تركيب الـ Gm أصبح مخالفة مرورية !!

**wwael12345** · 14-04-2009 12:41 AM

فى الزقازيق
تم سحب رخة سيارة امامى بسبب ال جى ام
و ممكن لانى كان معلى الصوت ===مش اكتر
و دا كان الخميس الماضى

**maka** · 14-04-2009 01:16 AM

المشاركة الأصلية كتبت بواسطة aif

انا ح ارد على السؤال
ال جي ام يا سيدي عبارة عن جهاز صوتي الغرض منه هو ازعاج خلق الله
يعني الواحد من دول بيبقى راكب العربية اللي مساحتها لا تتعدى متر مربع و يروح مركب الجهاز المفتكس ده علشان يسمع امة العرب والعجم الاغنية العبقرية اللي هو بيسمعها .... يمكنم بيكون زهقان ومش بيحب يسمع لوحده .... فمن كرم اخلاقه يروح مسمع كل من حوله في دائرة نصف قطرهر 500 متر .....
بغض النظر هما بيحبو الاغنية البلهاء اللي مشغلها او مش بيحبو مزيكا رزع الحلل ... ده امر لا يعنية
هو بس عاوز يبقى الناس سامعينه و مش طايقين يبصو في وشه .... واكيد بيدعو عليه وعلى اليوم اللي اهله جابوله عربيه فيه
ولا يكتفى بذلك .... ال جي ام بقى يا سيدي مش بيكون حلو الا بعد نص الليل .... علشان لو حد عنده شغل الصبح واكل عيش او مدرسة او واحد مريض او واحد قاعد يذكر الله .... يقوم الافندي اللي كله زوق .... يعكنن عليه وعلى عيلته كلها بالاختراع العبقري اللي اسمه جي ام .....
يعني الباشا مش سامع الاربع سماعات بتوع العربية في مساحة متر مربع .... اصغر من القبر .... يقوم يشتري بكام الف جنيه اجهزة عشان تسمع الناس اللي حوالية .... طيب ما كان يدي كل واحد ساكن جنبه 30 جنية مثلا وهو يسمع اللي عاوزه لوحده
...
من الآخر ...... دي احدث صيحة في التخلف اللي احنا عايشين فيه .....
الناس بره بيقيسو الكلاكس بالاجهزة الحساسة قبل ما يركبوها في العربيات عشان التلوث السمعي والضوضاء ....
احنا هنا طبعا شطبنا التلوث السمعي من قاموس اللغة المصرية ....
ولما تكلم الباشا محدث النعمة يقولك دي حرية شخصية ..... طب والناس اللي انت بتقرفهم دول مالهمش حريات ..... طبعا هو مستوى ثقافته مش ح يسمح له بفهم الحريات الخاصة بالآخرين .... هو يا دوب بياخد القرشين من بابا ... ويروح يجيب سماعات علشان يقرف خلق الله ... وبابا فرحان بيه
....
والظريف انه بيبقى مش سامع حاجة في العربية اساسا من قوة الصوت .... وكمان بيبوظ الجهاز السمعي بتاعه من غير ما يشعر
حسبي الله ونعم الوكيل
انا باتمنى ان القانون الجيد فعلا يكون بيصادر الاجهزة دي ... والله يبقى فيه بادرة امل
........
آسف للاطالة .....
التوقيع
واحد ساكن جنب عربية فيها جي إخص .... قصدي جي إم

كلام حضرتك صح 100 % بس انا اعرف ناس مركبه الجى ام علشان نقاء

الصوت ومش بيمشوا معلينه وبيشغلوه على قدهم

انا على فكرة معنديش جى ام ومش بفكر اجيبه

**MoToRiZeR** · 14-04-2009 04:36 AM

طيب انا مش مركب جي إم و مكتفي بسماعات العربية اللي جت معاها بس عايز أعرف هل فيه أغاني معينة ممنوعة ؟ بعني هل لو شغلت "زحمة يا دنيا زحمة" مثلاَ يفتكروا إني بلمح إنهم مش شايفين شغلهم و تتعملي قضية أمن دولة ؟ و شكراَ .

**Abdo_Eldesokey** · 14-04-2009 05:13 AM

أنا طبعا ً مؤيد لخطوة منع الجي الأم طبعا ً لأن أنا شايف إنه ملوش أي وظيفة مفيدة في مجال السيارات

المفروض إن السماعات في العربية عشان تسمع وانت سايق مش عشان تسمع الناس

لكن بالنسبة لموضوع الجنوط والطارة الاسبور دي حرية شخصية ولو الموضوع ده اتطبق يبقى مجرد جريمة أخرى من جرائم الحرية ، عشان يخلوا الناس تنفجر

بعد كده تقف في الكمين تلاقي الأمين راسه جوا العربية ... بيبص على نصك التحتاني - استر يا رب -

مخالفة 2000 جنيه ... انت مش عارف إن البناطيل الجينز ممنوعة عشان مش مريحة في السواقة

