بسم الله الرحمن الرحيم
السلام عليكم ورحمة الله وبركاته
أنا عاوز أغير المية بتاعت العربية اللى من الحنفيه لإنها مصديه وعاوز أحط ميه خضره إزاى أنضف الرداتير منغير ما أفكه ولكم جزيل الشكر
عرض للطباعة
بسم الله الرحمن الرحيم
السلام عليكم ورحمة الله وبركاته
أنا عاوز أغير المية بتاعت العربية اللى من الحنفيه لإنها مصديه وعاوز أحط ميه خضره إزاى أنضف الرداتير منغير ما أفكه ولكم جزيل الشكر
انا سمعت انها ماء ملون واالله اعلم
واحد قالي احسن ميه هي ميه الترعه لانها من غير املاح
هههههههههههههه حلوة مية الترعه ديه بس هنجيبها منين:ma:
1- حل خرطوم الميه السفلى اللى رايح لسحب الطلمبه من أسفل زور الردياتير ونزل كل الميه.......................2- أملا الدوره كلها بالميه لحد ماتضبط المقاس طبعا بعد رباط قفيز الخرطوم مره تانيه لملأ الدوره............._3 دور فتره بسيطه جدا....للسماح بدوران الماء داخل المحرك..............._4-كرر الثلاث خطوات اللى فوق لحد مالون الميه يبقى تمام.......*** ملحوظه: الموضوع ده بيتعمل قبل تسخين المحرك ولسه المحرك بارد ....الصبح مثلا( يعنى قبل ماتصل لحرارة التشغيل ) والهدف شطف الدوره ......ويادوب تدوير الميه فقط داخل منظومة المحرك ....بدون رفع حرارة المحرك نهائيا......__ ياريت برضه ماتستعملش ماء أخضر بعد الموضوع ده.......وممكن تستعمل ماء مقطر أو ماء عادى تانى ( لعدم حدوث أى أضرار على الردياتير ....لأن حيكون فيه أملاح قديمه برضه لسه موجوده داخل مواسير الردياتير من الأستعمال السابق للماء العادى.....ودى بتتفاعل كيميائيا مع مادة الأيثيل جليكول فى حالة أستعمالك لماء به أضافات زى الماء الأخضر..................) ....وبالتوفيق أن شاء الله
هات الميه من كارفور يا باشا ميه خضره وبتاعت ترع ميه فى الميه
حلو قوى موضوع مية الترعة دى
جديدة نوفى
افكار جهنمية
انا حعبى مية الترعة فى ازايز و انزل بيها شارع زكى
اكل عيش على الخلق
شكرا يا أستاذ سمير على المعلومات القيمه ديه بس أنا مفهمتش فى الأخر يعنى محطش ميه خضراء ولا إيه ولا أحطها إمته ؟؟
ما أنا قولتلك......لو حالة الردياتير مش فد كده .....وفيه أملاح كتير مترسبه .....وأستعملت ميه خضراء ....ممكن ينخرم منك (بسبب التفاعل اللى حيحصل بين الأملاح ومادة الأيثيل جليكول اللى موجوده فى الماء الأخضر )........وأنت اللى عارف حالة الردياتير عندك ............لأن المفروض الميه الخضراء تكون بتستعمل من البدايه
ولو استخدمت الردياتير فلش لازالة الرواسب و الاملاح ممكن يستعمل بعدها مياه خضراء و لا هيكون غير مجدى ايضا .
لو حالة الردياتير كويسه ......ممكن بعد ماتزيل الرواسب والأملاح .....تستعمل الماء الأخضر ( وأن شاء الله حيكون مفيش مشاكل .....طالما حيتم التخلص من الأملاح )
أخونا الباشمهندز سمير ...
حمدالله ع السلامة يا باشا (لمؤاخذة ع المقاطعة يا جماعة بس الراجل ده واحشني جداً)
أنت فين يا راجل ... أنا قلت انت كنت مسافر ؟!
أنا عاوزك ضروري في أستشارة كده بس مش عارف أراسلك علي الخاص ... حاولت ابعتلك قالي غير متاح مؤقتاً ...يوووه.. قصدي لا يمسح بأستقبال رسايل خاصة ...
ياريت تراسلني علي الخاص أو تقولي أراسلك أزي ...
بالمناسبة ... طقم العدة بتاعي زاد مفتاح بلدي نمرة 14 ... لسه شاريه أول أمبارح ... المهم لما نتكلم علي الخاص هابقي أحكيلك ...
