الموضوع: مفيش حاجة بتقوى اشارة النت

المشاركة الأصلية كتبت بواسطة sha2e

هقول لحضرتك على حل الاول ممكن تجربه وممكن ينفع
ادخل على البيوس عندك فى الجهاز وخلى كارت اللان عندك لوحده يعنى يفضل محتفظ بالاشارة حتى لو الجهاز مش شغال وبتلاقى اللمبه بتعته قايده ورا طول ما الفيشه موجوده فى الكهربه حتى لو الجهاز مطفى
واول ما تحط الفيشه فى الكهربه اللمبه هتنور لو منورتش اقلب الفيشه (اعكسها اقصد) هتلاقى ان شاء الله اللمبه نورت يعنى النت وصله الحركه دى سعات بتنفع ومش هتكلفك حاجه

طاب ما تقولى الخطوات كده علشان تسهل عليا وربنا يكرمك ان شاء الله

Try to use static IP address, gateway & DNS instead of automatic configuration on your desktop

مينفعش طيب تجيب الشوتس متر أو مترين ناحيتك شوية و جرب تنضف السوتش عشان التراب بيخليه يهيس عندى مهيس و عايز ينضف بس أنا مكسل أنط و أعمل عشان أنضه بيفصل واحد خالص واحد بعينه و لما السوتش يترستر سعات يشتغل و سعات لأ

معلش انا عاوز افهم حاجه
مهو بدل التعب ده كله متخلى صاحب الشبكه يغيرلك السلك من بدايه او يحولك على سوتش قريب ليك واكيد انت مش لوحدك اللى بعيد عن الراوتر وده هيريحك انت واللى جنبك من المشتركين
وبعدين المفروض ان طلاما القطع حصل بره شقتك بالتالى هو ملزم انه يوصلك النت تانى لغايه عندك وده عن تجربه ليا
انا فى مره النت قطع من عندى ومبقتش عارف فين العيب وكل اما اتصل بحد من جيرانى واسئله يقولى شغال وانا الوحيد اللى عطلان فأتصلت بيه (وبصراحه هو قمه فى الاخلاق والادب) جانى وعمل مجهود كبير جا على الجهاز عندى و عنده على مدار يومين وبرضه النت موصلش وانا من البدايه قولتله ان ده اكيد عيب فى السلك وهو كان بيقول لآ المهم اقتنع فى الاخر وغيرى السلك وطلع فعلا ان السلك كان مقطوع منه طرفين في نص المسافه تقريبا واما بتكلم معاه في فلوس قالى لا ده بره الشقه وده يعتبر من الصيانه بتاعتى لكن لو جوه شقتك كنت هتدفع تمنه
فانت المفروض انك تاخد حقك ده وهيوفر عليك الوقت والمجهود والفلوس

المشاركة الأصلية كتبت بواسطة maka

طاب ما تقولى الخطوات كده علشان تسهل عليا وربنا يكرمك ان شاء الله

انا معرفش السيت أب بتاع البيوس بتاع حضرتك عامل ازاى وهل بيدعم كده ولا لأ بس هقول لحضرتك على حاجه أعملها الاول افتح الجهاز بتاع حضرتك لو ملقتش فيه شبكه أقفله واقلب الفيشة بسرعه فى الكهربه وشغله تانى بسرعه اول ما تقلب الفيشه

وياريت حضرتك متبقاش تخليه يشيل السلك بتاعك من السويتش ويحطه خليه يرستر السويتش أحسن عشان كل مره بره بيشل السلك فيها من عمر تأريجة السلك وحاول برضو انك تغير الارجهين الل عندك والل فى السويتش باتنين جداد ويستحسن ان ترتبهم يكون بطريقه مختلفه عن الترتيب القديم

المشاركة الأصلية كتبت بواسطة lancerevolution

مينفعش طيب تجيب الشوتس متر أو مترين ناحيتك شوية و جرب تنضف السوتش عشان التراب بيخليه يهيس عندى مهيس و عايز ينضف بس أنا مكسل أنط و أعمل عشان أنضه بيفصل واحد خالص واحد بعينه و لما السوتش يترستر سعات يشتغل و سعات لأ

لما السويتش عندك بيرستر سعات بيشتغل وسعات لأ ويجبلك علامة تعجب فى مثلث اصفر على ايكونه النت ورك الل جنب الساعه ولازم ترستر السويتش تانى عشان يشتغل
حاول تدخل الايبهات بتعتك مانيول وان شاء الله لما يترستر هتدخل بدون مشاكل