الموضوع: أنا عاوز أغير مية الرداتير بمياه خضراء

باشا
وانا عمال اقول الموضوع ده نوره زياده ليه
اتاري سمير باشا هنا

الله يخليك يا أحمد باشا........كانت ظروف وعدت الحمد لله

انت صحيح كنت مسافر زي روكي ما بيقول (طمنا عليك يا كبير)

لا والله يا أبو حميد وأنت واحشنى كتير وواحشنى زوقك

وبمناسبة موضوع المية الخضرا ومية الترع والكلام الجامد ده ايه رأيك يا كبيرنا في حكاية اضافة شوية خل علي مية الرادياتير

دا كده ميت فل وأربعة عشر ......دا حتى تبقى شوربه محترمه..........

المشاركة الأصلية كتبت بواسطة roky

أخونا الباشمهندز سمير ...
حمدالله ع السلامة يا باشا (لمؤاخذة ع المقاطعة يا جماعة بس الراجل ده واحشني جداً)
أنت فين يا راجل ... أنا قلت انت كنت مسافر ؟!
أنا عاوزك ضروري في أستشارة كده بس مش عارف أراسلك علي الخاص ... حاولت ابعتلك قالي غير متاح مؤقتاً ...يوووه.. قصدي لا يمسح بأستقبال رسايل خاصة ...
ياريت تراسلني علي الخاص أو تقولي أراسلك أزي ...
بالمناسبة ... طقم العدة بتاعي زاد مفتاح بلدي نمرة 14 ... لسه شاريه أول أمبارح ... المهم لما نتكلم علي الخاص هابقي أحكيلك ...

لمؤاخذة مرة تاني يا جماعة علي المقاطعة دي .. بس الراجل ده أديلي أكتر من شهر متشحتف و مش عارف أتلم عليه

سلاموعليكو

والله أنت عسل يا أخويا الفاضل : روكى ( وياريت نعرف أسم حضرتك الحقيقى ).....ده تليفونى وأكون سعيد لأتصالك وصداقتك 0128383281

أهلا يا أخ روكي

عايز رأيي أنا مع الاخ سمير و لكن بدلا من التعب و قد لا تغسل دورة التبريد جيدا و تفوت عليك حتت فيها أملاح روح محطة بنزين فيها غسيل رادياتير و هم كثير و في واحدة في وسط شارع الهرم أسمها مينا سيرفيس أمام السنترال

يغسلو دورة التبريد كلها و بيضعوا مزيبات للأملاح و بعد ما المية تصفى تضع الميه الخضراء و أنت قلبك مطمن .

و طول ما ندي ظهرنا للترعة عمر البلهارسيا في جتنا ما ترعى

الأستاذ سمير ده يا جدعان بروفوسير ومالوش حل
لك كل الشكر والإحترام

المشاركة الأصلية كتبت بواسطة abdelmessih67

أهلا يا أخ روكي

عايز رأيي أنا مع الاخ سمير و لكن بدلا من التعب و قد لا تغسل دورة التبريد جيدا و تفوت عليك حتت فيها أملاح روح محطة بنزين فيها غسيل رادياتير و هم كثير و في واحدة في وسط شارع الهرم أسمها مينا سيرفيس أمام السنترال

يغسلو دورة التبريد كلها و بيضعوا مزيبات للأملاح و بعد ما المية تصفى تضع الميه الخضراء و أنت قلبك مطمن .

و طول ما ندي ظهرنا للترعة عمر البلهارسيا في جتنا ما ترعى

ههههههههههههههههههه حلوه طول ماندى ضهرنا للترعه ديه
ههههههههههههههههههههههههه ههههههههههههههههههههههههه هههههههههههه

المشاركة الأصلية كتبت بواسطة wasta

الأستاذ سمير ده يا جدعان بروفوسير ومالوش حل
لك كل الشكر والإحترام

الله يخليك يا أخى.......أحنا بنفكر مع بعض للصالح العام مش أكتر .......ومفيش حد عارف كل حاجه .....دى كلها أجتهادات .........على الأقل الواحد وهو رايح لأى صنايعى يبقى عارف أبعاد مشكلته وميخليهوش يغنى عليه................

حمدالله علي السلامة يا بشمهندس سمير
افتقدناك كتير اوى
انا عندى سوال بالنسبة للمياة الخضراء
فية انواع كتيرة جدا من المية الخضراء
لية احسن واحد
انا قبلتنى مشكلة فى كتالوج السيارة مكتوب احط اثيلين جليكول 40%
بس الى فى السوق معظمة مش مكتوب علية تركيز
اتصلت مرة بشركة تصنيع فى الاسكندرية قال لي ان المنتج بتاعهم
10% و دة المناسب و المصرح بية فى مصر
قلتلة ان فى فلسوق 40% ودة من انتاج شركة الهلال للمنظفات و البلاستيك
قال لى دة كلام غلط ومش صحيح
سياتك اية رايك
احط اى نوع ولا النوع الموصي بة فى الكتالوج
مع انة حذرنى ان اى تركيز اقل فية ضرر على الدورة
اسف على التطويل:b4_388:

حمدالله علي السلامة يا بشمهندس سمير

الله يسلمك يا أخى الفاضل دكتور : وليد

انا قبلتنى مشكلة فى كتالوج السيارة مكتوب احط اثيلين جليكول 40%

لو حضرتك عاوز تلتزم بكلام الكتالوج ( وطبعا ده أفضل ).....ممكن تدور على الميه الخضراء السعودى الأصلى ( أنا بأستعملها عندى وزودت منها على الميه اللى أنا شارى العربيه بيها )........وتقريبا العبوه بالجالون ( تقريبا 4 جالون )......وبنكون فى الرينج من 35 الى 40 جنيه .......بس للأمانه أنا قلقان شويه من نسبة الأيثيل جليكول العاليه دى........وخايف على مواسير الدوره وناوى لما أحتاج أزود (أحط ماء مقطر فقط ......يعتى مره ميه خضراء ومره ماء مقطر )......لأن برضه زيادة نسبة الأيثيل جليكول مش مفضله ...حفاظا على مواسير الردياتير( علشان كده ياريت تحاول تشوف نوع موثوق فيه .....وتكون النسبه فى حدود 20 % على الأكثر أو أقل ....بس المهم الجوده )

احط اى نوع ولا النوع الموصي بة فى الكتالوج
مع انة حذرنى ان اى تركيز اقل فية ضرر على الدورة

هو حضرتك ممكن يكون الكتالوج بيراعى فى توصيفه ظروف مكان أنتاج السياره (أماكن بارده مثلا )......وعلشان كده من رأيى لحضرتك حاول تكون النسبه برضه قليله ( وخير الأمور أوسطها )..........................................** أنا حطيت قدام حضرتك الخيارين وبينتلك وجهة نظرى ...والرأى لك ( بس عن نفسى حلتزم بالطريقه اللى قولتلك عليها فى التزويد بأذن الله )

اسف على التطويل

تحت أمرك يادكتور .....وأحنا أخوات وبنتناقش للوصول للحاجه الأمان.........تحياتى

المشاركة الأصلية كتبت بواسطة swimmer25

كلام ا/ سمير صح
بس عربيتك نوعها ايه؟

أشكرك يا أخى على زوقك.............