لو بقيت رئيس دولة هتعمل اية؟

**أحمد سالم** · 14-04-2009 07:27 PM

انا اتوقعت ان الموضوع ده مش هيبقى موضوع عادى
وان كل اناس هتكتب كلام كثير جدا
لان كلنا عارفين ان بلدنا محتاجه فكر كثير
بس اللى ضايقنى انى الاقى ناس واخده الموضوع بهزار
وده يعتبر من اوحش السلبيات اللى موجوده فى مجتمعنا

**badblood** · 14-04-2009 08:26 PM

الغي الجمارك
وارفع اجور الموظوفين
واشتري فيراري او لامبرجيني

**Haytham1212** · 19-04-2009 01:01 AM

المشاركة الأصلية كتبت بواسطة أحمد سالم

انا اتوقعت ان الموضوع ده مش هيبقى موضوع عادى
وان كل اناس هتكتب كلام كثير جدا
لان كلنا عارفين ان بلدنا محتاجه فكر كثير
بس اللى ضايقنى انى الاقى ناس واخده الموضوع بهزار
وده يعتبر من اوحش السلبيات اللى موجوده فى مجتمعنا

اولا بشكرك على الكلام الجميل دا

بس فين ايجابيتك فى المناقشة
بالبلدى كدة هتعمل اية ؟؟

**zobaaa** · 19-04-2009 12:33 PM

هقلبها ملكيه لي ولمن تبعني من نسلي

والشعب بقى عندو وزارات و مجلس شعب و محافظين يبقى ينتخبهم بانتخابات حره نزيهه

**firstknight216** · 19-04-2009 03:17 PM

لو انا رئيس جمهورية
أول حاجة علشان اعرف اكون رئيس جمهورية يجب ان اتقي الله واعلم نفسي كيف اتقي الله صح والتقوى وما ادراكم ما التقوى يقال فيها مواضيع ولا اريد الاطالة عليكم
ثاني حاجة ح اعلم الناس التقوى ايضا وابني الانسان من اول وجديد، بيحث اني اقلب صورة اللا مبالاة عند الناس واحوالها انها ازاي تحب مصر
لو اي حد فينا حب حاجة مش يتمنى انها تكون احسن حاجة
لو نجحت في اني اخلي الناس تحب مصر في الوقت ده ... يبقى انت مش محتاج تعمل حاجة كل واحد ح يحاول يرضي ربنا ويتقى الله في شغلة
ثالث حاجة... كل مساجين مصر يتم استغلالهم ح اخليهم يحفروا ترع تنبع من النيل بشكل عرضي والمكافأة اني ممكن ادي الناس ديه الاراضي اللي تزرعها
الزراعة ثم الزراعة ثم الزراعة ياجماعة لو قدرنا ان احنا يكون عندنا اكتفاء ذاتي من الآكل والشرب في حاجات كتيرة في دامغي بس حاسس اني طولت عليكم
بس حاجة اخيرة عايز اقولها
كل واحد فينا بيحب مصر بطريقته
وممكن يكون في حاجات احنا شيفنها ان ديه غلط وممكن تكون صح
المهم ان احنا في الاخر بنحب مصر

**samoevil911** · 19-04-2009 03:25 PM

انا هلخص كل الكلام في حاجة واحدة
القرآن هو دستور الأمة ..

**drahmd** · 19-04-2009 07:00 PM

هنسق مع اخواني القاده العرب ونروح نضرب اسرائيل وان مارضيوش هجيب التمانيه مليون اللي عندنا في الجيش واضرب اسرائيل لوحدي بعدين ابدأ اشتغل في البلد بقى على نضيف بس الأول اخلص من الوش والقرف اللي اسمه اسرائيل

بس توبيك موووووووووووووووووووووووو ووووووووووز على فكره

**أحمد سالم** · 20-04-2009 12:07 AM

اولا بشكرك على الكلام الجميل دا

بس فين ايجابيتك فى المناقشة
بالبلدى كدة هتعمل اية ؟؟

لو حضرتك قريت الموضوع من الاول كنت هتعرف ايجابياتى فى المناقشه

**Haytham1212** · 21-04-2009 12:22 PM

المشاركة الأصلية كتبت بواسطة أحمد سالم

لو حضرتك قريت الموضوع من الاول كنت هتعرف ايجابياتى فى المناقشه

على فكرة حضرتك فهمتنى غلط

انا بقول ايجابيتك مش مشاركاتك
بمعنى انك على الاقل توضح ليهم وللناس وجهة نظرك فى الموضوع
وانك كنت متوقع اية مثلا من الناس دى فاهمنى

احنا بنتناقش مش بتخانق

وكمان انا قريت الموضوع من الاول

**MEMES** · 21-04-2009 01:49 PM

انا نفسى فى كام قرار كده (لكن مش نفسى ابدا اكون رئيس المسؤليه امانه)
اولا همنع دخول اى اجنبى خصوصا الاخوه الخليجيين لمصر بدون تاشيره دخول(فيزا)وتكون غاليه ومش لاى حد(الكرااامه)
ثانيا همنع ى تراخيص بناء جديده داخل القاهره والمدن المزدحمه
والبناء يبقى فى الصحراء اللى ماليه مصر ومش عارفين لسه نعمرها (مدول الخليج كلها صحراء)
ثالثا هنقل الوزارات كل وزاره فى محافظه عشان الزحمه وعشان توفير فرص لباقى المحافظات
رابعا هشيل ايدى من قضايا العالم العربى اللى جايبلنا ( الزعل ) مؤقتا واتفرغ تماما لتنميه البلد وتشغيل الشباب المظلوم ده
خامسا التعليم الثانوى يدمج كله مع بعضه (عام على صناعى على تجارى على زراعى ) ويكون مدته اطول والتخصصات داخليه واللى يتخرج منه يتوظف فى كل الوظائف (عدا الوظائف القياديه المتطلبه اتخاذ قرار)هتكون للجامعيين فقط والتعليم لغايه الثانوى مجانى تماما شرط التزام الطالب.
التعليم الجامعى بمصروفات عاليه مع درجات عاليه (مش فلوس وبس) مع وجود منح مجانيه للمتفوقين
عشان اللى يدخل الجامعه يبقى بجد ادها وعايزها (عايزيين متفوقين مبتكرين مبدعين مش مجرد خرييجين).