تحية لظباط رائد في كمين الاوتستراد ..

**dj_bex** · 04-04-2009 04:58 PM

من كام يوم كده كان معايه واحد صحبي و تعب اوي واغمى عليه وكنا في الاوتستراد رايحين الاف جي اي المهم جريت اوي بليل ودخلت الكمين الظابط طلب الرخص وقالي انته ماشي على 120 مع العلم كانت اكتر المهم بقوله حضرتك شايف صحبي مغمى علييه و بجري عشان اوديه المستشفي المهم سحب الرخص وادالي وصل و قالي وديه المستشفى و اطمن علييه و تعالى تاني ..مفهمتش لييه .. المهم ما علينا وديت صحبي مستشفى كيلوبترا و الحمد لله تمام و اخوك الكبير جه و المهم سيبتهم و رجعت للكيم الحمد لله لحقتهم عشان كان بيلموا حاجتهم وروحت للظابط وقالي المهم اخبار صحبك اييه قولتله تمام الحمد لله .. القصه اييه بقى اني اتصورت ومينفعش يعديها فلازم ادفع فوري 150 او 300 في النيابه عشان اتصورت .. المهم دفعت .. وبجد بشكره عشان بجد سابني امشي ومعطلنيش خالص وانا مش مدايق عشان دفعت اه انا غلطان بس اسلوبه معايه كان فوق الوصف وادبه بسم الله ماشاء الله ياريت كل ظباط مصر كده ..

**A.Elsheikh.01** · 04-04-2009 05:36 PM

بفتكر جورج وسوف فى اغنيه لسه الدنيا بخير مع موقفك دا
بصراحه لسه مقابلتش الصنف او النوعيه دى
ياريت يبقى كلهم كده

**me_3freet** · 04-04-2009 05:41 PM

عمار يا مصر
وربنا يخليكو لبعض وتدوم الصداقه

**Terrible_DaRsH** · 04-04-2009 05:42 PM

مش كلهم نصابين ..

او يمكن الادارة بتاعته مطلبتش منه كارته كتير فى اليوم ده ..

**mazen86** · 04-04-2009 05:44 PM

كل مكان فيه الكويس والوحش

بس برضة لازم نراعي حاجة

ان الظباط دول بيتعاملوا ساعات مع ناس بتشرب وحراميه فلازم يكون مش محترم مع الناس دي

بس برضة انا شايف ان الظابط هيعاملك كويس لو لاقاك محترم وطريقة كلامك كويسة

بس