الموضوع: استفسار: عدم ترخيص سيارات الملاكى القديمة

فعلا هذا حقيقى لان ده اتجاه حاليا هدفه المحافظة على البيئة، وايضا المحافظة على سيولة المرور و احلال سيارات جديدة محل سيارات منتهية الصلاحية... الخ

الكلام ده مظبوط لان الموضوع مرتبط بنظام البيئه العالمى التابع للامم المتحده
وفى فحص للهواء فى مصر تبين انه ملوث بعوادم السيارات بنسب عاليه عن المسموح بيها فبالتالى ادو تنيويه لمصر ان الانبعاثات الملوثه للجو فى مصر كثير ولازم يبدؤو العمل على حل المشكلة دى حفاظا على صحة المواطنيين
هو الموضوع لم ينتهى النقاش فيه فى مجلس الشعب لاكنهم اتفقو على تكهين التاكسيات اولا وترك النظر فى موضوع الملاكى معلق حتى الان
وده لو حصل يبقى فى عربيات تمنها مثلا 20000 جنيه هتتباع خرده بالوزن بأقل من 5000 جنيه والمصيبه بقى لو الحديد نزل اكثر
هو الموضوع فى ناس شايفه انه ظلم وفى ناس تانيه راكبه عربيات نظيفه ومن حقها تمشى فى الطريق بدون ماتلاقى عربيات قديمه عطلانه كل شويه
يعنى ماينفعش تفضل عربيات زى نصر 1300 موديل 1960 شغالة لغاية دلوقتى
هو بس لازم الدوله تحاول توفر عربيات للناس اللى هتعمل احلال على الاقل بدون جمارك

المشاركة الأصلية كتبت بواسطة eg_falcon

وكان يا اخي العربيات بس هي اللي بتلوث البيئة يعني حرق قش الارز دا عمل صديق للبيئة و مداخن المصانع كلها صديقة للبيئة و يا سلام على مصانع الاسمنت دي باه الانتيم بتاع البيئة :k10: و الله المستعان

[COLOR=انا موافق ارمي عربتي القديمه في سبيل البيئة بس بشرط واحد
الحكومه الرشيده ترمي عربيتها القديمه و اتوبيستها و تجددها زي ما هي ناويه تعمل فينا
يعني تبتدي بنفسها و المواطنين الشرفاء يلاقم اتوبيسات موديل 2009 او 2006 كاقدم موديل يركبوه ؟؟
و لا ايه رايكم؟؟؟؟

المشاركة الأصلية كتبت بواسطة wawamoha

[COLOR=انا موافق ارمي عربتي القديمه في سبيل البيئة بس بشرط واحد
الحكومه الرشيده ترمي عربيتها القديمه و اتوبيستها و تجددها زي ما هي ناويه تعمل فينا
يعني تبتدي بنفسها و المواطنين الشرفاء يلاقم اتوبيسات موديل 2009 او 2006 كاقدم موديل يركبوه ؟؟
و لا ايه رايكم؟؟؟؟

ده بيحصل فعلا منذ سنوات فى مشروع لاحلال الاتوبيسات المتهالكة باتوبيسات احدث، وده برضه لاسباب بيئية، علشان كده اختفت اتوبيسات المرسيدس القديمة اللى كان بقالها 50 سنه ماشية.... و الاتوبيسات الجديدة المفروض بيتم تحويلها الى الغاز الطبيعى.... وهكذا...

المشاركة الأصلية كتبت بواسطة د.محمود صلاح

صعب جدا يتطبق ... ده الامارات بحالها حاولت تطبيق الموضوع ده بس فشلت , بس اللى ممكن يحصل هو تضييق الخناق فى القديم اثناء الفحص لإجبار صاحبها على الصيانة او البيع خردة

لما يضيقوا الخناق على اللي عنده قديم من غير ما يلاقوا له حل زي التاكسي كدة يبقى ده ظلم طبقي و إجتماعي فإذا كنت حضرتك عندك قدرة شرائية تمكنك من شراء سيارة جديدة أنا لا أمتلك مثل هذه القدرة يبقى متظلمنيش أنا و أسرتي و نبقى من غير عربية, لو عند حضرتك حل مع التجار و الفساد يمكني من أني أقدر أغير سيارتي المتهالكة فتفضل بيه و أتحدى أي حد فيكم أنه ما يزعلش على 10 جنيه وقعت منه مش عربية تتباع خردة!!

طيب انا عندى مرسيدس موديل معدل 79 و عمرها ما عطلت فى الشارع او طلعت عادم من الشكمان هيتطبق عليا الكلام ده؟

المشاركة الأصلية كتبت بواسطة meemo the beast

لما يضيقوا الخناق على اللي عنده قديم من غير ما يلاقوا له حل زي التاكسي كدة يبقى ده ظلم طبقي و إجتماعي فإذا كنت حضرتك عندك قدرة شرائية تمكنك من شراء سيارة جديدة أنا لا أمتلك مثل هذه القدرة يبقى متظلمنيش أنا و أسرتي و نبقى من غير عربية, لو عند حضرتك حل مع التجار و الفساد يمكني من أني أقدر أغير سيارتي المتهالكة فتفضل بيه و أتحدى أي حد فيكم أنه ما يزعلش على 10 جنيه وقعت منه مش عربية تتباع خردة!!

ان معاك يا باشا
بس هو فيه حد بيفكر في اغلبيه الشعب ؟؟
لو كان احد بيفكر ماكنش حالنا اتدهور كده نسب الفقر بتزيد يوم ورا يوم ..