اول تغطية وبث ومباشر من مقابلة عيد ميلاد المنتدى الثاني - إبريل 2009 -

**abouzaid555** · 11-04-2009 04:27 PM

و الله و عملوها الاسكندرانية و رفعوا راس نايل موتورز

**اسلام ابراهيم** · 11-04-2009 04:52 PM

المشاركة الأصلية كتبت بواسطة aif

فعلا كان يوم رااائع
شكرا احمد ابو زيد اللي استضافنا وبذل مجهود كبير لإنجاح المقابلة وشنوري ومايكل وكريم للمجهود الوافر في التنظيم و احضار الوجبات و التورته وباقي ترتيبات اللقاء ونادر مصمم التورته وحسام حسن اللي اشرف على التنفيذ ... وكل من ساهم في انجاح هذا اللقاء التاريخي
فعلا انتو ناس زي الفل
....

خالد هو انت كنت بتعمل ايه بالظبط في الصورة دي
...
يعني جمباز ولا قفز بالزانة ولا اية
هههههههههههههههههههه

أقول نزلت ازاى ولا بلاش فضايح

هههههههههههههههه
والله كان يوم زى العسل واحنا بنرحب بيكوا فى اى وقت
الف مبروك لنيل موتورز وعقبال مليون سنه

**Karim_Monir** · 11-04-2009 05:32 PM

معلش لسه صاحي من النوم من شوية
بجد اليوم اكثر من رائع بشوية التنظيم بس اللي كان مرهق حبتين
ولما بتكون بتنظم لحد بتحبة غير لما بتكون بتنظم عشان بتادي عمل
الحمد لله كانت مقابلة ناجحة بكل المقاييس
بداية من من الترتيب والتنظيم اللي قام بيه اخي شنوري والمواضيع اللي كان بيعملها للتاكيد
يليها عرض استاذ احمد ابو زيد(اللي تشرفت جدا بمعرفة انسان على خلق ومحترم وكريم زيه)بانه يستضيف المنتدى في شقتة الشخصية
وطبعا انا مش هاتكلم عن جمال الشقة ولا عن كرم الضيافة اللي الصور هاتكون ابلغ شاهد بيه
يليها عرض اخي اللواء حسام حسن بترتيب التورتة المتميزة من فندق لابساج وخصم 50% عشان خاطر نايل موتورز واللي ماداقش التورتة دي احب ابلغة انك مش هاتدوق زيها في حياتك لانها بجد متظبطة لدرجة اني ماقدرتة اكل نص قطعتي ومش عارف ما شاء الله اللي داسو في قطعتهم وخدو كمالة عملوها ازاي ربنا يديهم الصحة
يليها التصميم الرائع من اخي نادر الطرابيشي لشعار احتفالية المنتدى بالعيد الثاني
التجمع كان عند بنزينة امارت مصر اللي عند الكارتة وماخرنيش غير ان الصورة ماكنتش اتطبعت على التورتة (وخالد عادل اللي هاركب معاه بصراحة حضر في ميعادة وماتصلتش اصحية ولا حاجة
جرررررررررررررر
تم التحرك ووصلنا لغاية الشقة حوالي 11:15 قعدنا واتعرفنا ونزلنا على الاذان مع اني كان الاعضاء اعصابهم تعبانة لما شافو صورة التورتة ومع الجوع والمشوار الحمد لله ماحصلهاش حاجة
بعد الصلاة طلعنا على الشقة نقطع التورتة وسط هتافات وعصبية وتعب اعصاب كبر ايدك شوية عايزين حتة كبيرة
وانا اقولهم يا جماعة والله اللي عايز ياخد تاني
بس تقول لمين القناعة كنز لا يفنى
اترمي منها قد كدة وناس تانية قدرت على الكمالة
وكله بعدها نزل على البحر يهضم
والهواء لطشهم وشوية العصافير اشتغلت
عصافير الجوع
والاتصالات انهمرت على استاذ ابو زيد اللي راح يجيب الوجبات من سموحة
ايون من سموحة للعجمي مش بقولقكم مش هانوفية حقة في الشكر
وصل الاكل وفجأة تحولت الشقة لشعب الصومال الجائع
كل واحد اغتنم فريستة قصدى وجبته وانزوى في ركن ما يلتهمها في صمت
ما بين مش قادر يكمل وما بين متبرع ومابين ناس رجلها وجعتها من الاكل واقفين(اه يا رجلى) وما بين التعليقات الظريفة
بعد الاكا احلى منظر لناس موخمة ومش قادرين يتنفسوا وناس سطحت على السراير
ومناقشات حامية حول اقتصاد مصر وادارة المنتدى اللى اول مرة اسمع اعتراف مباشر بنجاحها في الحفاظ على شعرة معاوية بين الحزم والاحترام بين الادارة والاعضاء
وانا كمان معاهم بوجه الشكر للادارة بنجاحها في تخفيف حدة الرد على الاعضاء
وكمان مناقشة بعض فنيات المنتدى وسبل تطويرها
وانتقل الحوار الى ضرورة سرعة التصوير لان الشمس في طريقها للمغيب
نزلنا اتورنا وصورنا العربياتواتوزعنا على عربياتنا في طريقنا للقاهرة
بحب شكر كل طاقم العمل والضيافة وكل المضيفين الهايلين وكل واحد كلف نفسة وجه عشان يقابلنا وكل اللي ماسعفهمش الوقت والظروف للحضور
بجد احلى صحبة لاحلى منتدى
شكرا خاص وحار لسيادة عميد المنتدى استاذ جمال على تشريفة للقائنا المتواضع لانه شخصية لو قعدتم معاها فعلا هاتدمنوها
شكر خاص لسيادة وكيل العميد استاذنا احمد ابراهيم على تشريفة للقائنا المتواضع وقيادة مسافة 500 كم رايح جاي عشان يشرفنا بحضورة المتميز
(اقتراح بسيط لمشرفين المنتدى بالقاب شرفية سيادة العميد لاستاذ جمال وسيادة الوكيل لاستاذ احمد ابراهيم لكونهم اكبرنا سنا ومكانا في قلوبنا جميعا)
شكرا خاص لمضيفنا استاذ احمد ابو زيد بجد مش هاعرف اوفيك شكرك لكن من عميق قلبي بقولك جزاك الله خير
شنوري انا هاعرف اشكرك على حسن تنظيمك (يا اللي نسيت الكوبايات ها ها) وهانزلك اليكس مخصوص عشان اشكرك
معذرة لكل الاخوة اللي كانو مستنين الاستيكر لكن ان شاء الرحمن يكون عندكم في اليكس خلال اسبوع بالكتير وهايكون في مكانين في اليكس بيوزعوة
كافية برستيج في سبروتنج على البحر (متواجد الان بالفعل)
ومحل اخونا شنوري اللي هايكتب عنوانة بالظبط
----------------
خبر غير عادي اتقال في المنتدى وبيدل ان كان بيدل على قوةنجاح المنتدى وتاثيرة في المصريين
استاذ اسلام فريد تبرع بقطعة ارض في الارض بتاعتة 525 تطل على هضبة عجيبة للمنتدى لصالح المنتدى
وسيتم كتابة عقد رسمي قريبا جدا ان شاء الله بذلك
بجد شكرا استاذ اسلام
سبب التبرع من استاذ اسلام كما سالتة واجاب ان دي اقل حاجة اقدمها لمكان لقيتة في مصر لسه اعضائة وادارتة بيحبو بعض وايجابيين مع بعض بدون اي هدف مادي سوا المنفعة العامة وحب الله وحب البلد دي والارتقاء بها ان شاء الله

