الموضوع: مين احسن محتار اجيب ايه

وعلى فكره انا لم اقل ان محدش يشتري الكوري ولا اعترض حتى مش معنى اني قولت انه مش زي الياباني يبقى معناه اني بكره زي ما اتقال واني مش بقول لحد اشتريه

أستاذ أبو عبد الله ... حرام بقى كفاية ... مش كل شوية تطلع لنا بموضوع "زى ما تقال" ... وأنك مش بتكره الكوري ... سيادتك انا قلتلك قبل كده أني فهمت غلط ... واعتذرتلك كمان عن الجزئيه دي ... يبقى خلاص ... نسيب بقى الموضوع ده على جنب ... ونركز فى الموضع الرئيسي ...
انا رضيت فقط على الجزئيه اللي تخصني من هذا الحديث ...علشان انا اللي قولت كده ...

- أدعوا أى حد من الأعضاء يحب يجرب عربيتى المتواضعة الألنترا 2007 هيا عاملة دلوقتي حوالي 6200 كم - وطبعاً سيادتك يا أستاذ أبو عبدالله على رأس قائمة المدعويين - أنا بمشي كثيير على الدائري ... ولسة راجع من شرم الشيخ ...الأسبوع اللي فات ... أحب أقول ليكم يا اخونا أن ما فيش عربية عرفت تصد معايا (وصدقوني لا فشر ولا نعر ده اللي حصل) ... ولا يباني ... ولا غيره ...ودى بقى امكانيات عربيتى وانا عارفها كويس ... وتاكدت والحمد لله من حسن أختيارى ... مع أنها أتوماتيك ... بس الحقيقة اكثر كفاءه - من وجهة نظرى المتواضعة - من اليباني اللى فى نفس الفئة السعرية ... ودى بقى من تجاربي مع الأصدقاء ... ودى برضة أول مرة أجيب فيها سيرة عربيتى ... فى الحديث ... علشان هو ده الوقت المناسب أنى أعمل كده ... واحب أقول لكل الناس أن الهيونداى أبتداء من الجيل السابق للالنترا 2004 ... وال Coupe 2004 ... ومع ظهور السوناتا الجديدة 2006 ... والألنترا الجديدة 2007 ... وال Azera 2007 ... والVeracruze 2007 ... والصاروخ القادم من هيونداى العربية ال i30 2008 ... الحقيقة الأجيال دى من العربيات هتنافس اليباني بقوة شديدة بل أستطيع التكابر وأقول انها هتنافس الأوربي فى عقر داره وخاصة بال i30 ... علشان عربية صغيرة الحجم وهاتش باك ...

كل ده بقى يضارع اليباني فى الجودة ... وممكن يتفوق عليه فى بعض الأحيان ... وزياده على كدة انه أرخص فى السعر

- وده حديث فى أمريكا عن ال Elantra 2007 ... مع Product Planning Manager بستشهد بيه علشان العربية دى محققه رقم مبيعات عالي أوى فى أمريكا ... http://www.youtube.com/watch?v=LXNs-TBAh44

أكثر حاجة عجبتنى فى الحديث ده أنهم واقفين قدام عربيتى بالظبط ... نفس اللون :):)

- اما عن موضوع أن العمر الخاص بالعربيات اليباني أفضل من العربيات الكوري ... فده برضه كلام لا يستطيع احد ان يحكمه ... لأنه ببساطه مرتبط بالأستخدام ... يعنى أثنين جايبين عربيات جديدة واحدة يباني ... وواحده كورى ... صاحب العربية اليباني ... بيقرص ويشد ... صاحب الكوري بيعاملها كويس ... تفتكروا مين فيهم تعمر أكثر ... والعكس صحيح ... يبقى فيه Parameter أخر يرتبط بيه العمر وهو طبيعة الأستخدام ...

