الموضوع: يا جماعة بجد الحقوني العربية مش راضية تدوور..اعمل ايه

بص يا باشا..
حضرتك بتقول مرة دورتها..وكانت عايزة تدور

ومرة سمعت صوت الكونتاكت فقط

سبب اول مرة غير سبب تانى مرة خالص

لوفعلا حصل كدة يبقى عنك مشكلتين مش مشكلة واحدة

السبب الاول دى حاجة فى الميكانيكا ..يعنى ياما فعلا البنزين مش واصل ياما الكاربرتير مش نضيف ياما بوجيهات ضعيفة

السبب التانى مشكلة بطارية او يمكن عندك قفلة (مش عارف بالظبط)

(حضرتك لو واث ان البطارية سليمة فعلا يبقى دة عيب الدينامو..مش بيشحن البطارية .ممكن يكون عمرو انتهى ودة ممكن)

المشاركة الأصلية كتبت بواسطة dental_mn

شكرا مرة تانية بجد

انا اشتريت الرداخ من محل قطع غيار و رداخ ياباني ... مش من عند الميكانيكي

و علش انا عندي استفسار كمان دلوقتي لما كانت اشتغلت العربية المرة اللي فاتت لما اخدتلها وصلة

و انا طالع ع الطريق كانت العربية بتقطع و كأنها عاوزة تفصل دا و انا بدوس بنزين .. بس الكلام ده قبل لما اغير الرداخ بيوم ..بعد بقى لما غيرت الرداخ .. العربية معنتش بتشتغل اصلا بس هي كانت اشتفت كام مرة كده امبارح بعد لما غيرته ..دلوقتي يبقى المشكلة في البطارية صح ؟ ولا ممكن يكون الرداخ مش كويس او الكاربرتير مسدود

كده فيه حدثان حصلوا مع بعض فى نفس الوقت البطارية والرداخ وتقريبا العربية

اشتغلت بعد ما غيرت الرداخ وشحنت البطارية هو علشان نجزم فى الموضوع ده

لازم تاخد وصلة الاول و باذن الله الرداخ سليم وكويس

ولو الكاربيتير مسدود هتلاقى عندك مشكلة فى السلانسية والعربية تدور وتبطل

وغالبا البطارية ماتت وياريت لو تكشف على شحن الدينامو

معلش انا عارف اني سهرتك معايا في الموضوع ده ... و شكرا مرة كمان بجد

ياباشا و لا يهمك انا اصلا من محبى السهر

شكرا يا جماعة بجد على سهركم معايا في الموضوع ده
و منجلكوش في حاجة و حشة ابدأ

ان شاء الله انا بكرة الصبح هشوف موضوع البطارية ده اول و اقولكم على النظام

معلش خليكو معايا للاخر زز هتعبكوا معايا معلش

جزاكم الله كل خيير

و الله العظيم فرصة سعيدة جدا يا استاذ M.kassm

جزاك الله كل خير

خلاص انا بكرة الصبح ان شاء الله هروح اكشف كده ع البطارية و الدينامو و اشوف النظام ازاي و ربنا يستر بقى ...

ايوا فعلا يبقى الرداخ و البطارية حصلهم المشكلة في نفس الوقت يا سبحان الله .. كله في و قت واحد ..

هشوف كده الصبح ان شاء الله موضوع البطارية و اقولك انا عملت ايه ... و لينا سهرة تانية بس يارب تكون بعد ما العربية تتظبط .. شكرا بجد