الموضوع: مفيش حاجة بتقوى اشارة النت

المشاركة الأصلية كتبت بواسطة _Khaled_

الأخ maka انا هحاول اساعدك وياريت تنفذ اللى هقولك عليه بالظبط
اولا- الكابل اللى انت لحمته ماينفعش.
ثانيا- لازم نحدد سبب المشكله ونحصرها يعنى خلينا نبدا بالـ troubleshooting للمشكله بتاعتك علشان نحددها
انت بتقول ان ناس تانيين واصلين بنفس السويتش و شغالين تمام اذا المشكل هتكون من اول جهازك حتى ااسويتش.
- خد جهازك ووصله عند السويتس بكابل قصير و شغال ووصله على نفس البورت اللى اصلا كنت واصل بيها. لو اشتغل كويس يبقى جهازك تمام والسويتش تمام. لو غير كده غير لبورت تانيه فى السويتش يكون واحد تانى شغال عليها و مبيشتكيش. لو مشتغلش يبقى جهازك و لو اشتغل يبقى البورت بتاعت السويتش.
ونسبه كبيره جهزك تمام و السويتش تمام

ثالثا- بعد التجربه الأولى جهازك و السويتش شغالين يبقى نبص على ايه ؟ الكابل بتاعك.
-لازم تقيس المسافه بين السوتش وجهازك و متعديش 100 متر. وتشترى كابل تانى cat5 او cat6 الاتنين فى حالتك متساويين انت بتشتغل على سويتش 10/100
- و تشوف المسار اللى هيمشى فيه الكابل وتحاول يكون بيعيد عن مسارات الكهرباء مش موازى ليها و ممكن يعدى عليها بزاويه قائمه لكن مش موازى. لو شاكك فى المسار وده مستحيل يبقى تلجأ لنوع تانى بدل UTP و تستخدم STP ده مش معناه انك تمشيه جنب الكهرباء ولكن بيتاثر بالكهرباء بنسبه اقل من الUTP و كمان يتحمل اكتر لو هيمشى فى مسارات مكشوفه.

- ده بقى الأهم و هو تركيب rj-45 لازم تكون نوع نضيف و مركبها واحد كويس ولازم بترتيب معين 90% من اللى بيركبوها بيركبوها باى ترتيب المهم يكون عندهم البدايه زى النهايه وده غلط . لازم الترتيب لان ده بيقلل حاجه اسمها crosstalk فى الكابل.
فى واحد زميل ليه مشاركه فى نفس الموضوع وحاطط الترتيب المظبوط استخدم اى واحد منهم.

ياريت تقوللى على نتيجه كل خطوه و إن شاء الله مشكلتك تتحل.

شكرا اوى ياباشا

وانا ان شاء الله هنفذ كل اللى انت قولت عليه بالحرف الواحد وهتبعك بالاخبار وربنا ييسر