مقترح لمواجهة المسألة الغبورية

**husamhasan** · 17-09-2007 02:45 PM

السلام عليكم ورحمة الله
اود أن أوجه الشكر لكل السادة الأعضاء الكرام الذين ساهموا بالرد والذى جعلنى اشعر اننى لست وحدى
أقترح على السادة الأعضاء أن نحاول أن نجد حلاً لمشاكل غبور مع العملاء وفى رأيى أن الأسباب الحقيقية تنحصر فى أحد سببين
السبب الأول أن يكون السيد رؤوف غبور رئيس مجلس إدارة الشركة كأى (رئيس) عمل آخر فى بلدنا محاط بمجموعة من المنتفعين الذين يصورون له ان كله تمام والزباين مبسوطين وبتدعيله وأرقام التوزيع والأرباح خير دليل على ذلك وفى هذه الحالة اقترح أنه لو أحد من السادة الأعضاء يعرف عنوان الإيميل الخاص بالسيد رؤوف غبور شخصيا يبلغنا به وأن نفوم بتجميع كل الشكاوى الخاصة بالأعضاء فى المنتدى وإرسالها له شخصيا ليتعرف على حقيقة الأمر فى شركته.
السبب الثانى وهو عكس ما سبق أنه يعرف وغير مهتم طالما الأرباح تتحقق كأى رجل أعمال آخر فى بلدنا لأنهم لا ينظرون إلا تحت أفدامهم والمهم الربح السريع أما موضوع اسم الشركة والسمعة والمدى الطويل فهى اشياء غير مهمة على أساس إن ماحدش عارف بكرة حيحصل فيه ايه وفى هذه الحالة اقترح أن نقوم بارسال الشكاوى مباشرة إلى الشركة الأم فى كوريا لأنى اعتقد أن هذه الاعتبارات بالتأكيد مهمة بالنسبة لهم.
عفواً هناك سبب ثالث وأخير وهو أن الشركة تعتمد على أن الزباين فى مصر مافيش أطيب منهم وبينسوا بسرعة بدليل ان رغم كل اللى بيعملوه فيهم ماحدش اشتكى وبدليل انهم لسة بيشتروا عربيات زيرو مصنعها اتباع من خمس سنين زي دايو وانهم بيشتروا عربيات ماحدش عارف لها اصل ومافيش منهم عربية شبه التانية (فى نفس الموديل) زى كل العربيات الصينى اللى فى السوق وفى هذه الحالة أقترح اننا نكفى على الخبر ماجور
مرة اخرى اشكركم وفى انتظار آرائكم

**temoo_110** · 18-09-2007 09:58 AM

المشاركة الأصلية كتبت بواسطة husamhasan

السلام عليكم ورحمة الله
اود أن أوجه الشكر لكل السادة الأعضاء الكرام الذين ساهموا بالرد والذى جعلنى اشعر اننى لست وحدى
أقترح على السادة الأعضاء أن نحاول أن نجد حلاً لمشاكل غبور مع العملاء وفى رأيى أن الأسباب الحقيقية تنحصر فى أحد سببين
السبب الأول أن يكون السيد رؤوف غبور رئيس مجلس إدارة الشركة كأى (رئيس) عمل آخر فى بلدنا محاط بمجموعة من المنتفعين الذين يصورون له ان كله تمام والزباين مبسوطين وبتدعيله وأرقام التوزيع والأرباح خير دليل على ذلك وفى هذه الحالة اقترح أنه لو أحد من السادة الأعضاء يعرف عنوان الإيميل الخاص بالسيد رؤوف غبور شخصيا يبلغنا به وأن نفوم بتجميع كل الشكاوى الخاصة بالأعضاء فى المنتدى وإرسالها له شخصيا ليتعرف على حقيقة الأمر فى شركته.
السبب الثانى وهو عكس ما سبق أنه يعرف وغير مهتم طالما الأرباح تتحقق كأى رجل أعمال آخر فى بلدنا لأنهم لا ينظرون إلا تحت أفدامهم والمهم الربح السريع أما موضوع اسم الشركة والسمعة والمدى الطويل فهى اشياء غير مهمة على أساس إن ماحدش عارف بكرة حيحصل فيه ايه وفى هذه الحالة اقترح أن نقوم بارسال الشكاوى مباشرة إلى الشركة الأم فى كوريا لأنى اعتقد أن هذه الاعتبارات بالتأكيد مهمة بالنسبة لهم.
عفواً هناك سبب ثالث وأخير وهو أن الشركة تعتمد على أن الزباين فى مصر مافيش أطيب منهم وبينسوا بسرعة بدليل ان رغم كل اللى بيعملوه فيهم ماحدش اشتكى وبدليل انهم لسة بيشتروا عربيات زيرو مصنعها اتباع من خمس سنين زي دايو وانهم بيشتروا عربيات ماحدش عارف لها اصل ومافيش منهم عربية شبه التانية (فى نفس الموديل) زى كل العربيات الصينى اللى فى السوق وفى هذه الحالة أقترح اننا نكفى على الخبر ماجور
مرة اخرى اشكركم وفى انتظار آرائكم