اشوفكم على خير في مقابلات انجح ان شاء الله

بعد اذن الناس اللي تعبت ورفعت الصور ممكن تتعب شوية كمان وترفعها على الجروب على الفيس بووك عشان تفضل هنا على طول
وتكون اوضح للناس واسهل
وكمان عشان نرفع كل الفيديوهات اللي اتصورت
ده لينك المقابلة ومستني رفع الصور كلها وانا بدات اولكم برفع صوري الحصرية
تقدرو توشوفوها ولسه بكمل
http://www.facebook.com/groups.php?r...id=78369157194
احلى مقابلة اللي لسه ماجتش لسه

**SHNORY** · 11-04-2009 06:06 PM

علي فكره انا مش عارف اقولكم ايه ولا ايه
بجد انا اللي مش عارف اشكركم ازاي علي تعبكم
وتقديركم لينا بجد انتم نورتم اسكندريه
الف شكر لكل الناس اللي حضرت
الف شكر لاخي احمد ابو زيد الي مش عارف من غيره كنت حعمل ايه
الف شكر لكريم منير وتعبه
مليون شكر لعربيتي انها عرفتني علي ناس زيكم
انا من كتر اللي جوايا مش قادر اعبر عنه بكلام
كان يوم تاريخي في حياتي ومش حنساه طول عمري
بس هو ليه مفيش ولا صوره ليا !!!!!!!!!!!!!
ههههههههههههههههههههههه
وحشتوني والله وبتمني اشوفكم كلكم قريب