لمؤاخذة مرة تاني يا جماعة علي المقاطعة دي .. بس الراجل ده أديلي أكتر من شهر متشحتف و مش عارف أتلم عليه :shyy:
سلاموعليكو
باشا
وانا عمال اقول الموضوع ده نوره زياده ليه
اتاري سمير باشا هنا
وحشني جدااااااااااا
انت صحيح كنت مسافر زي روكي ما بيقول (طمنا عليك يا كبير)
وبمناسبة موضوع المية الخضرا ومية الترع والكلام الجامد ده ايه رأيك يا كبيرنا في حكاية اضافة شوية خل علي مية الرادياتير
الله يخليك يا أحمد باشا........كانت ظروف وعدت الحمد للهاقتباس:
باشا
وانا عمال اقول الموضوع ده نوره زياده ليه
اتاري سمير باشا هنا
لا والله يا أبو حميد وأنت واحشنى كتير وواحشنى زوقكاقتباس:
انت صحيح كنت مسافر زي روكي ما بيقول (طمنا عليك يا كبير)
دا كده ميت فل وأربعة عشر ......دا حتى تبقى شوربه محترمه..........:biggrin:اقتباس:
وبمناسبة موضوع المية الخضرا ومية الترع والكلام الجامد ده ايه رأيك يا كبيرنا في حكاية اضافة شوية خل علي مية الرادياتير
والله أنت عسل يا أخويا الفاضل : روكى ( وياريت نعرف أسم حضرتك الحقيقى ).....ده تليفونى وأكون سعيد لأتصالك وصداقتك 0128383281
أهلا يا أخ روكي
عايز رأيي أنا مع الاخ سمير و لكن بدلا من التعب و قد لا تغسل دورة التبريد جيدا و تفوت عليك حتت فيها أملاح روح محطة بنزين فيها غسيل رادياتير و هم كثير و في واحدة في وسط شارع الهرم أسمها مينا سيرفيس أمام السنترال
يغسلو دورة التبريد كلها و بيضعوا مزيبات للأملاح و بعد ما المية تصفى تضع الميه الخضراء و أنت قلبك مطمن .
و طول ما ندي ظهرنا للترعة عمر البلهارسيا في جتنا ما ترعى
حمدالله علي السلامة يا بشمهندس سمير
افتقدناك كتير اوى
انا عندى سوال بالنسبة للمياة الخضراء
فية انواع كتيرة جدا من المية الخضراء
لية احسن واحد
انا قبلتنى مشكلة فى كتالوج السيارة مكتوب احط اثيلين جليكول 40%
بس الى فى السوق معظمة مش مكتوب علية تركيز
اتصلت مرة بشركة تصنيع فى الاسكندرية قال لي ان المنتج بتاعهم
10% و دة المناسب و المصرح بية فى مصر
قلتلة ان فى فلسوق 40% ودة من انتاج شركة الهلال للمنظفات و البلاستيك
قال لى دة كلام غلط ومش صحيح
سياتك اية رايك
احط اى نوع ولا النوع الموصي بة فى الكتالوج
مع انة حذرنى ان اى تركيز اقل فية ضرر على الدورة
اسف على التطويل:b4_388:
الله يسلمك يا أخى الفاضل دكتور : وليداقتباس:
حمدالله علي السلامة يا بشمهندس سمير
لو حضرتك عاوز تلتزم بكلام الكتالوج ( وطبعا ده أفضل ).....ممكن تدور على الميه الخضراء السعودى الأصلى ( أنا بأستعملها عندى وزودت منها على الميه اللى أنا شارى العربيه بيها )........وتقريبا العبوه بالجالون ( تقريبا 4 جالون )......وبنكون فى الرينج من 35 الى 40 جنيه .......بس للأمانه أنا قلقان شويه من نسبة الأيثيل جليكول العاليه دى........وخايف على مواسير الدوره وناوى لما أحتاج أزود (أحط ماء مقطر فقط ......يعتى مره ميه خضراء ومره ماء مقطر )......لأن برضه زيادة نسبة الأيثيل جليكول مش مفضله ...حفاظا على مواسير الردياتير( علشان كده ياريت تحاول تشوف نوع موثوق فيه .....وتكون النسبه فى حدود 20 % على الأكثر أو أقل ....بس المهم الجوده )اقتباس:
انا قبلتنى مشكلة فى كتالوج السيارة مكتوب احط اثيلين جليكول 40%
هو حضرتك ممكن يكون الكتالوج بيراعى فى توصيفه ظروف مكان أنتاج السياره (أماكن بارده مثلا )......وعلشان كده من رأيى لحضرتك حاول تكون النسبه برضه قليله ( وخير الأمور أوسطها )..........................................** أنا حطيت قدام حضرتك الخيارين وبينتلك وجهة نظرى ...والرأى لك ( بس عن نفسى حلتزم بالطريقه اللى قولتلك عليها فى التزويد بأذن الله )اقتباس:
احط اى نوع ولا النوع الموصي بة فى الكتالوج
مع انة حذرنى ان اى تركيز اقل فية ضرر على الدورة
تحت أمرك يادكتور .....وأحنا أخوات وبنتناقش للوصول للحاجه الأمان.........تحياتىاقتباس:
اسف على التطويل
أشكرك يا أخى على زوقك.............