-اما عن جودة الخامات اليباني عن الكوري ... فدى برضة أحب ائكد لحضراتكم انها مش موجودة اليومين دول ... علشان المنتج يتم تدويره بسرعة أنخفضت جودة الخامات فى كل الصناعات ...ودى سياسة عالمية لا ترفع علم دوله بعينها ... وبقى المهم بنبيع أد ايه مش بنبيع أيه ...

- ثم ما هو الدليل على ان الخامات اليباني المستخدمة فى صناعة السيارات أفضل من الخامات الكوري ... أستاذ Ahmed Anwer أقترح علشان نعرف الموضوع ده عايزيين حد يروح مصانع السيارات فى اليبان ... وفى كوريا ويشوف ويقارن ... والحقيقة انا تبرعت بالموضوع ده ... بس المهم الناس عندى فى الشركة توافق ...

- أحب أختم كلامي ... بأن ما جاء بعاليه كله رأى شخصي خاص بيا قد يعجب البعض ... وقد لا يعجب البعض الأخر ... بس الأختلاف فى الأراء ليس معناه انها حرب وعلى أحد ان ينتصر ... بل هيا نقاشات مفتوحه ... أنا أول واحد بستفيد منها ... وبتعلم ... علشان ما فيش حد بيبقى عارف كل حاجة ... و تعلمت كمان انه لا يوجد شء مطلق ...No Absolute وده هو المهم ان الأراء قابلة للتعديل والتغيير ... واللى كان كويس النهاردة بكرة ممكن يطلع وحش ... والعكس صحيح ... والحمد لله كلنا بنتعلم لسه فى مدرسة الحياة ... وصدقوني تاني أنا اولكم ... ولسة تلميذ صغير فى هذه المدرسة ...

تحياتى للجميع ... ويا رب ما حدش يزعل من كلامي ...

م / حسام منير

-اما عن جودة الخامات اليباني عن الكوري ... فدى برضة أحب ائكد لحضراتكم انها مش موجودة اليومين دول ... علشان المنتج يتم تدويره بسرعة أنخفضت جودة الخامات فى كل الصناعات ...ودى سياسة عالمية لا ترفع علم دوله بعينها ... وبقى المهم بنبيع أد ايه مش بنبيع أيه ...

- ثم ما هو الدليل على ان الخامات اليباني المستخدمة فى صناعة السيارات أفضل من الخامات الكوري ... أستاذ Ahmed Anwer أقترح علشان نعرف الموضوع ده عايزيين حد يروح مصانع السيارات فى اليبان ... وفى كوريا ويشوف ويقارن ... والحقيقة انا تبرعت بالموضوع ده ... بس المهم الناس عندى فى الشركة توافق ...

يا اخي اروح المصنع ليه وانا الخامه امامه موجوده في العربيه وشايفها بعيني

بلاش كده ادخل على موقع www.whatcar.com وهما مش تبعي على فكره ودي من اكبر المؤسسات في انجلترا لتقييم السيارات بحيادة ولهم مجله مشهورة هناك اللي هيا whatcar ولها اسم كبير من اكبر الأسماء هناك ولها اعتبار كبير

وهات عربيات هيونداي كلها واحده واحده وشوف تقييم الــ Quality & reliability موجود اغلب العربيات واخده 3 نجوم والوحيده اللي واخده 4 نجوم هيا السانتا في والباقي نجمتين
حتى التقييمات النهائية كلها ثلاثة نجوم

وهات بقه العربيات الياباني واحده واحده وشوف تقييمات Quality & reliability بتاعتها الغالب بتاعها ايه يعني متجبشي حاله واحده وتقولي اهه
وشوف حته التقييمات النهائية غالبها كام نجمة وابقى قولي .......

