أصدقائي الأعزاء

أنا عارف أنكم زهتقو من موضوع مين الأحسن بنزين 80 ولا 90 ... لكن الموضوع ده بيناقش نقطة مختلفة تمــــامـــاً


دلوقتي أنا من ساعة ما اشتريت عربيتي و انا مش عارف المالك اللي قبلي كان بيحطلها 80 ولا 90

و في نفس الوقت انا من ساعة ما جبتها بحطلها 80 علي طوووول

ولكن في مرة اضطريت احطلها 90 عشان مالقيتش 80 في السوق ... لقيت العربية بقت مش هي ... بقت عربية تاني خــــــــــالص.

وبناء علي الموضيع السابقة في هذا المنتدي عن موضوع 80 و 90 ... المفروض ان عربيتي 127 و بالتالي بنزين 90 مش هايفرق معاها لانه أنضغاط المحرك قليل.

طيب لو كده ليه لما حطيت لها 90 اتجننت ... هل السبب أن المالك اللي قبلي كان مضبط الكهرباء علي 90 ... ولو انا ظبتطها علي 80 هاتدي نفس الأداء الكويس ده ... ولا مش شرط

و السؤال الأهم .. أعرف ازاي ان الكهرباء متظبطة علي 80 أو علي 90 ... لاني قريت في كتاب قالي في جهاز بينور و يطفي و اشتغالات كده ... ف أيه قولكم يا أهل الخبرة

تحياتي