انا كمان جبت المياه الخضراء السعودي بس مش عارف الاصلي ولا ايه وكانت ب 25 جنيه في جيركن مدور وبزود منها علي المياه الموجودة في الرادياتير
علي كلام ا/محمد ممدوح فيه مياه خضراء موبيل 4 لتر ب 44 جنيه وتركيزها 33%
وفيه نوع اسمه IADA ال 5 لتر ب 25 جنيه وتركيزها 5%
انا لما سالت في موبيل قبل ما اشتري السعودي لاقيتهم حاطين جراكن علي الارض وقالي الجيركن ب 25 تقريبا فبصيت عليه ملقتش عليه اي تاريخ انتاج او انتهاء فخفت منه
يمكن تكون البنزينة دي بتبيع مياه مضروبة بس دور وشوف
بس بلاش يكون الرادياتير يكون اصلا مصدي وتحط مياه خضراء عشان فعلا ممكن يكون تاثيرها وحش علي جسم الرادياتير نفسه
وبعدين خلي بالك جدا من حاجة مهمة اوي
انا مرة غيرت الرادياتير لانه كان مخروم فقلت انضف بقي دورة التبريد واحط مياه خضراء علي اساس ان الرادياتير جديد
بعدها بفترة لاقيت طرمبة المياه ضربت عشان هي كمان اكيد كان فيها صدا ولما دخل عليها المياه الخضراء جابت اخرها
فدي نقطة مهمة جدا لازم تخلي بالك منها
وأدى شكل دورة تبريد المحرك وشكل سريان الماء وقت الغسيل للدوره والتشغيل العادى...................................... ..........
http://www.postimage.org/gx16rowA.jpg
انا في عربيتي عمري ماحطط مية خضرا وعايز دلوقتي احط لاني سمعت انها بتساعد في التبريد هل ممكن بعد ماسلك الرداتير احطها
وهل العبوه كلها بتتطحط العبو االي بقول عليها هي الصغيره (السعودي)
شكرا
على حسب حالة الردياتير ......كما بينا فى الموضوع ( ودى نصيحه مش أكتر )
مشكوووووور والله يعطيك الف عافيه
يابشمهدس سمير
_ الله يخليك وأشكرك على زوقك .................يا أخى : أبو حسين
برضه عاوز أزود فى الموضوع ده ......أن لو الواحد بيستعمل ماء مخصص للردياتير من البدايه ( الماء الأخضر وخلافه ) ده بيساعد كتير فى الحفاظ على المكنه من التعرض للتلف المفاجىء بسبب قفشان الترموستات (لأن الثرموثتات عمره بيطول مع الماء الأخضر عن الماء العادى ) .......لأن مية الحنفيه كلها أملاح وخلافه ....وربنا يستر علينا منها .................
تحياتى للمهندس سمير عياد على سعة صدره للردود السابقة وعلى معلوماته القيمة.
ولكن انا مش فاهم موضوع "الميه المقطره"
على حد علمى ان الميه المقطرة بتستخدم مع البطاريات وممكن لو اتحطت فى الردياتير تتسبب فى تآكل الأملاح المترسبة بداخله وأيضا المترسبة على جدران الموتور من الداخل مما يؤدى الى تآكل فى الأجزاء الضعيفة وبالتالى التسريب.
فما مدى خطورة هذا الموضوع؟
أرجو الإفادة
المية المقطرة مافيهاش املاح الي هي السبب الاساسي في بوظان دائرة التبريد
الله يخليك يا أخى وشكرا لزوقك ....وبالنسبه للماء المقطر فالأخ otefa قام بالواجب وزيادهاقتباس:
تحياتى للمهندس سمير عياد على سعة صدره للردود السابقة وعلى معلوماته القيمة.
انا عملت الموضوع ده فى عربيتى كان فيها ميه عاديه وروحت بنزينه فيها تنضيف ردياتير والجهاز كان بايظ الراجل فك الكوع العلوى فى الرياتير شمال و زود ميه فى القربه عن طيق خرطوم ونزل كل الصدا لحد ما الميه نضفت تماما وركب الكوع وملى ميه خضراء بس مش عارف ده صح ولا لاء وممكن اخففها؟
لو مية خضرا بس بدون تخفيف يبقي 100% غلط والعربية ها تسخن معاك
احسن نسبة 30% خضرا+70% ماية مقطرة
ها ها ها حلوة
حاول بقه من يوم ورايح تزود ميه مقطره فقط .....ومتحطش ماء أخضر تانى ( لأن ريدياتيرك برضه قديم وكنت بتستعمل ميه عاديه قبل كده )اقتباس:
ونزل كل الصدا لحد ما الميه نضفت تماما وركب الكوع وملى ميه خضراء بس مش عارف ده صح ولا لاء وممكن اخففها؟
انا ياجماعة عربيتي فيات باليو وبعدين وان على الطريق حست ان العربية سخنت ففتحت الكبوت لقيت الميه ناقصة فا اطريت احط ميه عاديه في مشاكل واعمل ايه بعد كده لحد مروح التوكيل الشهر جاي وشكراا
[quoteواعمل ايه بعد كده لحد مروح التوكيل الشهر جاي وشكراا][/quote] سيبها على الله ...........ولاتقلق نفسك ....دول تزويده بسيطه لاتستدعى القلق وافراغ دورة التبريد حاليا طالما رايح التوكيل الشهر القادم وكده كده شوية الميه دول دخلوا المكنه ....وأبقى فى التوكيل خليهم يغيرولك الميه تانى وخلاص .......لكى تستريح نفسيتك