اقتباس المشاركة الأصلية كتبت بواسطة hibbsa مشاهدة المشاركة
مش عارف انا برضه مستغرب و اعرف ان موتور الكورولا 85 حصان تقريبا
انما دي 60 بس و غم كده انا طلعت منه لغاية الـ 100 يمكن عشان فرق الحجم لان الكورولا اكبر بكتير من البونتو
الله اعلم
بس المشهور عن مواتير الفيات عزمها الرهيب
يعني مثلا اثناء الشد كان فيه عربية هيونداي اكسنت 1300 الشكل القديم ده
اللى هي كاربراتير كان عايز يدوس معانا بس اساسا محصلناش انا و الكورولا سحبنا قدام و هو معرفش يحصلنا و انا فعلا ليا صديق معاه نفس الاكسنت دي و كان بيجري جري جامد بس البونتو تعديه بكتير يعني عشان كده مستغربتش
مع ان الاكسنت كاربراتير و المفروض ان سحبها رهيب لانها بترمي بنزين لما بتحرق انما فعلا معرفش يحصلنا عشان يعمل حاجة اصلا
انا عموما مشدتش كتير بالعربية لاني عايز احافظ عليها بس عزمها ما شاء الله بيسخني و خليني اجري :) بس بحاول امسك نفسي قد ما اقدر

و عموما انا بعشق العربية عشق
سيبك من انها سريعة من 0 لـ 100 لا هي كمان ممتعة جدا في القيادة و بجد ليها باور خفييييييييييييف جدا لاقصي درجة جيت اسوق صني بعدها حسيت و كإن الدركسيون متخشب مع ان الصني باور
باور الصني تقيل جدا بالنسبة للبونتو و كذلك اللانسر و عن تجربة لانهم مع اخواتي الاتنين

ياريت تفضل تحافظ عليها,,,,,ربنا يباركلك فيها