أى سؤال ؟.. أى استفسار ؟.. عن ايجار سياره .

**أبو إياد** · 24-11-2009 08:27 AM

المشاركة الأصلية كتبت بواسطة drmfkm

استاد محمد جزاك الله خيرا على هذا الموضوع الجميل وجعله فى ميزان حسناتك
انا كنت عايز أأجر النترا الشكل الجديد 2010 اتوماتيك المهم روحت لمكتب تاجير قللى 2000 جنيه بالشهر ثم رحت لمكتب تانى قالى 3250 فى الشهر لمدة ثلاثة سنوات و المخالفات والصيانة عليه. (وانا عليه الترخيص والتأمين الشامل ده على انا علما انى جايبها قسط) اناقلت اعمل العقد بسنه احسن ولا انت رايك ايه ثلاث سنين احسن والمكتب بياجر العربية لشركات ولقيت عنده عربيات كتير بياجرها رايك ايه؟

بالنسبه للمكتب اللى قال 2000ج هو مش محتاج العربيه فبناءا عليه حدد السعر ده ولو قبلت كنت هاتتفاجاء بشروط غريبه

اما المكتب اللى قالك 3250 و3سنوات ده مبالغ اوى اوى فى السعر لان القيمه المقدره بيها العربيه دى حاليا فى السوق هو 2750 ج لمده سنتين او 3000ج لمده سنه ولو هايتجدد العقد يجدد بحوالى 2500ج

برجاء اتخاذ الحذر الشديد واخذ كل الاحتياطات مع مثل هذه المكاتب ولو هو فى نطاق المهندسين ياريت تقولى اسم وصاحب المكتب رغم انى متاكد ان الاسعار دى اسعار مدينه نصر والمعادى

**أبو إياد** · 22-01-2010 01:15 AM

.................................................. .................................................. .................................................. .

**osoliman88** · 22-01-2010 01:27 AM

شكرا على المعلومات الوافية عن هذا الموضوع

**أبو إياد** · 22-01-2010 06:55 PM

المشاركة الأصلية كتبت بواسطة yaskhl

مطلوب سيارة للإيجار لمدة عام لأجنبى تكون لانسر او كورولا موديلات من 2008 الى 2010 او النترا او سيراتو الشكل الجديد 2010 بحد أقصى 2750 شهريا بشرط تكون السيارة جديدة او بحالة الجديدة

ده اعلان ده ولا ايه ؟؟؟؟؟؟؟

**yaskhl** · 23-01-2010 07:18 AM

المشاركة الأصلية كتبت بواسطة mohamedezat

ده اعلان ده ولا ايه ؟؟؟؟؟؟؟

اعلان ازاى؟؟؟ انا عاوز عربية ايجار سنة بالمواصفات اللى طالبها قى المشاركة بتاعتى لو حد من الإخوة فى المنتدى بيأجر.

**أبو إياد** · 23-01-2010 12:51 PM

المشاركة الأصلية كتبت بواسطة rockana9112007

انا عندى سؤال معلش غبى شوية هو لية مكاتب الايجار بتأجر عربيات من الناس وبعدين ترجع تأجرها لناس تانية او شركات لية هما مبيشتروش العربيات دى قسط ويشتغلو بيهاااااا حتى هيكووون المكسب اكبر ويكووون خالص لصاحب المكتب ....
ودلوقتى بأى ورق مضروووب تقدر تقسط عربية المهم تدفع القسط
لية سياسة انى اشتغل بمال غيرى كسبت ادينا بنسترزق والله خسرت ففى واحد تانى هيشيل الليلة والتجارة فيهااا مكسب وخسارة والكلام دة
انا طبعااا عارف ان حضرتك راجل محترم بس عمرى ماسمعت سالفة (على رأى الخلايجة )
عدلة عن قصص التأجير دى
ياريت تقنعنى ومعلش ...اسمحلى انى اكلم معاك اكنى بكلم اخوياااا الكبير

سؤال طبعا جامد جدا جدا وكتير من الناس ماتعرفش تسال حد عليه ومش هيلاقى اجابه مظبوطه

اولا انك تضرب ورق وتشترى بيه عربيه قسط دى تعتبر جنحه يعاقب عليها القانون لو البنك قدر يثبت ان اى من الاوراق المقدمه للعميل بها بيانات غير صحيحه بقصد تسهيلات التعامل مع البنك يعاقب بالحبس والغرامه

ثانيا هو هيحتاج لكل عربيه شخص علشان تكون العربيه باسمه ياعنى باردوا هايكون تحت رحمه غيره

ثالثا انه هايكون مجبر ان السياره تشتغل لغايه لما تنتهى مده الاقساط سواء 3 سنوات او اربعه او خمسه
وده استحاله ان السياره تكمل بنفس الكفاءه ده غير ان مصاريفها هتتزايد مع مرور الوقت خصوصا بعد ماتوصل فوق 120 الف كيلو متر

لو المكتب بيشتغل بسياراته الضرائب هنا هاتكون عاليه عليه جدا علشان كده يفضل انه يشتغل لحساب الغير (سمسار) بيدير اموال غيره هنا بتكون الضرائب طبعا متعاطفه معاه خصوصا انه مش هايقدر يسدد للضرائب لو السيارات دى قسط

لكن ان لو حصل شىء فى السياره صاحب المكتب يخلى طرفه من المسؤليه دى بتكون نادره اوى لانه ملزم بموجب عقد الاتفاق بين صاحب السياره وبين مكتب الايجار ان يضمن له اخذ كافه الضمانات على مستاجر السياره من اوراق وما يثبت ان المستاجر مسؤل عن السياره فى حاله حدوث اى حادث او استعمال السياره استعمال خارج عن القانون

**أبو إياد** · 23-01-2010 01:01 PM

المشاركة الأصلية كتبت بواسطة ssam

ارغب في شراء سيارة كيا سيراتو 2010 بالقسط بغرض تأجيرها لمدة 3 سنوات بعقد شامل الصيانة والتأمين
رجاء من حضرتك دراسة جدوي صغيرة لهذا المشروع

ده متوقف على مقدم السياره لان المكتب مالوش دعوه بقيمه القسط انما هو ليه سياره وعقد اتفاق بناءا عليه يتحدد قيمه الايجار الشهرى حسب المده كمان

بمعنى سياره كيا سيراتو اوتوماتيك بسعر 103000ج تقريبا بالاضافه الى 3500ج تامين

لو تم الاتفاق عليها فى مكتب ايجار لمده سنه سعرها هايكون 3000 * 12 = 36000ج
ولو لمده سنتين 2800 * 24 = 67200ج مع مراعاه انك هاتامن للسنه الثانيه
ولو 3 سنوات ممكن يكون الايجار 2500ج حسب المكتب وصاحبه

والمكتب طبعا متحمل جميع تكاليف الصيانه خلال اى مده
والمخالفات بتكون بالاتفاق بنسبه تحمل لانه مش هو اللى هايستخدمها

يبقا المشروع ده لو حبيت تعمله هاتيوقف على مقدم وقسط السياره الشهرى