أسعار السمكرة و الدكو لبولونيز

**dr_timo** · 16-04-2009 04:40 AM

انا ياجماعة مقبل علي تجدي عربيتي البولونيز فياريت اللي جدد ابل كدة وعارف اسعار السمكرة يعني والدوكو وكدة انا عربيتي مفيهاش خبطات الا حاجة بسيطة في باب فياريت اعرف الاسعار في حال اني هشدها شدة كويسة وفي حال اني هطلصقها اي حاجة عشان متكلفنيش وفي حالة اني هسيبها نفس اللون او اغير اللون زي مكنت بفكر وفي حالة اني هدهنا عادي او بفرن معلش عارف اني طولت اوي بس مليش غيركم وشكرا

**dr_timo** · 16-04-2009 11:53 PM

اية ياجماعة هوة محدش جدد خالص ابل كدة ولا اية

**wesam_salom** · 19-04-2009 08:25 PM

بص يا باشا

اسعار السمكره حسب الشغل اللى فيها ولو فيها بارومه ولو هتغير اجزاء او هتستعدلها بس

الدوكو برده حسب انك هترشها كلها فى حدود 700 جنيه الى 1000 جنيه حسب الخامات والشغل اللى محتاجاه والسمكره اللى اتعملت فيها وطبعا كله فى الفرن

لو هتغير اللون هتصرف اكتر من كده طبعا ممكن تزود من 500 الى 1000 جنيه لانك هتحرق الصاج كله وهترش بره وجوه بس مش متأكد

وفى انتظار اراء باقى الاعضاء

**dr_timo** · 19-04-2009 08:34 PM

لا انا مش هرش جوة هرش برة بس ومفيش الحمد لله برومة ومش هغير اي اربع ولا حاجة وكمان انا سمعت ان مش لازم اشيل كل الدهان القديم ممكن عادي يتحط الستوك علي الحتت اللي متخبطة ويتدهن فيلار رمادي لاني ناوي ادهنها رمادي ويمشي الموضوع

**wesam_salom** · 21-04-2009 01:53 PM

المشاركة الأصلية كتبت بواسطة dr_timo

لا انا مش هرش جوة هرش برة بس ومفيش الحمد لله برومة ومش هغير اي اربع ولا حاجة وكمان انا سمعت ان مش لازم اشيل كل الدهان القديم ممكن عادي يتحط الستوك علي الحتت اللي متخبطة ويتدهن فيلار رمادي لاني ناوي ادهنها رمادي ويمشي الموضوع

لو هتغير لون هترش جوه كمان

علشان متبقاش عامله زى التاكسيات

وكمان لازم تحرق الدهان القديم علشان تشيل المعجون الزياده وتكشف على البارومه