السلام عليكم و رحمه الله و بركاته
فى البدايه احب اشكر المنتدى الرائع ده و انا موجود فيه من فتره مش قليله و بتابع اراء الناس فى السيارات الهاتشباك لانى اعشق الهاتشباك جدا و انا اسرتى صغيره انا و مراتى و ابنى 4 سنوات و حجمنا كلنا صغير يعنى الهاتشباك افضل اختيار ليا ولانى كمان مش بسافر كتير و بروح و باجى بعربيه الشغل و تقريبا المدام بتستخدمها معظم الوقت و و مشاويرى كلها مش بعيده بس ممكن اسافر الاسكندريه مره كل شهر عشان نسايبى هناك و كنت بصراحه بدور على حاجه قسط من عند توكيل هيونداى و سالت على ال اى 10 حلوه و كل حاجه بس قطع غيارها غاليه جدا و الاتوس برضه كويسه بس مش عارف مش مقتنع بيها بس الجيتز بالنسبالى عامله زى الصخره الصغيره و القويه جدا و بعد التقرير الرائع المصور هنا بفكر فعلا اشتريها و اعتقد انه مش هيكون قرار غلط ان شاء الله هروح قريب اتفرج على العربيات الثلاثه عند التوكيل و ان شاء الله ربنا يوفقنى للاختيار الصح
انا بس عاوز اعرف منكم لو تكرمتم لو حد يعرف اسعار قطع الغيار انا عارف انكم قلتم انها متقاربه مع الماتريكس بس انا اصلا معرفش اسعار الماتريكسققطع غيار فياريت حد يفيدنى بالاسعار عشان دى المعلومه اللى فضلالى عن الجيتز بعد التقرير الرائع ده .
و شكرا ليكم مره تانيه و للمنتدى الرائع ده
المفضلات