ايهما افضل Proton Gen.2 2009 ولا هيونداى النترا 2009 فارجوا التصويت

**ezzatfox** · 04-04-2009 11:17 AM

المشاركة الأصلية كتبت بواسطة densfog

السلام عليكم
الواحد التانى اللى حضرتك تقصده -وشكرا على اللفظ- هو انا وانا لما قولت فى وسع فى صالون الجين 2 بالنسبه للألنترا فده عن تجربه للأتنين وارجو ان حضرتك تجرب قبل ما تتكلم
بالنسبه للصاج انا موش هرد على النقطه دى بس اذا سمحت ادخل منتدى هيوندلاى ولف شويه على اراء اصحاب الألنترا وشوف رايهم ايه فى الصاج وتعالى عندنا شويه فى بروتون وشوف نفس الموضوع وقارن
1 -بالنسبه للنقطه دى انا معرفهاش بس كلم منطقى
2- صح 100 فى 100
3- فعلا الموتور انعم بس بالنسبه للأستهلاك فى جينا مانيوال اللى عندى حوالى 6.6 لتر لكل 100 كم داخل البلد بالتكييف و6.1 خارجها نفس الرينج اللى قرأته فى منتدى الهيونداى من اراء اصحاب السياره
4- مفيش عربيه بتخلو من المشاكل بس فى الألنترا اقل ومشاكل الجين 2 اغلبها مش المشاكل اللى مضطر ترح التوكيل حالا علشان تحلها معظمها بتكون مشاكل هايفه تتحل مع اقرب صيانه دوريه
5- معاك
6- بيتهيألى وعلى حسب الأراء وليس التجربه جينا افضل.
7-معاك بس مش الفرق الشاسع اللى حضرتك متخيله
8-معاك
9- واحد زميلى معاه سيارتين بورا فيها ABS وابيزا مافيهاش وحكالى على موقف له انه كان مره هيخبط واحد معدى من قدام العربيه - البورا- فجأه وربنا ستر ولحقته الفرامل وعلى حسب خبرته فى السيارتين لو كانت معا الأبيزا كان هيشيله هيشيله -وسايبلك الحكم على اهميه ABS, وبالمناسبه مش هيه دى الميزه الوحيده نسيت خلوص العربيه عن الأرض وانها مبتحكش فى اى مطبات ونسيت كمبيوتر الرحلات -بالنسبالى مهم وبستفيد منه.
انا مبقولش يروح يشترى الجين 2 دلوقتى ويسيب الألنترا بس علشان نعرض الموضوع بموضوعيه امامه ليتخذ القرار المناسب
والسلام عليكم

استاذ densfog حقك علية لو كلمة واحد تانى زعلتك بس انا مش قصدى حاجة و الله انت بس مختار اسم صعب اوى انا مفتكرتوش ساعتها .
انا اللى خلانى اعمل المشاركة دى انى لمست من بعض المشاركات تعصب فى الرأى لصالح الجين2 بعيدا عن الحيادية المطلوبة فى الرأى اللى المفروض انة امانة هنتحاسب عليها .
انا عايز حضرتك تتأكد بنفسك تانى من نقطة وسع الصالون بين العربيتين او تدخل على اى موقع سيارات و تشوف التصنيف اللى عاملينة و دة هيأكدلك كلامى .
موضوع ان الالنترا بتحك فى المطبات دة بردة مش مظبوط ، الكلام دة كان فى الالنترا الشكل القديم بس .
صاج الجين 2 مش احسن من صاج الالنترا بردة .
استهلاك البنزين اللى حضرتك قلتة دة اعتقد انك بتعتمد على الكمبيوتر و دة مبيبقاش حساب مظبوط و سيبك من اللى مكتوب فى المانيوال لان الاستهلاك الحقيقى هيبقى اعلى من كدة سواء فى الجين او الالنترا بس بردة الالنترا اقل فى الاستهلاك .
فيما عدا ذلك فانا متفق معك .
و مرة اخرى انا مش معاية الالنترا و لا ناوى اجيبها ، و مش بكرة الجين 2 او منحاز ضدها فى اى شىء ، كل ما فى الامر هى محاولة لتصحيح المعلومات المغلوطة التى قد يأخذها البعض كحقائق ثابتة و هى ليست بذلك .

**bolty55** · 04-04-2009 11:53 AM

كلامك مظبوط يا استاذ عزت

**fahd_628** · 04-04-2009 03:21 PM

لو خلاص حتجيب الألنترا خليجى يبقى حيبقى فيها Abs و ايرباجز و يبقى كدة مفيش ميزة للجين 2 عنها ( و دة راجع لفارق السعر طبعا )
انا رأى تتوكل على الله و تجيب الانترا

**tutankhamoun** · 04-04-2009 05:42 PM

مميزات الإلنترا
1 - موتور قوي و ناعم و أقوى من موتور الجين 2
2 - العربية أوسع في الصالون من الجين 2 خصوصا للركاب الخلفيين .
3 - حاصلة على جوائز جودة كثيرة في الولايات المتحدة الصهيونية .