**ehab** · 14-04-2009 05:15 AM

اظن ان ده كلام مبالغ فيه لان مفيش بيه نص قانوني يعني الكلاكس ليه نص لكن حاجة زي كدا ملهاش نص و لا انتم رأيكم ايه و الي بيحصل معاه كدا يا تري كتبله في الوصل ايه ؟

**ahmad alshaaer** · 14-04-2009 06:00 AM

المشاركة الأصلية كتبت بواسطة Abdo_Eldesokey

أنا طبعا ً مؤيد لخطوة منع الجي الأم طبعا ً لأن أنا شايف إنه ملوش أي وظيفة مفيدة في مجال السيارات

المفروض إن السماعات في العربية عشان تسمع وانت سايق مش عشان تسمع الناس

لكن بالنسبة لموضوع الجنوط والطارة الاسبور دي حرية شخصية ولو الموضوع ده اتطبق يبقى مجرد جريمة أخرى من جرائم الحرية ، عشان يخلوا الناس تنفجر

بعد كده تقف في الكمين تلاقي الأمين راسه جوا العربية ... بيبص على نصك التحتاني - استر يا رب -

مخالفة 2000 جنيه ... انت مش عارف إن البناطيل الجينز ممنوعة عشان مش مريحة في السواقة

حلو اوي موضوع الامين والبنطلون الجينز ده

**3mr Farrag** · 14-04-2009 11:38 AM

ده اسمه تخلف و غباء و نصبعلني كمان....
محدش ليه حاجه عندي ...اركب جي ام ولا حتا اركب عشره...

و اللي بيقول انها تستحق انها تتسحب...
يبقي ممكن اقولكوا اي حاجه في الدنيا لو استخدمتها غلط لازم هتكون مضره...
شويه تقولوا الزينون بعمي الناس و شويه تقولوا علشان اللي بعلي و بيقرف الخلق...

ما هو مادام فيه بنأدمين محدثين نعمي لازم تلاقي الحاجه بيستخدمها غلط....

انا مركب جي ام و عمري ما فكرت اعلي و افتح الاربع زجاج و اعمل فيها الشاب الروش...

بسمع علي قدي و لو حبيت اعلي بقفل الزجاج...

مش كل اللي مركبينه ذي ما بتقوقولوا محدث نعمه و بيقرف الناس

و خلي حد بقي يحاول ينصب عليا و يسحبوا مني و يديلي مخالفه....

**aif** · 14-04-2009 12:17 PM

المشاركة الأصلية كتبت بواسطة 3mr Farrag

انا مركب جي ام و عمري ما فكرت اعلي و افتح الاربع زجاج و اعمل فيها الشاب الروش...

بسمع علي قدي و لو حبيت اعلي بقفل الزجاج...

كام واحد في المليون بيبقو محترمين زي حضرتك وبيعملو كده ..؟؟؟؟؟
وايه الضمان ان اللي مركب جي ام ... ح يشغله بدون ازعاج ؟؟؟؟
ومنين بتوع المرور ح يعرفو الشخص ده بيشغل الجهاز ازاي ... على قده ولا على قد الحي كله ؟؟؟

يا راجل ده الفزبا والتوكتوك مركبين بلاوي .....
لو 1% بيستخدموه صح زيك ... و99% بيقرفو خلق الله .... يبقى ايه الحل ؟؟؟؟
ياباشا ده الجوامع بيشيلو الميكروفونات بتاعتها علشان الأذان بيزعج الناس الفجر وهما عاوزين ينامو ..... مين اولى انه يتشال .... مكرفون الجامع والا الجي ام بتاع محمود تونا اللي ساكن في العمارة اللي قدامي ؟؟؟؟؟

**YaSSerwIN** · 14-04-2009 01:01 PM

انت شكلك مخنوق من محمود تونا دة اوى

بس بجد فعلا زى ما الاستاذ عمر قال مش كل الناس بتجيب جى ام علشان تمشى تعمل زفه بالعربية

لاء فيه ناس كتير بتجيبو علشان تقدر تسمع صوت كويس جوا العربية

وبعدين لما الأمين او غيرو لما يفك مثلا ً جى ام من العربية بتاعت اى حد هل انت فاكر انه هايلم الجى أمات ويحطها فى ميدان عام ويحرقها ؟؟؟

-

الموضوع: تركيب الـ Gm أصبح مخالفة مرورية !!

LinkBack

أدوات الموضوع

عرض

-

-

-

-

-

المواضيع المتشابهه

ضبط 1256 مخالفة مرورية فى حملة أمنية بالغربية

درويش: رسالة قصيرة على محمول سائق السيارة تعلمه بتسجيل مخالفة مرورية له فور ارتكابها

هل لزق شماسة يعتبر مخالفة مرورية؟

الكلمات الدلالية لهذا الموضوع

المفضلات

المفضلات

ضوابط المشاركة