الموضوع: فى الصيف فقط وعند نهاية المشوار تبتدي تقطع وما تسحبش وممكن تطفي - ليجانزا

عربيتي ليجانزا أوتوماتيك مو 99

في آخر الصيف اللي فات لاحظت لو رحت مشوار وسط البلد ورجعت (انا سكن في القاهرة الجديدة ) تيجي بالضبط في شارع التسعين وتبتدي تقطع وما تسحبش وممكن أوي تطفي ، والموضوع ده بتعمله في نفس المكان تقريبا .

طبعا لفيت عليهم الميكانيكي والكهربائي وكل من له ومن ليس له شأن قعد يفتي بس كنت بأسمع رأيه فقط ولا أنفذ شيء حتى أقتنع اللي قال طرمبة البنزين واللي قال البوجيهات واللي قال الحساسات واللي قال حساس توقيت الكامة . . . الخ .

المهم ما عملتش حاجة ، سبت العربية زي ما هي طول الشتاء شغالة زي الفل مافيش أي مشكلة ، اليومين اللي فاتوا ابتدى الحر يشتغل شوية رحت وسط البلد ورجعت وفي نفس المكان في شارع التسعين ابتدت تقطع وتعمل نفس مشكلة الصيف اللي فات .

يا ترى حد واجه هذه المشكلة الصيفية فقط قبل كده ، أو حد عنده حل أو اقتراح ؟؟

مع العلم إن:
- الحرارة كويسة ما بتسخنش.
- فلتر البنزين جديد ونظيف .
- البنزين 92 وبأملأ دايما من الوطنية قبل المؤشر ما يوصل للربع
- البوجيهات كويسة .
- لمبة الـ Check مش منورة ( يعني الحساسات المفروض سليمة ) ولمبة الـ Check سليمة لأنها بتنور لما أفتح الكونتاكت وبعدين بتطفي .
- سحب العربية كويس جدا سواء مشاوير طويلة أو قصيرة بس في الشتاء فقط في الصيف لأ .
- الفتيس كويس ونقلاته مضبوط .

مش عارف أعمل ايه ؟؟؟

دىطلمبةالبنزين اوالبوبينة
بص لو طلمبة البنزين حتلاقى العربية بتقطع كل ما تدوس بنزين زيادة
ساعت حدوث المشكلة
يعنى استنى لما يظهر العيب
+و دوس بنزين زيا دة لو زادت التقطيعة يبقى طلمبة البنزين
لما بتسخن بتكدب

ماتمشيش من شارع التسعين...

المشاركة الأصلية كتبت بواسطة karimone

ماتمشيش من شارع التسعين...

+1111111

معلش هى القافية حكمت

غالبا ان شاء الله العيب من طلمبة البنزين بتقطع فى الحر او لما بتسخن

ممكن يكون العيب من الموبينه مدام البوجيهات سليمه

حأجرب موضوع طرمبة البنزين وأشوف
بس فلتر الهواء سليم ونظيف
البوبينة انا استبعدها شوية لأن السحب كويس ، لو البوبينة تبقى حتقطع علطول (أعتقد كده )

طيب لو طرمبة البنزين تنصحوني بالاستيراد ولا الصيني ؟؟

ولا دي من المستهلكات ما تنفعش استيراد ؟