا : انتو عارفيين ان كومبروسر التكيف بيفصل ويشتغل كل دقيقة ورحت التوكيل قالولى هيا تصميمها كده وركبنى عربية جديدة بشوكها فعلا بجد ال rpm يعلى وبعد دقيقة ينزل لمعدلة الطبيعى تانى وبعدين يعلى وهكذا عاوز اعرف انتو لاحظتو ده
ثانيا العربية عندى بتخبط فى المطبات او الحتت المكسرة وبسمع صوت خبط من الشنطة ورحت التوكيل قالى عافشتها ناشفة مش هتتظبط اكتر من كده
ثالثا بتحدف ناحية اليمين وبرده التوكيل قالى ده عيب زوايا وعندنا غاليه اعملها احسن بره وروحت لورشة بره كبيرة قالى الزوايا زى الفل روح التوكيل المشكلة مش زوايا

انا بروح توكيل ابو رواش يا جماعه ومش لاقى حل لمشكلة التخبيط خالص ولا الحدفة

بس غير هذة العيوب العربية تحفة بجد متزنة جدا فرامل تحفة بسم الله ما شاء الله
فا عاوز اعرف انتو عندكو هذة العيوب ولا لا وعاوز اعرف عنوان فرع توكيل تانى غير ابو رواش ممكن اروحه يسمعنى ويعملى العيوب دي

**zeyad1810** · 02-04-2009 12:37 AM

اولا مبروك العربية الجديدة
بالنسبة لموضوع التكيف دة طبيعى فى اى عربية
بالنسبة للباقى ماعرفش بس ازاى التوكيل يقولك روح اعملها برة ؟؟؟ هما ملزمين يحلوا المشكلة روحلوهم تانى

**babaro500** · 02-04-2009 10:39 AM

مشكلة التكييف دي طبيعية خصوصا لما تكون مشغلة على نظام auto يعني على حسب ما انت عاوز التكيف يشتغل بناظام الاتوماتيك ساعتها لازم يفصل ويشتغل ولو على ناظ تاني ممكن يشتغل على طول بدون فصل شوف مفاتيح التكييف عندك وحاول تختار منها نظام تشغيل التكييف
والحدفه لليمين اوزن الهوا في العجل الامامي والخلفي وخليهم قد بعض بالظبط

**khaledazizeg** · 02-04-2009 06:49 PM

المشاركة الأصلية كتبت بواسطة basemagour

السلام عليكم احلى منتدى

انا عندى ملاحظات على frv
اولا : انتو عارفيين ان كومبروسر التكيف بيفصل ويشتغل كل دقيقة ورحت التوكيل قالولى هيا تصميمها كده وركبنى عربية جديدة بشوكها فعلا بجد ال rpm يعلى وبعد دقيقة ينزل لمعدلة الطبيعى تانى وبعدين يعلى وهكذا عاوز اعرف انتو لاحظتو ده
ثانيا العربية عندى بتخبط فى المطبات او الحتت المكسرة وبسمع صوت خبط من الشنطة ورحت التوكيل قالى عافشتها ناشفة مش هتتظبط اكتر من كده
ثالثا بتحدف ناحية اليمين وبرده التوكيل قالى ده عيب زوايا وعندنا غاليه اعملها احسن بره وروحت لورشة بره كبيرة قالى الزوايا زى الفل روح التوكيل المشكلة مش زوايا

انا بروح توكيل ابو رواش يا جماعه ومش لاقى حل لمشكلة التخبيط خالص ولا الحدفة

بس غير هذة العيوب العربية تحفة بجد متزنة جدا فرامل تحفة بسم الله ما شاء الله
فا عاوز اعرف انتو عندكو هذة العيوب ولا لا وعاوز اعرف عنوان فرع توكيل تانى غير ابو رواش ممكن اروحه يسمعنى ويعملى العيوب دي

اولا الف مبروك على العربية وربنا يعطيك خيرها ويكفيك شرها
ثانيا
انا معايا frv سودا بقالها معايا من 16\1\2009 وعملة لغاية دلوقتى 8300كم
بالنسبة للتكييف داه طبيعى فى معظم العربيات لأن التكييف ساعتها بيكون وصل لدرجة البرودة المطلوبة
بالنسبة للحدفة مافيش عندى المشكلة ديه وبعدين أزاى التوكيل يقولك اعمل الزوايا برا انتا المفروض كنت اتخانقت معاهم لأن داه عيب فى العربية
وربنا معاك
حضرتك ممكن تتصل بالنمرة الى موجودة فى العربية على زجاج الباب الخلفى يمين واشتكيلهم وهما هيقولولك تعمل ايه

**Mostafa Hessen** · 03-04-2009 01:27 AM

روح توكيل القطاميه ناس محترمين جدا

**khaledazizeg** · 05-04-2009 12:30 AM

انا انهاردة كنت واقف مع واحد صاحبى فى الكلية معاه الfrv وكان بيشتكى من التوكيل الى فى ابو رواش وبعد كدة راح للقطامية قال عليهم ناس ممتازة

**Mostafa Hessen** · 05-04-2009 01:34 AM

المشاركة الأصلية كتبت بواسطة khaledazizeg

انا انهاردة كنت واقف مع واحد صاحبى فى الكلية معاه الfrv وكان بيشتكى من التوكيل الى فى ابو رواش وبعد كدة راح للقطامية قال عليهم ناس ممتازة

فعلا الكلام ده سليم
انت عارف انهم بيخدوا عينة عشوائية من اللى بيزوروا التوكيل ويطلبوهم ويعرفوا اخبار التوكيل ايه

والكلام ده حصل معايا واتصلوا بيه يستفسروا عن الخدمة ..

ناس محترمين

**khaledazizeg** · 05-04-2009 03:15 PM

المشاركة الأصلية كتبت بواسطة meshmesh78

فعلا الكلام ده سليم
انت عارف انهم بيخدوا عينة عشوائية من اللى بيزوروا التوكيل ويطلبوهم ويعرفوا اخبار التوكيل ايه

والكلام ده حصل معايا واتصلوا بيه يستفسروا عن الخدمة ..

ناس محترمين

انا كان بيحصل معايا الحوار دله مع ابو غالى لما كان معايا اللانوس كنت اول اما اعمل حاجة عندهم كانوا كل شهر يطلبونى ويطمنوا على العربية ويسئلونى لو فى اى مشكلة قابلتك او بتشتكى من حد