الموضوع: بالحساب كده العربية الزيرو بتكلفنا كام مصاريف تشغيل

المشاركة الأصلية كتبت بواسطة ak1981

فيه غلطة كبيرة في الحسبة دي او بمعنى اصح

1- مش كل الناس بتعمل نفس كمية الكيلومترات في نفس الوقت ..... كل ما الكيلومترات تزيد كل ما بند الخسارة بين البيع و الشراء اللي هو اكبر بند في الموضوع يتوزع على كيلومترات اكتر و بالتالي يقل التكلفة لكل كيلومتر ..... انا مثلا باعمل 80 الف كيلو متر في اقل من 3 سنوات

2- الخسارة بين البيع و الشراء الاختلاف فيها كبير جدا حسب ال resale value يعني فيه عربيات اعادة بيعها احسن من عربيات تانية ..... و كذلك حسب حالة العربية عند البيع و ضمانها و حوادثها و خلافه

3- مش كل العربيات بتغير بطارية في سنتين

4- اول مالك للسيارة كلما قلت مدة تملكه للسيارة كلما زادت خسارته لكل كيلومتر ........ بمعنى ان اكبر خسارة في ثمن السيارة تكون في اول سنة بعد الشراء (ممكن تقل 10 او 20 الف مرة واحدة) ثم ثاني سنة ..... و بعدها يستقر سعر السيارة نسبيا و ممكن جدا جدا الخسارة تقل ...... بمعنى انك لو احتفظت بسيارتك لمدة سنتين او ثلاثة كمان كان ممكن تلاقي في الاخر انك خسران مثلا 40 الف بس بعد 7 سنين او مثلا 150 الف كيلومتر و بالتالي تكون الخسارة لكل كيلومتر اقل بكثير.

5- السيارات المستعملة = صيانات اكثر = قطع اكثر عرضة للتلف و الاحتياج للتغيير + تكلفة اكثر غير ملحوظة

6- ماتنساش وقتك و مجهودك الضائع اكيد لهم ثمن لما كل شوية تروح لميكانيكي ....... مقابل في السيارة الجديدة بتروح بس كل 10 الاف كيلومتر و خلاص

7- اللي بيقول الحوادث و تكاليفها ...... ماهو برضه القديم بيعمل حوادث و يحتاج تصليح .... ما فرقتش

مافيش غلط ولا حاجة ، الحسابات دي على الآفيو وآي واحد عنده عربية تانية ممكن يعيد الحسبة حسب سعر عربيته و المده اللي كانت معاه فيه والكيلومترات اللي عملها !!

المشاركة الأصلية كتبت بواسطة hosam_optrawy

منك نستفيد يابو رقيه

معلش انا حسبت غلط

مكنتش فاهم بتتحسب ازاى

فعلا انت حسبتها صح

وانا مقولتش حساب السايس والغسيل والمعطرات وغيره عشان معرفتش احسبها لانها مش ثابته

واوقات فعلا باغسل العربيه بنفسى

بس قول مثلا بالكتير 30 جنيه فى الشهر

تمام يبقى تضرب الـ ٣٠ في ١٢ وتجمعهم على المجموع وتقسمهم على الكيلومترات ومش حتفرق كبير علشان ده رقم صغير

برافو
موضوع جميل

موضوع هايل أنا قرأت الردود من الأول لللأخر هايل فعلا شكرا شكرا ألف شكر.

المهم دلوقتي اللي من القاهرة ورايح يقضي يوم في اسكندرية هو واصحابه و اتفقوا يقسموا مصاريف العربية مع بعض وعداد الرحلة سجل ٥٠٠ كيلو المفروض مايقسمش بقه الـ ٨٠ جنية بتوع البنزين على ٤ انما يقسم ٣٢٠ على ٤ يكون نصيب كل شاب ٨٠ جنيه

طبعا صحابه حيعتبروه نصاب و عاوز يكسب منهم ولو حلفلهم ميت يمين ان دي التكلفة الحقيقية للرحلة مش حيصدقوه الا لو كانوا كلهم اعضاء في نايل موتورز



وخلوا ابو روقي ينفعكم