يا سيدى الفاضل ...واضح أنه حصل سوء فهم فى الموضوع ...
أحنا بداية كلمنا كان على العربيات اللي بتنزل مصر مش فى المطلق ... أكيد أبقى انسان احمق ... لما أقارن عربيتي بالعربيات الالماني ... كالمرسيدس وال BMW ... أو بالعربيات الأنجليزى ك أل جاكوار مثلاً ... أو حتى بالفئة العالية من اليبانى ك أل Lexus وال أنفينتي ... بس لما اقارن عربيتى هيونداى ألنترا الكوري اللي بتنزل مصر ... بمثيلاتها فى الفئة السعرية واللترية لليابانى اللى برضة بينزل مصر ( وحتة مصر ... دى علشان السعة الترية وعلشان ال Options ) الانسر ...أو الكورلا ... أو النيسان صني ... أو الهوندا سيفك ... أقدر أقول بمنتهى الثقة أن عربيتى تعادل العربيات دى ... بل تتفوق عليهم فى بعض النقاط ... ويتفوقوا عليها كل حسب نوعه فى نقاط اخرى ... بس المقارنه موزونه ...

- أما لو هجيب المقارانات العالمية اللي بتعملها منظمات خاصة فدى عندى مع عدم علمي بصحتها من عدمة - وده رأى شخصي بحت - لا أقييم لها وزناً طيب ليه : علشان مقارنة زى دى ... ممكن أحبط بيها نفسي نتيجة أنعدام عناصر الأمان فى عربيتى مثلاً ...يعنى بدون الoptions الكثيير الناقصة ... عربيتى المفروض فيها 6 Air Bags .... بتزل فى مصر بدونهم واخيراً نزلوا موديلين فيهم واحدة فقط ... يبقى أنا عربيتى هتتظلم ... نتيجة ال Option ... اللى مش موجود ... أو ممكن تكون عربيتى ناقصة فى بعض ال Options الأخرى ... موجودة فى سيارات تانية ... يبقى برضه بظلم عربيتى ... يبقى نجوم مثلاً زى الخاصة بعناصر الامان أتشالت من عندى علشان عربيتى مش مجهزة بهذا الموضوع ...

- طيب ده الموقع اللي سيادتك بتستشهد بيه حاطين سيارات ... أوربيه واخده نفس التقييم بتاع الكوري ( حد يصدق )...ومطلعين عربيات يباني أفضل من الاوربي ... يبقى التقيمات دى فى رأيي الشخصي غير مجديه ... أنا ليا اللي بينزل مصر... ويثبت كفاءه فيها ... ويريحني نفسياً فى سواقته ... ويستحمل أجواء البلد اللى انا عايش فيها ...وقطع غياره تبقى فى متناول أيدي ... واللى هلاقي حد يعرف يصلحلي عربيتى ... وده لا أنكر بالطبع السيارات اليباني ... محققاه (ما عدا أسعار قطع الغيار) ... وبالطبع أيضاً الكوري محققه أجمالاً ...

- خلاصة كلامي ... أنا لما نزلت أشترى عربية ... لقيت أن هيونداى بتدينى عربية فيها اللي أنا عايزه ... موتور حديث ... وتصميم أنسيابي ... و شياكة من جوه ... وتقفيل الخامات من جوه جيدة جداً و تعادل اليبانى ( أنا بتكلم على الموديلات اللى ذكرتها) وده بمعاينة عيناي ... وانا بشترى مش نقلاً من كلام حد ... يعنى من اللف فى السوق ... وتجربة معظم العربيات ... يبقى ما اشتريهاش فقط علشان كوري مش يباني ... طبعاً ... أنا أخترت ... اللي فيه راحتى ومصلحتى ... سعر عربيتى كان هو هو سعر الانسر ال Sport ... وكان ممكن أزود شوية وأجيب الكورلا بس كنت هأستغنى عن كل الكماليات اللي عندى ... وفى الأخر انا أخترت الكوري مش اليباني ( المعمر فى مصر ... واللي سعر قطع غياره أرخص )... ومن حقى أدافع عن وجهة نظرى ... بس أكيد مش من حقى انى أفرضها على أى حد ...

تقبلوا تحياتي ...

