الموضوع: السرعه القصوى للبونتو الكلاسيك

طب يا باشا البونتو بتجيب ال 100 في كام ثانية ؟

لاني جربت السبارك وجبت ال 100 في 13.6 ثانية

السلام عليكم
سوري على التأخير
هو البونتو بتجيبها تقريبا في 12 ل 13 ثانية بس مش متأكد بالضبط
هجرب و اقلك في اقرب فرصة ان شاء الله :)

المشاركة الأصلية كتبت بواسطة hibbsa

السلام عليكم
سوري على التأخير
هو البونتو بتجيبها تقريبا في 12 ل 13 ثانية بس مش متأكد بالضبط
هجرب و اقلك في اقرب فرصة ان شاء الله :)

في انتظارك يا باشا

المشاركة الأصلية كتبت بواسطة hibbsa

مش عارف انا برضه مستغرب و اعرف ان موتور الكورولا 85 حصان تقريبا
انما دي 60 بس و غم كده انا طلعت منه لغاية الـ 100 يمكن عشان فرق الحجم لان الكورولا اكبر بكتير من البونتو
الله اعلم
بس المشهور عن مواتير الفيات عزمها الرهيب
يعني مثلا اثناء الشد كان فيه عربية هيونداي اكسنت 1300 الشكل القديم ده
اللى هي كاربراتير كان عايز يدوس معانا بس اساسا محصلناش انا و الكورولا سحبنا قدام و هو معرفش يحصلنا و انا فعلا ليا صديق معاه نفس الاكسنت دي و كان بيجري جري جامد بس البونتو تعديه بكتير يعني عشان كده مستغربتش
مع ان الاكسنت كاربراتير و المفروض ان سحبها رهيب لانها بترمي بنزين لما بتحرق انما فعلا معرفش يحصلنا عشان يعمل حاجة اصلا
انا عموما مشدتش كتير بالعربية لاني عايز احافظ عليها بس عزمها ما شاء الله بيسخني و خليني اجري :) بس بحاول امسك نفسي قد ما اقدر

و عموما انا بعشق العربية عشق
سيبك من انها سريعة من 0 لـ 100 لا هي كمان ممتعة جدا في القيادة و بجد ليها باور خفييييييييييييف جدا لاقصي درجة جيت اسوق صني بعدها حسيت و كإن الدركسيون متخشب مع ان الصني باور
باور الصني تقيل جدا بالنسبة للبونتو و كذلك اللانسر و عن تجربة لانهم مع اخواتي الاتنين

هى الونتو باور كهربائى؟؟
و ممكن تشرحلنا السيتى ده بيشتغل إزاى؟؟

البونتو باور كهربائي فعلا
هو بمجرد انك تشغل العربية الباور بيبدا يخف تدريجيا بشكل سريع خلال ثانيتين مثلا مش زي اللانوس بمجرد انك تلف مفتاح الكونتاكت على On الباور يخف
و نفس الكلام لما تطفيها برضه بيخف تدريجيا
فيه زرار اسمه سيتي ده لو هو مطفي الباور بيفضل تقيل طول ما انت ماشي و على اي سرعة
لو انت مشغله الباور بيكون خفيف جدا جدا من 0 لـ 60 كم/س بعدها بيتقل و بيزيد تقله لغاية 100 كم/س تقريبا و بعدها بيفضل بنفس التقل.

لو انت طافي السيتي و انت على سرعة منخفضة و شغلته هتلاقي الموتور و انت ماشي بيخف واحدة واحدة بتدريج سريع برضه

و الباور بيفضل تقيل طول ما العربية مطفيه حتى لو مفتاح الكونتاكت على وضع التشغيل On
بس هي دي وظيفة زرار السيتي ببساطة

المشاركة الأصلية كتبت بواسطة hibbsa

البونتو باور كهربائي فعلا
هو بمجرد انك تشغل العربية الباور بيبدا يخف تدريجيا بشكل سريع خلال ثانيتين مثلا مش زي اللانوس بمجرد انك تلف مفتاح الكونتاكت على On الباور يخف
و نفس الكلام لما تطفيها برضه بيخف تدريجيا
فيه زرار اسمه سيتي ده لو هو مطفي الباور بيفضل تقيل طول ما انت ماشي و على اي سرعة
لو انت مشغله الباور بيكون خفيف جدا جدا من 0 لـ 60 كم/س بعدها بيتقل و بيزيد تقله لغاية 100 كم/س تقريبا و بعدها بيفضل بنفس التقل.

لو انت طافي السيتي و انت على سرعة منخفضة و شغلته هتلاقي الموتور و انت ماشي بيخف واحدة واحدة بتدريج سريع برضه

و الباور بيفضل تقيل طول ما العربية مطفيه حتى لو مفتاح الكونتاكت على وضع التشغيل On
بس هي دي وظيفة زرار السيتي ببساطة

الباور و إنت قافل السيتى بيفضل تقيل إزاى؟؟يعنى كأنك معندكش باور أصلا؟؟
طب ليه ما نفضلش فاتحين السيتى علطول ؟؟؟
و لو قفلناه هل هيكون الباور زى بالضبط اللانوس؟؟؟
و يعنى إيه الموتور بيخف؟؟؟
و شكرا على رد حضرتك

السلام عليكم
استاذ يوسف مصطفى
انا الحمد لله جربت التسارع من 0 لـ 100 في البونتو و كانت بتجيبهم في 12.30 ث
و دي اقصى حاجة وصلتلها
بس انا اكتشفت حاجة غريبة من 0 لـ 80 العربية بتتسارع بشكل مذهل انما من 80 لـ 100 بتاخد وقت طويل نسبيا معرفش ليه
بس انا لاحظت كده, و معرفش ده عيب فيا في حرق البنزين ولا العربية هي اللى كده


و بالنسبة لما قلت بيخف واحدة واحدة قصدي على الباور مش الموتور
انا اقصد لو العربية مطفية و شغلتها الباور بعد التشغيل بيخف واحدة واحدة بتدريج سريع خلال ثانية و نص او ثانيتين.
و الباور لما بيبقى تقيل بيبقى بالنسبة لاي عربية تانية خفيف برضه لان باور البونتو خفيف بشكل رهيب بس مش اخف من اللانوس
انما لو شغلتا لسيتي بيبقى اخف من اللانوس بكتير
مرة واحد معاه صني و جرب العربية من غير السيتي ميكون شغال قال كده تمام اوي
قلتله امال لو جربت السيتي هتقول ايه
و ممكن تفتح السيتي على طول مفيهاش اي حاجة
بس هما مديين امكانية فتح و غلق السيتي حسب الرغبة للى يحب الباور الخفيف او التقيل مش اكتر

المشاركة الأصلية كتبت بواسطة hibbsa

السلام عليكم
استاذ يوسف مصطفى
انا الحمد لله جربت التسارع من 0 لـ 100 في البونتو و كانت بتجيبهم في 12.30 ث
و دي اقصى حاجة وصلتلها
بس انا اكتشفت حاجة غريبة من 0 لـ 80 العربية بتتسارع بشكل مذهل انما من 80 لـ 100 بتاخد وقت طويل نسبيا معرفش ليه
بس انا لاحظت كده, و معرفش ده عيب فيا في حرق البنزين ولا العربية هي اللى كده

الف شكر ليك يا باشا علي اهتمامك بجد حضرتك زوق جدا

فعلا تسارع حلو اوي ولكن حكاية من 80 ل 100 اعتقد طبيعي جدا

وربنا يباركلك فيها