مميزات الجين 2
1 - شكلها أحلى ( أذواق و ده رأيي )
2 - كماليتها أكتر مقابل السعر .
3 - سعرها أحسن من الإلنترا بكتير .

في النهاية
الإلنترا في فئة سيارات أكبر زي الكورولا و الباسات و الجيتا ........ لو مش فارق معاك فرق السعر و عاجباك الإلنترا ....... أشتريها و هي عربية حلوة و ممتازة كمان .

لو الجين 2 عاجباك أكتر .......... أشتريها برضه و أتكل على الله و مش هاتخيب رجائك و العربية ممتازة .

العربيتين حلوين ......... و فرق السعر و الكماليات لصالح الجين 2 و فرق الحجم و قوة المحرك و جودة التقفيل لصالح الإلنترا
عايز أضيف حاجة كمان
الجين 2 شكلها شبابي أكتر من الإلنترا ......... و الإلنترا شكلها عائلي أكتر .

**ae_yg** · 05-04-2009 02:52 AM

المشاركة الأصلية كتبت بواسطة tutankhamoun

مميزات الإلنترا
1 - موتور قوي و ناعم و أقوى من موتور الجين 2
2 - العربية أوسع في الصالون من الجين 2 خصوصا للركاب الخلفيين .
3 - حاصلة على جوائز جودة كثيرة في الولايات المتحدة الصهيونية .

مميزات الجين 2
1 - شكلها أحلى ( أذواق و ده رأيي )
2 - كماليتها أكتر مقابل السعر .
3 - سعرها أحسن من الإلنترا بكتير .

في النهاية
الإلنترا في فئة سيارات أكبر زي الكورولا و الباسات و الجيتا ........ لو مش فارق معاك فرق السعر و عاجباك الإلنترا ....... أشتريها و هي عربية حلوة و ممتازة كمان .

لو الجين 2 عاجباك أكتر .......... أشتريها برضه و أتكل على الله و مش هاتخيب رجائك و العربية ممتازة .

العربيتين حلوين ......... و فرق السعر و الكماليات لصالح الجين 2 و فرق الحجم و قوة المحرك و جودة التقفيل لصالح الإلنترا
عايز أضيف حاجة كمان
الجين 2 شكلها شبابي أكتر من الإلنترا ......... و الإلنترا شكلها عائلي أكتر .

انا شاكر لتوضيح الجميل واتمنى انى اختار الاختيار الصح

**mustafa927222** · 05-04-2009 03:55 AM

أنا من رأيي الالنترا طبعا وده لحاجتين
أولا الالنترا أفضل تماما كعربية ، وكمان واخدة جوائز عالمية ، وكمان الصالون بتاعها من جوه ما شاء الله وشكلها من بره كمان جميل وشيك واعتقد من وجهة نظري انها اجمل من الجين والبيرسونا.
ثانيا ، انت بتقول انك معندكمش قطع غيار بروتون ، ولا طبعا مركز صيانة!! طب ده بتوع اسكندرية بيشتكو ، وانت بينك وبينهم80 كيلو!!صعب جدا جدا
يعني ده لو البروتون افضل من الالنترا ، بظروفك دي تبقة الالنترا افضلك ن فما بالك والالنترا اصلا أفضل .
بس الأهم من كل ده تصلي صلاة استخارة وربنا هيوفقك للخير بإذن الله ن ومبروك على العربية مقدما النترا او بروتون .

**jisso82** · 05-04-2009 12:41 PM

[QUOTE=ezzatfox;764266]فى اخ قال الالنترا زبالة :k26: طبعا لو الكلمة دى اتقالت على الجين2 ( جميلة الجميلات ) الدنيا هتولع و مش هنخلص ، المهم - يا ريت يبقى الكلام منطقى شوية .
و فى معلومة تانية اتقالت و هى ان صاج الالنترا تعبان خصوصا لو اتقارن بالجين 2 .. كلام ليس لة اى اساس من الصحة .
6- الثبات الاتنين زى بعض