م / حسام منير

أحنا بداية كلمنا كان على العربيات اللي بتنزل مصر مش فى المطلق ... أكيد أبقى انسان احمق ... لما أقارن عربيتي بالعربيات الالماني ... كالمرسيدس وال BMW ... أو بالعربيات الأنجليزى ك أل جاكوار مثلاً ... أو حتى بالفئة العالية من اليبانى ك أل Lexus وال أنفينتي ... بس لما اقارن عربيتى هيونداى ألنترا الكوري اللي بتنزل مصر

يا اخي العزيز مين قالك انك قارنتهم بالألماني او بالعربيات الأنجليزي
العربيت كل عربيه متقييمة لوحدها وممكن حضرتك تقرأ اسس التقييم اللي هما بيقيموا عليها هما مش بيقيموا العربيات ببعضها ....... :?: :?: :?:

- أما لو هجيب المقارانات العالمية اللي بتعملها منظمات خاصة فدى عندى مع عدم علمي بصحتها من عدمة - وده رأى شخصي بحت - لا أقييم لها وزناً طيب ليه : علشان مقارنة زى دى ... ممكن أحبط بيها نفسي نتيجة أنعدام عناصر الأمان فى عربيتى مثلاً ...يعنى بدون الoptions الكثيير الناقصة ... عربيتى المفروض فيها 6 Air Bags .... بتزل فى مصر بدونهم واخيراً نزلوا موديلين فيهم واحدة فقط ... يبقى أنا عربيتى هتتظلم ... نتيجة ال Option ... اللى مش موجود ... أو ممكن تكون عربيتى ناقصة فى بعض ال Options الأخرى ... موجودة فى سيارات تانية ... يبقى برضه بظلم عربيتى ... يبقى نجوم مثلاً زى الخاصة بعناصر الامان أتشالت من عندى علشان عربيتى مش مجهزة بهذا

هو حضرتك مش واخد بالك ان التقييمات دي للعربيات اللي فيها الأوبشن كله كمان ولا ايه
يعني الألنترا اللي هما مقيمنها فيها 6 وسائد
وبعدين تحبط نفسك ليه انت واخد الموضوع شخصي ليه احنا بنتكلم على الصح والخطأ في العربيات
فلو كان صح يبقى انا اقول صح ولو كان غلط برضه مفيش مشكلة لأن الموضوع مش شخصي ولكن احنا بنتكلم على العربيات وليس على شخص ...... :!: :!: :!: :!:

أو الهوندا سيفك ... أقدر أقول بمنتهى الثقة أن عربيتى تعادل العربيات دى ... بل تتفوق عليهم فى بعض النقاط

يا راجل ده كلام برضه
هتقارن الألنترا بالسيفيك كمان وبتتعداها في النقاط

لا بصراحه كده انا لا استطيع ان اكمل هذا الحوار واستعذرك اني لن أكمل هذا

- طيب ده الموقع اللي سيادتك بتستشهد بيه حاطين سيارات ... أوربيه واخده نفس التقييم بتاع الكوري ( حد يصدق )...ومطلعين عربيات يباني أفضل من الاوربي ... يبقى التقيمات دى فى رأيي الشخصي غير مجديه ...

طيب انت رايك انهم بيفتروا مثلا على العربيات اللي هيا بتاعتهم في الاتحاد الأوروبي تفتكر ان الانجليز ممكن يعملو كده ومفيش مشكلة

ما هي دي المشكلة ان احنا بنقييم العربيات عندنا بأنها بتشد كويس ومافيش عربيه بتقدر تقف امامها

يا اخي الكريم هما بيقارنوا العربيه أنهم بياخدوا ايه مقابل كام والعربيه اعتماديتها امام سعرها


وشكرا لك ولصبرك وتحياتي لك

يا اخي العزيز مين قالك انك قارنتهم بالألماني او بالعربيات الأنجليزي
العربيت كل عربيه متقييمة لوحدها وممكن حضرتك تقرأ اسس التقييم اللي هما بيقيموا عليها هما مش بيقيموا العربيات ببعضها .......

