تركيب الـ Gm أصبح مخالفة مرورية !!

**M.Mokhtar** · 13-04-2009 11:08 PM

المشاركة الأصلية كتبت بواسطة Relentless_mayhem

هو أصلا برة ممكن تترزع مخالفة إزعاج فى اوروبا ...
فممكن هنا يحددوا قوة الصب إللى مسموح بيه ..
مش لازم تركب مصيبة سودا و تسمع الناس إللى ساكنين فى جنوب أفريقيا

من زمان موضوع الازعاج موجود فى مصر
زى استخدام الكلاكس بطريقه مزعجه عليه مخالفه
ولو داخل على لجنه ومعلى الكاست من حقه يديك مخالفه

لكن الجديد انه يفتش على السماعات والجى ام والشاشات والكلام ده

**YaSSerwIN** · 13-04-2009 11:14 PM

لا كدة بقا حراااااااااااااااااام حرام بجد ومش هاينفع كدة

**aif** · 13-04-2009 11:18 PM

المشاركة الأصلية كتبت بواسطة kareemhisham

معلش هو ايه الجى ام دة ؟؟

انا ح ارد على السؤال
ال جي ام يا سيدي عبارة عن جهاز صوتي الغرض منه هو ازعاج خلق الله
يعني الواحد من دول بيبقى راكب العربية اللي مساحتها لا تتعدى متر مربع و يروح مركب الجهاز المفتكس ده علشان يسمع امة العرب والعجم الاغنية العبقرية اللي هو بيسمعها .... يمكنم بيكون زهقان ومش بيحب يسمع لوحده .... فمن كرم اخلاقه يروح مسمع كل من حوله في دائرة نصف قطرهر 500 متر .....
بغض النظر هما بيحبو الاغنية البلهاء اللي مشغلها او مش بيحبو مزيكا رزع الحلل ... ده امر لا يعنية
هو بس عاوز يبقى الناس سامعينه و مش طايقين يبصو في وشه .... واكيد بيدعو عليه وعلى اليوم اللي اهله جابوله عربيه فيه
ولا يكتفى بذلك .... ال جي ام بقى يا سيدي مش بيكون حلو الا بعد نص الليل .... علشان لو حد عنده شغل الصبح واكل عيش او مدرسة او واحد مريض او واحد قاعد يذكر الله .... يقوم الافندي اللي كله زوق .... يعكنن عليه وعلى عيلته كلها بالاختراع العبقري اللي اسمه جي ام .....
يعني الباشا مش سامع الاربع سماعات بتوع العربية في مساحة متر مربع .... اصغر من القبر .... يقوم يشتري بكام الف جنيه اجهزة عشان تسمع الناس اللي حوالية .... طيب ما كان يدي كل واحد ساكن جنبه 30 جنية مثلا وهو يسمع اللي عاوزه لوحده
...
من الآخر ...... دي احدث صيحة في التخلف اللي احنا عايشين فيه .....
الناس بره بيقيسو الكلاكس بالاجهزة الحساسة قبل ما يركبوها في العربيات عشان التلوث السمعي والضوضاء ....
احنا هنا طبعا شطبنا التلوث السمعي من قاموس اللغة المصرية ....
ولما تكلم الباشا محدث النعمة يقولك دي حرية شخصية ..... طب والناس اللي انت بتقرفهم دول مالهمش حريات ..... طبعا هو مستوى ثقافته مش ح يسمح له بفهم الحريات الخاصة بالآخرين .... هو يا دوب بياخد القرشين من بابا ... ويروح يجيب سماعات علشان يقرف خلق الله ... وبابا فرحان بيه
....
والظريف انه بيبقى مش سامع حاجة في العربية اساسا من قوة الصوت .... وكمان بيبوظ الجهاز السمعي بتاعه من غير ما يشعر
حسبي الله ونعم الوكيل
انا باتمنى ان القانون الجيد فعلا يكون بيصادر الاجهزة دي ... والله يبقى فيه بادرة امل
........
آسف للاطالة .....
التوقيع
واحد ساكن جنب عربية فيها جي إخص .... قصدي جي إم

**YaSSerwIN** · 13-04-2009 11:21 PM

على فكرة مش كل الى بيركبو جى ام بيركبوه علشان يمشو يسمعو البشر
وبعدين مش من حق الى فى الكمين انه ياخد حاجة من العربية يديك مخالفة اوكية

**YaSSerwIN** · 13-04-2009 11:27 PM

وبعدين انا نفسى أفهم حاجة ليه العربيات الملاكى هيا الى لازم يطبق عليها كل حاجة ؟؟؟

عندك مثلا ً المكروباصات الى فى الجيزة تبص جواها تلاقى فيها عدة صوت بثمن المكروباص ومحدش بيفكر يقولو بم

والموتسيكلات والفسيب وغيره تلاقى كلو ماشى معلى الصوت وبراحتهم أشمعنا احنا يا ملاكى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

**aif** · 13-04-2009 11:27 PM

المشاركة الأصلية كتبت بواسطة yasserwin

على فكرة مش كل الى بيركبو جى ام بيركبوه علشان يمشو يسمعو البشر
وبعدين مش من حق الى فى الكمين انه ياخد حاجة من العربية يديك مخالفة اوكية

هو ممكن يكون مش مركبه عشان يسمع البشر ....
بس الأكيد انه ح يسمع كل من حوله قسرا بدون رغبتهم .... سواء كان يقصد او ما يقصدش ..... الإيذاء حاصل لا محاله وهو اكيد عارف كده ..... لكنه مش فارقه معاه

