الموضوع: استلمت النيو سيراتو

الله يبارك فيكوا يا شباب و بنات.
النهارده الصبح انا خليت صديقتي العزيزه تصورهالي ادام الشغل بس من بره لاني كنت متاخره علي الشغل
بالنسبه للعربيه هي اكتر من رائعه وصوت الموتور مش عالي خالص تقريبا مبسمعوش و العربيه ناعمه جدا بس طويله سنه.
الابشنز بقى كالتالي
1- الدريكسيون باور استيرنج و ملتي فنكشنزز وكاسيت CDوMP3
2- تكيف تتش (بكره) بس في حاجه انا شغلتو مره واحده بس عشان الجو لسه كويس الحمدلله بس حسيت انو جامد جدا و شغال مروحه و سائع و كلو تمام.
3- اللوك بتاع العربيه بيقفل توماتيكي بعد لما العربيه تتحرك بشويه.
4- فيها 2 وساده هوائيه للسائق واللي راكب جمبه و فرامل ABS و ABD.
5- الجنوط 17 جامده جدا
6- في فتحه لشاحن الموبيل جنب الولاعه و كمان للIPod وكمان فيها علبه كده (طفاية للسجاير) ممكن تتشال و نحط مكانها كبايه.
7- فيها سنسورز للركن
8- فيها 4 سماعات صوتهم حلو اوي و نقيز
9- في شاشه تحت التكيف لاظهار درجة حرارة الجو الخارجيه و اتجاه التكيف و درجة حرارة التكيف.
10- بالنسبه للمرايات تتظبت من جوا يعني اللي بيسوق ممكن يظبت مرايته اللي على ايدو الشمال واليمين و هو قاعد مكانه بس بتتقفل مانوال مش لوحدها.
11- ايريا العربيه في النص و ممكن يتشال و يتركب بس انا بصراحه شايلاه و كده كده الراديو شغال تمام.
12- بالنسبه لاستهلاك البنزين انا شايفه انو كويس جدا طبعا مش حقدر اعرف دلوقتي بس في حاجه عجبتني اوي لما جيت احط بنزين وانا مشغلها طبعا لاقيت مؤشر البنزين بيطلع بسرعه و عجبتني الحركه دي. و بصراحه انا اول مجبتها من يوم الجمعه بليل لحد دلوقتي المؤشر على النص.
13- فيها انذار عشان يقول انو في باب مفتوح و بيجيب كمان ايه الباب اللي مفتوح حتا لو كانت الشنطه.
المهم انا مسافره بيها الساحل بكره إن شاء الله و حقولوكو عملت معانا ايه.
وكل عيد شم نسيم وانتوا طيبين :10D5C8~1107:

ربنا يبااركلك فيها و ياريت تأمنى عليها

عايز أعرف أخبار تكييف السيارة السيراتو النيو
أخبار سحب السيارة
تستاهل ولا متتقارنش بالياباني

تستاهل طبعا السياره هورس بور 124 عند 6300 لفه وثانيا الفتيس تيب ترونيك يعني لو شغلت المانيوال تتس السحب مع التكييف هيكون هايل والعربيه ثابته جدا جدا خصوصا Sx لان عرض الكاوتش 215 وده هايل جدا وانا شايف انها احسن من الانسر بجد عربيه انقلاب في الكوري واستهلاك البنزين كويس جدا

الف مبروك على العربية الجديدة و ربنا يبارك فيها . انا عندي سوال لو ممكن هى توكيل والا خليجي اصل انا حاجز في التوكيل من ثلالثة اسابيع و لسة ما استلمتش شكلهم باعوا العربيات للمعارض و هايدونا بومبة و هل استلمتى المواصفات و الون المتفق علية و الا بدايل.

العربيه توكيل و الحمدلله امنت عليها شامل عند AIG ب 4.25%
بالنسبه لاستلام العربيه انا حجزت اول معرفت انها نازله والعدد محدود جدا اللي عرفتو انهم 300 عربيه بس اللي نزلو انا كنت حشتري من الوكيل بس ملقتش اللون و اعرف حد معرفه بصراحه يعرف مدير مبيعات ياسن واول مجتلو حجزت على طوووول واستلمت بعدها باسبوع.
واللي عرفتو كمان اللي حاجز دلوقتي حيستلم كمان شهر او شهرين.
الحمدلله استلمت اللون والمواصفات اللي عاوزاها.

مش عارفه ارفع الصور

ألف مبروووووووووووووووووووووو ك:
:k4:
سوقي على مهلك