- يا سيدى الفاضل بالراحه عليا بس ... أنا حبيت اوضح للاعضاء اللي لسه بتقرأ الموضوع النهارده ... أنى عندى من العقل ... الي يخلينى محطش عربيتى فى مقارنة مع عربيات ممكن تماثلها فى السعة اللترية ... ولكن أكيد لا تماثلها فى الجودة ... أقصد العربيات الأوربي ... وانا لست فى حاجة لقرأة الموقع ... لأني ببساطه ... مش مقتنع بمثل هذه التقييمات - من وجهة نظرى طبعاً - التى بيطلع فيها العربيات اليبانى أفضل من العربيات الأوربي والأمريكاني كمان ... الحمد لله زى ما وضحت لسيادتك قبل كدة ...انا شخص ليقتنع بسهولة بكلام ما يدخلش دماغة ...

هو حضرتك مش واخد بالك ان التقييمات دي للعربيات اللي فيها الأوبشن كله كمان ولا ايه
يعني الألنترا اللي هما مقيمنها فيها 6 وسائد
وبعدين تحبط نفسك ليه انت واخد الموضوع شخصي ليه احنا بنتكلم على الصح والخطأ في العربيات
فلو كان صح يبقى انا اقول صح ولو كان غلط برضه مفيش مشكلة لأن الموضوع مش شخصي ولكن احنا بنتكلم على العربيات وليس على شخص ......

- لأ واخد بالي صدقني ... بس سيادتك ما فهمتش كلامي ... أنا بتكلم أذا كان عربيتى اللي معايا مافيهاش air bag ... واللي ممكن يتعمل بيها المقارنة هتبقى الكاملة بتاعة بلاد بره اللي فيها 6 air bags ... وهتطلع ضايعه فى الأخر ... يبقى انا بقى أتعقد واقعد ساكت ... يعنى انا بتكلم فى حالة خاصة اللي هيا عربيتى ... أحبط نفسي ليه علشان عربيتى مش موجودة أصلاً بصراحة بحثت فى العربيات المووجودة فى الموقع اللي سيادتك حاطه ملقتهاش Elantra 2007 ... بس ممكن ده يبقى قصور مني يعني ما دورتش كويس ... يأما لسة ما نزلتش فى أنجلترا ...

- أكيد أحنا بنتكلم على العربيات مين جاب سيرة أشخاص ... أحنا كلامنا كله فى اليباني ... والكوري ... ودخل حالياً على الأوربي ... اما أنه يكون فى المنتدى أشخاص تحمل هذه الجنسيات وانا ما أعرفش ... فيا ريت يا سادة لو هناك من يحمل جنسيات أخرى غير المصريه ... فى المنتدى يتم أعلامي ... لحسن اكون جرحت أو أذيت أحد من اصحاب الجنسيات الأخرى ... بكلامي بدون قصد ...

يا راجل ده كلام برضه
هتقارن الألنترا بالسيفيك كمان وبتتعداها في النقاط

لا بصراحه كده انا لا استطيع ان اكمل هذا الحوار واستعذرك اني لن أكمل هذا

- أكيد الألنترا أحسن لما تكون السيفك اللي نازلة مصر موتورها SOHC .... و 8 Valves و HP122 ... @6,500 RPM( طبعاً انا أتناقشت مع الوكيل فى المعلومات دى يا عني مش فتي) ... يبقى موتور الألنترا لأنه DOHC ... و 16 Valves و HP121 ... @6,200 RPM... أفضل أو علشان نكون أكثر دقة موتور السيفيك نازل مصر بتكنولوجيا قديمة شوية علشان يعرف ينافس فى السعر ... وكمان بص على تقفيل الكبوت فى السيفك ... وبص على الألنترا ... والأرتفاع عن الأرض Ground Clearance ... كل دى نقط تخليني أفكر ألف مرة لما أشترى عربية أغلى من عربيتى ب 30,000 جنيه لمجرد انها يباني ...رجاءاً ...الله يخليك قبل ما تتريق عليا ... فكر و أبحث وبعدين أبقى رد ...

