الموضوع: مين احسن محتار اجيب ايه

المشاركة الأصلية كتبت بواسطة أبو عبدالله

lancer 1600 AT 102000

الياباني ياباني برضه مهما حصل

+++1

يا جماعه هيا المشكلة ان الياباني اللي عندنا هنا ياباني واحد مهواش فرز تاني وهيا دي ميزة الياباني عموما ان كفائته واحده مبينزلوش جودتنين
اما مشكلة الكوري عندنا هنا في مصر حتى الصيني ان اللي بنزل بينزل مناسب لفئة سعريه معينه يعني غلو الياباني مش من فراغ والله

لو هما الوكلاء نزلوا الكوري المحترم هيبقى بسعر الياباني ولكن هما مش عاوزين كده لأن ساعتها الناس هتشتري الياباني عالطول علشان هما عارفينه من زمان وعارفين عمره الأفتراضي اد ايه وانها عربيات معمرة جدا

و انا اثبتلك قبل كده إن تويوتا هيا اللي بتصنع لكل بلد حسب إحتياجها

تويوتا بتنقص من العربيه بس حسب المكان اللي هتنزل فيه يعني بتشيل بس من العربيه لكن مبتبقاش خامات تانيه او تحس ان العربيه اداءها وعمرها الأفتراضي غير مثيلاتها في العالم

وهو ده اللي انا اقصده ودي حقيقه ولا خطيره ولا حاجه وبدليل شوف فروق السعر هنا بين الياباني والكوري و شوف الفروق بالخارج كام واحسبها وانت تعرف

بس هقولك ادخل على موقع WHATCAR
وهات العربيات بالموديلات وشوف الاسعار

يعني مثلا انا عربيتي سعرها بــ 10.250 تقريبا الف جنيه استرليني ولما جيت حسبت جماركها وكده طلعت هنا ارخص

طيب

الماتريكس بقه حضرتك سعرها هناك زايد عن السيريون الف جنيه استرليني بحالهم يعني شوف بالمصري يفرقوا كام

طيب هنا ارخص من قبل حتى متيجي من تركيا ارخص من السيريون طيب ازاي انت بقه قولي مع اعلم انا بتكلم على السيريون اللي بــ 85 الف

هيا مفيش عربيه هيونداي الا الكوبيه اللي تحس انها معموله صح وبزمة زي الخارج وعلشان كده سعرها زي ما انت عارف

ال ELANTRA طبعا

و بلاش كلام عام كده اليابانى احسن ولا الكورى
و لو رجعنا لتاريخ ال ELANTRA تحديدا هتلاقوها ممتازه فى جميع موديلاتها و عمرك ما تلاقيها ماشيه مفككه من بعضها و لا موتورها مفوت و ماشيه مدخنه
يعنى حرام نظلمها بالموديلات الهيونداى الصغيره الاخرى و المجمعه محليا
كما ان من غير الجائز مقارنه اللانسر الكرستاله بالاكسنت لانهم مش نفس الشريحه كما ان الاكسنت توقف تصنيعها فعليا من كوريا من سنه 1998
و باعدين ياريت يا جماعه ماحدش يقارن من غير ما يكون ركب العربيات دى
يعنى بما ان اللانسر فى مصر فاق انتشارها ال 128 فا اكيد كلنا ركبناها انما كام واحد ركب ال ELANTRA 2007 اركبوا الاثنين و شوفوا فرق الاداء و فرق النعومه و صوت الموتور الفائق الهدوء (تقريبا مالوش صوت) تابلوه و اضاءه فى منتهى الشياكه تقفيل موتور رائع كما ان فرق ال ESP Electronic Power Steering فعلا اقل ما يقال عليه انه وهمى
يابانى يابانى يابانى الدنيا ما تتاخدش كده لانه لو كانت كده ماكانش حد بص لليابانى ابدا ايام ما كانت اليابان كلها صفر على الشمال كانت الناس كلها قال امريكانى امريكانى امريكانى او المانى المانى المانى
انا شخصيا تخلصت من عقده الشعب المصرى المتأصله الى بتقول يابانى يابانى و العقده الثانيه الى بتقول لو معاك فلوس هات BMW BMW BMW Mercedes Mercedes Mercedes و الناس نسيت ال CAMRY - MAXIMA - JAGUAR و غيرهم كتير
انا شخصيا لما جيت اشترى قارنت و اتفرجت و حكمت عقلى و قررت اشترى ال ELANTRA 2007 رقم عنائى فى انتظارها 3 شهور فى الوقت الى اللانسر كانت و مازالت مرطرطه فى المعارض مع احترامى الكامل ليها و لمحبيها بس انا احب الى جابها يقول بحبها يقول عاجبانى يقول اى سبب بس مايقولش اصلها يابانى لان ده سبب غير موضوعى بالمره


و شكرا و اسف للاطاله

بخصوص الماتريكس الى سعرها بره اغلى من السريون فا ده لان الكماليات الى بتنزل بيا بره لا تقارن بالكماليات الى غبور منزلها بيها فى مصر