**Karim_Monir** · 11-04-2009 06:39 PM

المشاركة الأصلية كتبت بواسطة shekozal

الف شكر يا استاذ كريم على رفع الصور على موقع facebook وبجد لقاء جميل وعيد ميلاد سعيد لكل اعضاء المنتدى
كل سنه وانتم بالف خير

الشكر لله يا باشا
وسعيد جدا اني شوفتك لاول مرة
نشوفك بعد كدة على طول في كل مقابلة زي ماقلت

وانا كمان بقول لكل الاسكندرانية ولكل اللي حضرو المقابلة شكرا على اليوم الجميل ده

رجاء لمشرف القسم ضم كل موضوعات المقابلة في موضوع واحد

ومستنين كل الصور والفيديوهات على اخطار المقابلة على الفيس بووك
http://www.facebook.com/groups.php?r...id=78369157194

وده لينك تغطية المقابلة ومعظم الردود
https://www.nilemotors.net/Nile/69255-2009.html

شنوري باشا شكر خاص على تعبك في التنظيم
احمد بيه ابو زيد شكر خاص على الاستضافة

**Karim_Monir** · 11-04-2009 06:54 PM

المشاركة الأصلية كتبت بواسطة Nader

كل سنة ونايل موتورز مجمعنا في الخير وطاعة الله.

كريم سيبلي حتة من التورتة

كان نفسي يا نادر بصراحة
شنوري حلف يعمل عيد ميلادة على بقيتها

وتامر وشوقية ولادي حلفو ما يدخلوني البيت من غير ما يدوقوها
خدت 10 سم في 10 سم
---------

المشاركة الأصلية كتبت بواسطة ahmed_su

كل سنة ونيل موتورز بخير ومزيدا من التقدم والازدهار :k10:

ترجعو بالسلامة ان شاء الله

كان نفسى اكون موجود - بس ادعولى اخلص من الهم اللى انا فيه

- يارب

ربنا يخلصك من اللي انت فيه على خير ان شاء الله

المشاركة الأصلية كتبت بواسطة BASKOTA

وعدت واوفيت يا استاذ كريم
واحلى ما فى التورتة بالنسبالنا كمشاهدين طبعا هواسم و شعار نايل موتورز اللى منورين عليها
بجد بجد تحفة

شكرا يا بسكوتة وانا اقل واحد في مجموعة العمل التنظيمية دي
ودايما شعار نايل موتورز مرفوع باعضائة المحترمين

المشاركة الأصلية كتبت بواسطة جمال

عقبال كل سنة
شكرا للاستاذ ابو زيد على الاستضافة الاكثر من رائعة و اكلة السمك الحافلة ( انا لغاية دلوقتى مش قادر اتعشى) و الاستاذ شنورى على التجهيز و الاعداد
ويااستاذ كريم امتى لحقت تبعت صورة التورتة ؟؟
دة سبق صحفى
ولا صورتها فى كواليس الفرن واثناء الاعداد
الحقيقة كانت مجموعة رائعة بمعنى الكلمة
رجعتو الواحد لشبابه وفكرتونى بالذى مضى
ليت الشباب يعود يوما

الصورة اتبعتت بعد الانتخة الاولى من اكل التورتة
طلع الميني نوتبوك والمودم الفودافون والصورة اتبعتت بلوتوث واترفعت واتعمل موضوع بث مباشر لاغلى اعضاء
على فكرة
على جنب كدة
انت كنت منور المقابلة بجد يا سيادة عميد المنتدى

المشاركة الأصلية كتبت بواسطة abouzaid555

طبعا الراجل ده يا جماعة جوهرة ربنا يبارك له فى ادبه واخلاقه ويارب ربنا يدينى طول العمر و اشوف محمد ابنى فى نص تربية كريم منير اللهم لا حسد

يا عم ايه الاحراج ده ربنا يبارك فيك ويباركلك في ابنك
انتم اغلى ناس الواحد عرفهم وتستاهلو دايما كل خير

-

-

-

الموضوع: اول تغطية وبث ومباشر من مقابلة عيد ميلاد المنتدى الثاني - إبريل 2009 -

LinkBack

أدوات الموضوع

عرض

-

-

-

-

المواضيع المتشابهه

مقابلة عيد ميلاد المنتدى الخامس

تغطية مقابلة افطار رمضان 2009

تاكيد حضور مقابله عيد ميلاد المنتدي - إبريل 2009 -

تغطية مقابلة شهر فبراير 2009

تغطية مقابلة عيد ميلاد المنتدي بالصور

الكلمات الدلالية لهذا الموضوع

المفضلات

المفضلات

ضوابط المشاركة