- أما عن تكملة الحوار من عدمة ده شئ يرجعلك ... وطبعاً أنت حر ... بس أنا معاك للأخر ... وصدقني انا أول واحد مستفيد ...

طيب انت رايك انهم بيفتروا مثلا على العربيات اللي هيا بتاعتهم في الاتحاد الأوروبي تفتكر ان الانجليز ممكن يعملو كده ومفيش مشكلة

ما هي دي المشكلة ان احنا بنقييم العربيات عندنا بأنها بتشد كويس ومافيش عربيه بتقدر تقف امامها

يا اخي الكريم هما بيقارنوا العربيه أنهم بياخدوا ايه مقابل كام والعربيه اعتماديتها امام سعرها


وشكرا لك ولصبرك وتحياتي لك

- الحقيقة دى منظمات خاصة ... صاحبة هذه التقيمات ... وانا لا أعلم ما هو مصدر التمويل الرئيسي لمثل هذه المنظمات ... وان كان معترف بها دولياً ... أم لا ... بس أوعدك هدور على أصل الموقع ده أيه ...ولو وصلت لحاجة هبلغك ... بس سامحنى احب أقولك برضة أن دماغى ليست ساحة لأن حد يخلينى اقرأ معلومة على موقع أى كان ... وبالتالي ... أسلم بيها وأعتبرها مظبوطه وصح ... وأستشهد بيها كمان فى مناقشاتي ...

- انا أخر واحد ممكن يشترى عربية علشان بتشد ... وما فيش عربية بتوقف قدامها ... لست بهذه التفاهة ولله الحمد ... أنا يا سيدى الفاضل لما حبيت أشترى عربية أخد مني القرار حوالي 10 شهور كاملة من البحث والمقارانات واللف فى السوق ... وركوب معظم العربيات الموجودة ... وتجربة معظم سيارات أصدقائي ... وده ببساطة ... لأني تعبان اوى فى الفلوس اللي حاطتها فى العربية ... فأكيد مش هأبني قراري على قول مش عارف اوصف مدى ساذجته لو تدخل فى تقييم سيارة للشراء ... بتاع مين يشد ومين بيصد ...انا لما ذكرت الحكاية دى ... ذكرتها من واقع تجربة عمليه حصلت ليا وانا مسافر واوضحت أني لم أقصدها بس هو ده اللي حصل ... وتطلب مني سياق الحديث ذكره ... وعلى العموم هيا مش حاجة صح علشان أفتخر بيها ... وانا اعترفت اني كنت غلطان ...

- أشكرك على مدحك لصبري ... بس الحقيقة هو طويل أوى أوى ... يعنى انا صبور جداً جداً ... وأنا سعيد بالحوار المتزن معاك ... وعلى أستعداد لتكملة الحوار إلى ماشاء الله ... طبعاً لو حابب ...

تقبلوا تحياتي ...

م /حسام منير

م/ حسام منير ، حكاية السيفيك دي بصراحة جامدة جدا أنا شخصيا كنت هاقول زي أبو عبد الله كده ما وصلتش للسيفيك ده كمان شوية يقول البي إم 316 بس بصراحة حضرتك أثبتها بأسلوب علمي محترم و في نفس الوقت أثبت اللي أنا عايز أقوله إنا إحنا بنشتري عمياني عشان اسمها ياباني و الإسم نفسه بيعمل في عقلنا الباطن مغزي معين أنا شخصيا كلمة سيفيك ليها سحر معين عندي مش زي سحر كلمة إلنترا بصراحة عشان كده لو معاي تمن الإتنين ممكن اجيب السيفيك حتي لو تمنها أزيد 30 ألف ،، بس عامل نفسي مش أكتر

استاذ Ahmed Anwer ... ده مش معناه ان الألنترا أحسن فى المطلق من السيفك ... وانا مين يا عم علشان أدلي بهذا التصريح ... ده معناه ان فى جزئيات من التكوين الكلي للعربيه لقيت فيه الالنترا تتفوق ... وممكن فى ناس تقول ... لأ ... 30,000 جنيه ... دول فرق ال Durability ... يعنى العربية الكوري أقل فى انها تعمر من اليباني ... كل واحد طبعاً حر فى رأيه وفى وجهة نظرة التى من الممكن أنها تكون صح ... بس كل ده انا مهامنيش وانا بشترى طالما ... أنا هاخد عربية محترمة ... سمعتها حلوة فى مصر ... بها الأمكانيات اللى انا عايزها ... بسعر يناسب أمكانياتي ... وظروفي ... وقطع غيارها أرخص ... أدى الهدف من النقاش ...