**medo_sirion** · 13-04-2009 11:33 PM

المشاركة الأصلية كتبت بواسطة aif

انا ح ارد على السؤال
ال جي ام يا سيدي عبارة عن جهاز صوتي الغرض منه هو ازعاج خلق الله
يعني الواحد من دول بيبقى راكب العربية اللي مساحتها لا تتعدى متر مربع و يروح مركب الجهاز المفتكس ده علشان يسمع امة العرب والعجم الاغنية العبقرية اللي هو بيسمعها .... يمكنم بيكون زهقان ومش بيحب يسمع لوحده .... فمن كرم اخلاقه يروح مسمع كل من حوله في دائرة نصف قطرهر 500 متر .....
بغض النظر هما بيحبو الاغنية البلهاء اللي مشغلها او مش بيحبو مزيكا رزع الحلل ... ده امر لا يعنية
هو بس عاوز يبقى الناس سامعينه و مش طايقين يبصو في وشه .... واكيد بيدعو عليه وعلى اليوم اللي اهله جابوله عربيه فيه
ولا يكتفى بذلك .... ال جي ام بقى يا سيدي مش بيكون حلو الا بعد نص الليل .... علشان لو حد عنده شغل الصبح واكل عيش او مدرسة او واحد مريض او واحد قاعد يذكر الله .... يقوم الافندي اللي كله زوق .... يعكنن عليه وعلى عيلته كلها بالاختراع العبقري اللي اسمه جي ام .....
يعني الباشا مش سامع الاربع سماعات بتوع العربية في مساحة متر مربع .... اصغر من القبر .... يقوم يشتري بكام الف جنيه اجهزة عشان تسمع الناس اللي حوالية .... طيب ما كان يدي كل واحد ساكن جنبه 30 جنية مثلا وهو يسمع اللي عاوزه لوحده
...
من الآخر ...... دي احدث صيحة في التخلف اللي احنا عايشين فيه .....
الناس بره بيقيسو الكلاكس بالاجهزة الحساسة قبل ما يركبوها في العربيات عشان التلوث السمعي والضوضاء ....
احنا هنا طبعا شطبنا التلوث السمعي من قاموس اللغة المصرية ....
ولما تكلم الباشا محدث النعمة يقولك دي حرية شخصية ..... طب والناس اللي انت بتقرفهم دول مالهمش حريات ..... طبعا هو مستوى ثقافته مش ح يسمح له بفهم الحريات الخاصة بالآخرين .... هو يا دوب بياخد القرشين من بابا ... ويروح يجيب سماعات علشان يقرف خلق الله ... وبابا فرحان بيه
....
والظريف انه بيبقى مش سامع حاجة في العربية اساسا من قوة الصوت .... وكمان بيبوظ الجهاز السمعي بتاعه من غير ما يشعر
حسبي الله ونعم الوكيل
انا باتمنى ان القانون الجيد فعلا يكون بيصادر الاجهزة دي ... والله يبقى فيه بادرة امل
........
آسف للاطالة .....
التوقيع
واحد ساكن جنب عربية فيها جي إخص .... قصدي جي إم

انا موافق حضرتك فى كل اللى قولتلة بس المشكلة مع تطبيق قانون الطوارى فى مصر بيدى الفرصة للنفوذ انها تعمل شغلها يعنى مش وصلنا لدرجة افتش على الج ام وسمعات اشوف حاجة تانية وادور عليها زى المخدرات ولا دية بقيت الموضة الديدة فى الشعب المصرى زى الاصتباحة وخلافة

**aif** · 13-04-2009 11:44 PM

المشاركة الأصلية كتبت بواسطة medo_sirion

انا موافق حضرتك فى كل اللى قولتلة بس المشكلة مع تطبيق قانون الطوارى فى مصر بيدى الفرصة للنفوذ انها تعمل شغلها يعنى مش وصلنا لدرجة افتش على الج ام وسمعات اشوف حاجة تانية وادور عليها زى المخدرات ولا دية بقيت الموضة الديدة فى الشعب المصرى زى الاصتباحة وخلافة

المفروض ان دور الشرطة عموما سواء المرور او النجده او الشرطة ليس فقط ضبط المجرمين ...
المفروض ان لهم دور اكبر من كدة ... هو حماية القانون والانضباط في المجتمع
لما واحد يبقى بيسبب ازعاج للناس ... سواء بجهاز في عربيته ... او سماعات في فرح ... او كلاكس ... او حتى بصرخ ويغني في الشارع بصوته ...
المفروض ان حد يمنعه .... اللي هما الشرطة ..... والشرطة المختصة بالسيارات ... هما المرور
ده اللي احنا فيه ده مش موجود في مجاهل افريقيا .... ده العيل اللي عنده 14 سنة بيركب فزبا و يحط فيها جهاز صوته يصحي الاموات .... وعادي جدا .....
يبقى لما الاقي بادرة امل ان فيه حد بدأ يحاسب الناس على الاجهزة المزعجة دي بأي طريقة .... المفروض اكون مبسوط ... وعقبال باقي الاجهزة الامنية ما تطبق الانضباط فيما يخصها
.....
الغريب ... ان السيارة اتحولت في السنوات الاخيرة من وسيلة انتقال بها بعض الرفاهية ... الي وسيلة تفاخر وغطرسة ... ثم الي ملهى ليلي متحرك