اولا يا جماعة احنا بنعامل الناس بخلقنا احنا مش بخلقهم هما
يعنى مفيش اى مبرر يدينى حق اسرق واحد حرامى لان هو حرامى اذا كان هو حرامى فانا مش حرامى
و اذا كان هو سايب حاجته للسرقة علشان اغراض فى نفسه فانا ما بفكرش فى دلوقتى انا بتكلم عن يوم الحساب و لما اقف ادام ربنا مش هعرف اقوله اى حجة من اللى اى واحد قالها و صاحب الشركة يوميها هييجى ادام ربنا و مش هيقول انا كنت سايبها تتسرق بمزاجى و مش معنى انى مش قافل بيتى بالضبة و المفتاح و سايبه من غير قفل ان اللى يسرقنى يبقى مش حرامى صحيح انا هبقى مهمل و استاهل بس هو برضه حرامى
ثانيا انا فتحت الموضوع ده لسبب بسيط
انى لما فكرت فى الموضوع ده و فهمته حسيت انى كنت واقع فى مصيبة و بسرق حاجات كتير و ربنا هيحاسبنى عليها فحبيت انشر المعلومة فى كل حتة علشان اللى مش واخد باله ياخد لان فيه ناس لما قلتلهم ما كانوش عارفين حاجة زى كده و كانوا مفكرين مثلا ان ويندوز دى بتبقى تبع الجهاز اصلا
و بالنسبة اذا كان حد شايف ان ده موضوع تافه لا يستحق الحوار و شايف انى مجرد بحاول اعمل مشاركات فهذا رايه و هو حر فيه و انا حر فى رايى و حبيت ابلغ علشان يوم القيامة لو ربنا قاللى ما بلغتش ليه اقول بلغت و عملت اللى عليا
ياريت يا جماعة و ياريت الاخوة المشرفين يقفلوا باب المشاركة فى الموضوع و يسيبوه بس كمان شوية علشان الناس تقراه و يبقى لزم عليهم البحث فى الموضوع هما بانفسهم بقى
المفضلات