لو بقيت رئيس دولة هتعمل اية؟

**amir** · 13-04-2009 10:55 AM

و الله الموضوع ده حلو قوي
بس حلاوته مبينقصش منها غير ان الحلم ده للاسف مستحيل
احساسك و تفكيرك بين ما يمكن ان تكون عليه حال هذه البلد اللي زمان كانت من مصاف الدول العظمي و بين حالها دلوقتي و هي عباره عن خرابه كبيره و الحاله اللي البلد هتكون عليها في غضون سنوات قليله
منحدر رهيب
ادعو معايا ربنا يكرمنا و البلد حالها يتغير و ييجي اليوم اللي نفتخر فيه بكوننا مصريين

**wesam_salom** · 13-04-2009 01:46 PM

هقدم استقالتى فورا

ربنا يكون فى عون اللى يبقى رئيس جمهوريه

عليه عبء بلد بحالها

لو مشى عدل هيتعب ومش هييجى له نوم

لو مشى وحش هيروح جهنم

وفى الحالتين الشعب هيدعى عليه ومحدش هيعجبه اللى بيعمله

بس الحاجه الوحيده اللى هعملها الاول

هشيل وزاره الداخليه والعدل

واحط لهم شروط للالتحاق بيها اولها انه يكون كفء مش واسطه واللى يخالف يخرج فورا

وهرمى مجلس الشعب والشورى فى الشارع واعمل انتخابات نزيهه بجد واللى يشترى اصوات او يستغل نفوذ فى السجن

واجيب كل بلاد العالم تشرف عليها علشان اكون متأكد من نزاهتها

اشمعنى بنجيب حكام الكوره من بره ودى نقول لاء عيب

**احمدعبدالعزيز** · 13-04-2009 02:31 PM

المشاركة الأصلية كتبت بواسطة AhmedAbdFat

هطبق الشريعة الاسلامية

+10000000000

**eltorky** · 13-04-2009 03:02 PM

اول قرار هاخدة اعدام التكاتيك كلها بسوقينها في ميدان عام

**أحمد سالم** · 13-04-2009 04:01 PM

هنفذ المشروع اللي تقدم بيه الدكتور فاروق الباز و هو اقامه نيل اخر موازي لنهر النيل او شريان اخر من اسوان الي مطروح و عمل مدن جديده موازيه للمدن القديمه و عمل شبكه مواصلات عرضيه بين المجريين و لامانع من اقامه ترع و قنوات عرضيه لتصل بين الاثنين و خط سكه حديد بطول النهر الجديد

ده انا نسيته فى مشاركتى
بس هو والله من اهم المشروعات اللى لازم تتحقق
كمان لازم يكون رئيس الجمهوريه سهل اى حد يبعتله شكوى ولو بالايميل
ولازم كل حاجه يعتمد فيها الرئيس على فكره هو وليس على فكر المستشارين
كمان هعمل دستور للبلد واعمله قانون يخلى من المستحيل المس بيه
علشان مايجيش رئيس جمهوريه بعدى يعدل فيه على مزاجه
ولازم يكون الدستور ده مأخوذ من دساتير 10 دول ناجحه عبر العالم بجانب مناقشة الشعب واخذ ارائهم فى كل نقاطة
طبعاوماننساش تفعيل دور النقابات

**Sameh** · 13-04-2009 04:33 PM

أزود الكوتا بتاعت نايل موتورز وأعمل جريدة كمان للمنتدى

**ainshouka** · 13-04-2009 05:40 PM

حوزع فطير مشلتت وبرطمان عسل معاه هديه لكل مواطن

**badry** · 13-04-2009 10:57 PM

قبل كل الحاجات الحلوة اللى الناس قالتها دى....

لازم اربى الشعب المصرى الأول...

اعلم الناس يعنى ايه اخلاق و ازاى يبقى محترم و يحترم غيره....

اللى بيتذل عشان لقمة العيش و يسيب حقه للبيه و الباشا....هضربه بالجزمة...

اللى عايش دور البيه و الباشا و بيقول "انت مش عارف انا مين" هضربه ب 60 جزمة......همرمطه....

اما بقى اللى بيكسر على غيره و هو سايق او بينفض للى واقفين قبله فى اى طابور....هضربه بالشبشب.....

و يا سلام بقى على اللى بيركن صف تانى و يعشق العربية و يقفل على غيره.....ده بقى هيضرب بقبقاب خشب نستلفه من ميضة اى جامع قريب...

و بكده ابقى بطريقة غير مباشرة نشطت صناعة الأحذية فى مصر...