الموضوع: ايهما افضل Proton Gen.2 2009 ولا هيونداى النترا 2009 فارجوا التصويت

المشاركة الأصلية كتبت بواسطة ezzatfox

استاذ densfog حقك علية لو كلمة واحد تانى زعلتك بس انا مش قصدى حاجة و الله انت بس مختار اسم صعب اوى انا مفتكرتوش ساعتها .
انا اللى خلانى اعمل المشاركة دى انى لمست من بعض المشاركات تعصب فى الرأى لصالح الجين2 بعيدا عن الحيادية المطلوبة فى الرأى اللى المفروض انة امانة هنتحاسب عليها .
انا عايز حضرتك تتأكد بنفسك تانى من نقطة وسع الصالون بين العربيتين او تدخل على اى موقع سيارات و تشوف التصنيف اللى عاملينة و دة هيأكدلك كلامى .
موضوع ان الالنترا بتحك فى المطبات دة بردة مش مظبوط ، الكلام دة كان فى الالنترا الشكل القديم بس .
صاج الجين 2 مش احسن من صاج الالنترا بردة .
استهلاك البنزين اللى حضرتك قلتة دة اعتقد انك بتعتمد على الكمبيوتر و دة مبيبقاش حساب مظبوط و سيبك من اللى مكتوب فى المانيوال لان الاستهلاك الحقيقى هيبقى اعلى من كدة سواء فى الجين او الالنترا بس بردة الالنترا اقل فى الاستهلاك .
فيما عدا ذلك فانا متفق معك .
و مرة اخرى انا مش معاية الالنترا و لا ناوى اجيبها ، و مش بكرة الجين 2 او منحاز ضدها فى اى شىء ، كل ما فى الامر هى محاولة لتصحيح المعلومات المغلوطة التى قد يأخذها البعض كحقائق ثابتة و هى ليست بذلك .

استاذ عزت شرفت بكلام حضرتك ومفيش زعل ولا حاجه احنا اخوات
وكلام حضرتك صحيح بس معلوماتى بالنسبه لحك الألنترا فى المطبات خاصه لما تكون محمله وبالنسبه للصاج ده من اراء الناس فى منتدى هيونداى ولولا ضيق الوقت كنت دورت على المواضيع وعملت ليها لينك وبالنسبه للأستهلاك انا فعلا باعتمد على كمبيوتر العربيه ودلوقتى انا باحسبها بنفسى وحاشوف باذن الله لما تخلص اخر تفويله حيكون المتوسط كام .
وعامه بيتهيألى الأستاذ صاحب الموضوع ظهرت له صوره عامه عن السيارتين وربنا يوفقه الى ما فيه الخير .
بالمناسبه densfog اختصار لكلمه ضباب كثيف - بعيد عنك وعن السامعين- وانا بالمناسبه اسمى اسلام
شرفت بحضرتك والسلام عليكم ورحمه الله وبركاته

إلى الأستاذ عزت
رد أستاذ densfog على حضرتك شجعنى أنا كمان أشكرك لذوقك و اهتمامك إنك ترد على كلامى و برده ما فيش زعل و لا حاجة و ربنا يوفقنا و نقدر نفيد بعض أكتر إن شاء الله