أنا عاوز أغير مية الرداتير بمياه خضراء

**wasta** · 07-04-2009 08:29 PM

بسم الله الرحمن الرحيم
السلام عليكم ورحمة الله وبركاته
أنا عاوز أغير المية بتاعت العربية اللى من الحنفيه لإنها مصديه وعاوز أحط ميه خضره إزاى أنضف الرداتير منغير ما أفكه ولكم جزيل الشكر

**konga** · 07-04-2009 08:43 PM

انا سمعت انها ماء ملون واالله اعلم
واحد قالي احسن ميه هي ميه الترعه لانها من غير املاح

**wasta** · 07-04-2009 11:56 PM

هههههههههههههه حلوة مية الترعه ديه بس هنجيبها منين

**samirayad** · 08-04-2009 12:20 AM

1- حل خرطوم الميه السفلى اللى رايح لسحب الطلمبه من أسفل زور الردياتير ونزل كل الميه.......................

2- أملا الدوره كلها بالميه لحد ماتضبط المقاس طبعا بعد رباط قفيز الخرطوم مره تانيه لملأ الدوره.............

_3 دور فتره بسيطه جدا....للسماح بدوران الماء داخل المحرك...............

_4-كرر الثلاث خطوات اللى فوق لحد مالون الميه يبقى تمام.......

*** ملحوظه: الموضوع ده بيتعمل قبل تسخين المحرك ولسه المحرك بارد ....الصبح مثلا( يعنى قبل ماتصل لحرارة التشغيل ) والهدف شطف الدوره ......ويادوب تدوير الميه فقط داخل منظومة المحرك ....بدون رفع حرارة المحرك نهائيا......__ ياريت برضه ماتستعملش ماء أخضر بعد الموضوع ده.......وممكن تستعمل ماء مقطر أو ماء عادى تانى ( لعدم حدوث أى أضرار على الردياتير ....لأن حيكون فيه أملاح قديمه برضه لسه موجوده داخل مواسير الردياتير من الأستعمال السابق للماء العادى.....ودى بتتفاعل كيميائيا مع مادة الأيثيل جليكول فى حالة أستعمالك لماء به أضافات زى الماء الأخضر..................) ....وبالتوفيق أن شاء الله

**KIA_SEPHIA_2001_K** · 08-04-2009 12:39 AM

هات الميه من كارفور يا باشا ميه خضره وبتاعت ترع ميه فى الميه

**tmedhat** · 08-04-2009 12:41 AM

حلو قوى موضوع مية الترعة دى
جديدة نوفى
افكار جهنمية
انا حعبى مية الترعة فى ازايز و انزل بيها شارع زكى
اكل عيش على الخلق

**wasta** · 08-04-2009 12:52 AM

شكرا يا أستاذ سمير على المعلومات القيمه ديه بس أنا مفهمتش فى الأخر يعنى محطش ميه خضراء ولا إيه ولا أحطها إمته ؟؟

**samirayad** · 08-04-2009 01:00 AM

ما أنا قولتلك......لو حالة الردياتير مش فد كده .....وفيه أملاح كتير مترسبه .....وأستعملت ميه خضراء ....ممكن ينخرم منك (بسبب التفاعل اللى حيحصل بين الأملاح ومادة الأيثيل جليكول اللى موجوده فى الماء الأخضر )........وأنت اللى عارف حالة الردياتير عندك ............لأن المفروض الميه الخضراء تكون بتستعمل من البدايه

**Lion_Heart** · 08-04-2009 01:20 AM

ولو استخدمت الردياتير فلش لازالة الرواسب و الاملاح ممكن يستعمل بعدها مياه خضراء و لا هيكون غير مجدى ايضا .

**samirayad** · 08-04-2009 01:50 AM

لو حالة الردياتير كويسه ......ممكن بعد ماتزيل الرواسب والأملاح .....تستعمل الماء الأخضر ( وأن شاء الله حيكون مفيش مشاكل .....طالما حيتم التخلص من الأملاح )

الموضوع: أنا عاوز أغير مية الرداتير بمياه خضراء

LinkBack

أدوات الموضوع

عرض

أنا عاوز أغير مية الرداتير بمياه خضراء - انشر الموضوع فى :

-

-

-

-

المواضيع المتشابهه

عاوز أغير الضفيرة

عاوز أغير الكوالين

عاوز أغير لون إضاءة العدادات

عاوز أغير لمبة الكشاف

عاوز أغير زيت الفتيس للنوبيرا

الكلمات الدلالية لهذا الموضوع

المفضلات

المفضلات

ضوابط المشاركة