على فكرة أنا مع حضرتك فى زعلك من اللى قال على الالنترا زبالة لأن ده مصادرة على رأى ناس كتيرة أوى قالت إنها أفضل من وجهة نظرها و يا ريت نفتكر من الأول للآخر إن احنا هنا مش بنتخانق و لا بنتعصب لرأى و مش مباراة بين فريق الالنترا و فريق الجين إحنا هنا عشان نفيد شخص استعان بينا لأنه محتار و مش قادر يختار بوضوح و احنا بنساعده مش أكتر يعنى لا بنبيعله مثلا و لا هنجبره يجيب عربية مش عاجباه و ما أعتقدش كمان إن أنصار أى عربية فيهم هيفرحوا ولا هيستفيدوا لما يجيبها.
عشان كده أتمنى لغة الحوار تكون أهدى شوية و مافيهاش الشكل الهجومى ده.
النقطتين اللى حضرتك انتقدت اللى أنا كاتبه فيهم من حيث قوة الصاج و الثبات اللى أفتى لى فيهم و أنا مصدقه تماما صديق و زميل لى فى العمل والده معاه إالنترا و هو اشترى بعد كده الجين عن اقتناع تام بعد أكتر من شهر ماشى بعربية والده و حاليا الجين معاه بقالها حوالى سنة فأعتقد إن حكم شخص جرب العربيتين مع بعض لأنه مازال بيمتلك الاتنين أفضل من حكم اللى جرب واحدة بس و بيتكلم على أساسها.
و آسف لكل الأعضاء على الإطالة

**ezzatfox** · 05-04-2009 07:45 PM

المشاركة الأصلية كتبت بواسطة jisso82

على فكرة أنا مع حضرتك فى زعلك من اللى قال على الالنترا زبالة لأن ده مصادرة على رأى ناس كتيرة أوى قالت إنها أفضل من وجهة نظرها و يا ريت نفتكر من الأول للآخر إن احنا هنا مش بنتخانق و لا بنتعصب لرأى و مش مباراة بين فريق الالنترا و فريق الجين إحنا هنا عشان نفيد شخص استعان بينا لأنه محتار و مش قادر يختار بوضوح و احنا بنساعده مش أكتر يعنى لا بنبيعله مثلا و لا هنجبره يجيب عربية مش عاجباه و ما أعتقدش كمان إن أنصار أى عربية فيهم هيفرحوا ولا هيستفيدوا لما يجيبها.

تمام ، دة اللى انا عايز اقولة :k32:

المشاركة الأصلية كتبت بواسطة jisso82

عشان كده أتمنى لغة الحوار تكون أهدى شوية و مافيهاش الشكل الهجومى ده.

انا لم اقصد ان يكون اسلوبى هجومي و لكنى فقط استفزنى ترويج بعض المعلومات الخاطئة لتوجيه صاحب الاستطلاع إلى سيارة معينة حتى لو كان ذلك على حساب الأمانة في الرأي

المشاركة الأصلية كتبت بواسطة jisso82

النقطتين اللى حضرتك انتقدت اللى أنا كاتبه فيهم من حيث قوة الصاج و الثبات اللى أفتى لى فيهم و أنا مصدقه تماما صديق و زميل لى فى العمل والده معاه إالنترا و هو اشترى بعد كده الجين عن اقتناع تام بعد أكتر من شهر ماشى بعربية والده و حاليا الجين معاه بقالها حوالى سنة فأعتقد إن حكم شخص جرب العربيتين مع بعض لأنه مازال بيمتلك الاتنين أفضل من حكم اللى جرب واحدة بس و بيتكلم على أساسها.

يا سيدى انا مش بنتقدك و لا حاجة بس فى النقطتين دول بالذات ( الصاج – الثبات ) العربيتين قريبين أوى من بعض .. و متنساش القاعدة البروتونية الهامة ( قبل ما تتكلم جرب العربية الأول و احكم عليها بنفسك )
و حقك عليا انت كمان لو كلامى زعلك فى حاجة .

**ae_yg** · 06-04-2009 07:15 AM

يجماعه انا مش عارف اقول غير ربنا يخليكوا ليه يا اخوانى فى نيل موترز وانا فعلان حسيت انى ليه اخوات بتخاف على فى المنتدى ده

**M.almaghraby** · 06-04-2009 04:17 PM

لإلنترا في فئة سيارات أكبر زي الكورولا و الباسات و الجيتا

مساء الفل يا توت باشا

دعني اختلف مع سيادتك تماما

الالنترا عربية جميلة و انا بحبها اوي

بس مفيش اي وجه مقارنة بينها و بين الجيتا فما بالك بالباسات

ولكن اتفق معاك انها زي الكورولا و تمنها حلو جدا

ولكن ايضا شكلها مش جذاب خالص

بس بردو بحسب لها هيا و السيراتو موتورها القوي جدا والرياضي

الموضوع: ايهما افضل Proton Gen.2 2009 ولا هيونداى النترا 2009 فارجوا التصويت

LinkBack

أدوات الموضوع

عرض

-

-

-

-

-

-

-

المواضيع المتشابهه

هيونداى النترا 2009 خليجى

ايهما افضل Proton Gen.2 2009 ولا هيونداى النترا 2009

.::بروتون ويرا 2009 - (ساتريا ) Proton Satria 2009 ::. ليه مش فى مصر ؟!

اسعار هيونداى النترا 2009 الخليجى ....

الكلمات الدلالية لهذا الموضوع

المفضلات

المفضلات

ضوابط المشاركة