خلاصة النقاش من وجهة نظري :
ان كل عربيه حلوه فى عين صاحبها ... هو اللي أختارها ونقاها ... وحط فيها أقصى ما عنده من مال كنوع من الأستثمار ... بيقضى فيها جزء مش قليل من وقته ... وبيقضي بيها مصالحة ... طالما مش هاجي على سلامتي ... ومش هشترى منتج مغشوش ...أو سيارة سيئة السمعة ... يبقى ليه لأ ... كفايانا عقد يا اخونا وشعارات تغيظ ... على سبيل المثال ... كلام من عينة :
- لو فاتك اليباني ... مش هيرجع تاني ...
- واليباني يباني برضة ...

طيب ما كنا بنقول كدة على الأجهزة الكهربائية من 20 سنة ... وبعدين طلع علينا التايواني ... ورفضناه ... وبعدين اكتشافنا أنه كويس جداً .. وبعدين طلعت علينا ماليزيا وسنغافوره ... وهونج كونج ... وبرضة رفضناه ... وبعدين رضخنا ... لحد ما ربنا بلانا بالصيني ... حد النهاردة بيلاقى أجهزة كهربائية من تايوان متلاقيش ... ده الاب توب دلوقتي مصنوع فى الصين ... وبنجيبه مع اننا عارفين أن عمره قصير ...
نفس الكلام حاصل فى عالم السيارات الأسيويه ... الكوري اللي كان الشقيقة الصغرى لصناعة السيارات اليباني ... الشقيقة الصغرى كبرت ... وبقت زى اختها الكبيرة بالظبط ... وشركة هبيونداى كبرت وأشترت شركة كيا ... وأصبحت الصانع الخامس على العالم ... ولسة بتكبر ولسة طموحها غير محدود ... أتفرجوا على جودها فى معرض 2007 New York Auto Show ...والتحفة التجريبية الجديدة ... Concept Genesis ... حاجة روعة فعلاً ... يدل على مدى التقدم اللي داخلة عليه الشركة دى ...

http://www.youtube.com/watch?v=IIsGF...F07nyas%2Ehtml

الراجل نفسه بيتكلم فى العرض ... وبيقول العربية دى هيا اللي هتفهمكم اد أيه احنا أتقدمنا فى السيارات كماركة ... وأسم ...معلهش يا جماعة أن أسف الفيديو طويل بس ممتع جداً ... تتفرجوا على التحفة دى ... هما بشيلوا الستارة عنها تقريباً فى الدقيقة ال9 من زمن الفيلم ...

ده عرض من معرض ... 2007 Detroit Int'l Auto Show واللى فيه عرضوا ال Veracruz

http://video.google.com/googleplayer...40&autoplay=on

... صدقوني عروض رائعة جداً ... أتمنى اللى عنده وقت يشاهدها ... علشان يعرف هيونداى وصلت لفيين ...

يبقى الكلام ده لا يقدم ولا يأخر ... أدفع 30,000 أو 40,000 جنيه فرق علشان فقط كلمة صنع فى اليبان ... و(نحط تحت كلمة فقط دى مائة خط )...ده من وجهة نظري المتواضعة مش صح ... المهم أجيب العربية اللى مريحانى واللي سمعتها حلوة فى السوق ... واللى ليها توكيل هيعرف يوفري قطع غيار بسعر مناسب ... وهيعرف يوفرلى صيانة جيدة ليها ...

وتقبلوا تحياتي ...

م / حسام منير