أنا عاوز أغير مية الرداتير بمياه خضراء

**swimmer25** · 13-04-2009 11:22 AM

المشاركة الأصلية كتبت بواسطة wasta

عربيتى سوزوكى سويفت موديل 93

انا كمان جبت المياه الخضراء السعودي بس مش عارف الاصلي ولا ايه وكانت ب 25 جنيه في جيركن مدور وبزود منها علي المياه الموجودة في الرادياتير

علي كلام ا/محمد ممدوح فيه مياه خضراء موبيل 4 لتر ب 44 جنيه وتركيزها 33%
وفيه نوع اسمه IADA ال 5 لتر ب 25 جنيه وتركيزها 5%

انا لما سالت في موبيل قبل ما اشتري السعودي لاقيتهم حاطين جراكن علي الارض وقالي الجيركن ب 25 تقريبا فبصيت عليه ملقتش عليه اي تاريخ انتاج او انتهاء فخفت منه
يمكن تكون البنزينة دي بتبيع مياه مضروبة بس دور وشوف
بس بلاش يكون الرادياتير يكون اصلا مصدي وتحط مياه خضراء عشان فعلا ممكن يكون تاثيرها وحش علي جسم الرادياتير نفسه

وبعدين خلي بالك جدا من حاجة مهمة اوي

انا مرة غيرت الرادياتير لانه كان مخروم فقلت انضف بقي دورة التبريد واحط مياه خضراء علي اساس ان الرادياتير جديد
بعدها بفترة لاقيت طرمبة المياه ضربت عشان هي كمان اكيد كان فيها صدا ولما دخل عليها المياه الخضراء جابت اخرها
فدي نقطة مهمة جدا لازم تخلي بالك منها

**samirayad** · 22-05-2009 09:00 PM

وأدى شكل دورة تبريد المحرك وشكل سريان الماء وقت الغسيل للدوره والتشغيل العادى...................................... ..........

**ziours** · 22-05-2009 10:14 PM

انا في عربيتي عمري ماحطط مية خضرا وعايز دلوقتي احط لاني سمعت انها بتساعد في التبريد هل ممكن بعد ماسلك الرداتير احطها
وهل العبوه كلها بتتطحط العبو االي بقول عليها هي الصغيره (السعودي)
شكرا

**samirayad** · 22-05-2009 10:49 PM

على حسب حالة الردياتير ......كما بينا فى الموضوع ( ودى نصيحه مش أكتر )

**ابو حسين** · 22-05-2009 11:41 PM

مشكوووووور والله يعطيك الف عافيه

يابشمهدس سمير

**samirayad** · 22-05-2009 11:49 PM

_ الله يخليك وأشكرك على زوقك .................يا أخى : أبو حسين

**PoweRPassioN** · 26-05-2009 05:58 AM

المشاركة الأصلية كتبت بواسطة konga

انا سمعت انها ماء ملون واالله اعلم
واحد قالي احسن ميه هي ميه الترعه لانها من غير املاح

**samirayad** · 26-05-2009 07:28 AM

برضه عاوز أزود فى الموضوع ده ......أن لو الواحد بيستعمل ماء مخصص للردياتير من البدايه ( الماء الأخضر وخلافه ) ده بيساعد كتير فى الحفاظ على المكنه من التعرض للتلف المفاجىء بسبب قفشان الترموستات (لأن الثرموثتات عمره بيطول مع الماء الأخضر عن الماء العادى ) .......لأن مية الحنفيه كلها أملاح وخلافه ....وربنا يستر علينا منها .................

**kbahgat** · 26-05-2009 09:50 AM

تحياتى للمهندس سمير عياد على سعة صدره للردود السابقة وعلى معلوماته القيمة.
ولكن انا مش فاهم موضوع "الميه المقطره"
على حد علمى ان الميه المقطرة بتستخدم مع البطاريات وممكن لو اتحطت فى الردياتير تتسبب فى تآكل الأملاح المترسبة بداخله وأيضا المترسبة على جدران الموتور من الداخل مما يؤدى الى تآكل فى الأجزاء الضعيفة وبالتالى التسريب.
فما مدى خطورة هذا الموضوع؟
أرجو الإفادة

-

الموضوع: أنا عاوز أغير مية الرداتير بمياه خضراء

LinkBack

أدوات الموضوع

عرض

-

-

-

المواضيع المتشابهه

عاوز أغير الضفيرة

عاوز أغير الكوالين

عاوز أغير لون إضاءة العدادات

عاوز أغير لمبة الكشاف

عاوز أغير زيت الفتيس للنوبيرا

الكلمات الدلالية لهذا الموضوع

المفضلات

المفضلات

ضوابط المشاركة