واللهى انا ائيد كلامك كله وعندك حق فيه وانا نفسى حد يبعت برسالة للشركة الام ونشوف ايه الرد لو الرد فيه ايجابية كل اللى معاهم هيونداى فى المنتدى يبعتو اميلات والله ولى التوفيق

**ammahah_ahmed** · 18-09-2007 02:47 PM

انا شايف اننا نبعت للشركة الأم مباشرة علشان في جميع الحالات همه هيقدروا يعملوا حاجة

**eng / AhmeD** · 18-09-2007 04:41 PM

اقتراح كويس
بس يتنفذ

**معاذ الشرباصى** · 18-09-2007 04:47 PM

الافضل هو مخاطبة الشركة الام مباشرة

**Hamlet** · 18-09-2007 07:24 PM

اقتراح كويس مخاطبة هيونداى الام و اعتقد ده سهل عن طريق موقع الشركة و ارسال e-mail به شرح لتجارب العملاء مع الشركة فى مجال الصيانه ..
و انا شخصيا ليس لى تجربة مع غبور لكن كنت انوى شراء الينترا و كمان حمراء زى بتاعة مهندس حسام :o لكن السبب الرئيسى للتردد هو كثرة ما قرأت عن سوء الخمة فى مراكز غبور ..

**المتميز** · 23-09-2007 08:50 AM

و لا حد فيكم هيبعت ولا حتى هيستقبل ... !!!
بكلمكم بصراحة
كلنا و أنا منكم بتوع كلام .... كلام و بس
إنما بعد الكلام .... ييجي وقت الرز بلبن و المهلبية و الشاي و الشيشة و الضحك و الهزار و التنكيت
و بعدين نتقابل بكره .... و هكذا ...
بلاش تضحكوا على نفسكم
هاقولكم حاجة كلكم أكيد عارفينها بس بتحبوا تعملوا مش عارفينها
إللي عايز يعمل حاجة بيعملها الأول و بعدين بيقول أنا عملت مش العكس ...
لو في حياتك قابلت واحد بيكلمك في أي موضوع و بيقولك أنا ح ح ح ح ...... أعمل و أسوي و .. و ..
يبقى نام و إتطمن إنه مش هيعمل أي حاجة ... أصله لو فعلا عايز كان عمل ...
############################

تم تعديل المداخلة من قبل الأشراف وحذف الكلمات التي لا تليق

**abo3bdolrahman** · 23-09-2007 02:05 PM

إبعتوا يا جماعة و متتكسفوش إحنا عملنا الموضوع ده مع عز العرب علشان بروتون و كمان أنا بعتلهم خطاب رسمى مع واحد صاحبى كان رايح ماليزيا و من ساعتها و التوكيل فى تحسن مستمر ده غير زيارات الماليزيين الدورية بس أهم حاجة أكتر من واحد يبعت و يكون الكلام بموضوعية و حقائق فقط و يكون مكتوب بطريقة مظبوطة.

**Hamlet** · 23-09-2007 04:03 PM

الاخ اللى بيقول بتوع كلام و محدش حيبعت الخ الخ !

يا سيدى انا طبعا مش ممكن ابعت شكوى للشركة الام علشان انا اصلا معنيش و عمر م كان
عندى عربية هونداى .. يعنى يبقى شئ بارد منى ابعت اشتكى من التوكيل !!
و سوف احرج نفسى لو بعت للشركة اشتكى من توكيل لم اتعامل معه .. ابسط سؤال سوف يقال
لى و انت شأنك ايه و بشتكى ليه ما دام ماعندكش هوناى ! و سوف يبدو كأنى متسلط على الشركة و غير موضوعى و سوف يجعل ذلك ادارة غبور تقول للشركة الام شايفين دول ناس كدابين و ضلليه و سيكون ذلك نقطه فى صالحهم و ليس عليهم ..

انا فقط ايدت اقتراح احد اعضاء المنتدى حيث ان لى سابق تجربه فى الشكوى لاحد الشركات الامريكية الكبرى فى مجال بعيد عن السيارات و جاءت النتيجة فوق ما كنت تصور !

للاسف معظم المصريين يقبل الهوان فى حق نفسه و يسكت .. و على فكره هناك فارق كبير بين الشركات المصريه و العالميه الكبرى التى تهتم بشكاوى اى عميل حرصا على سمعتها و لا تدافع نفسها بالحق او بالباطل كما تفعل الشركات المصريه ..
و لو علم صاحب التوكيل هنا فى مصر بأنه ممكن ان يفقد الوكاله التى هى بالنسبة له منجم دهب
فسوف يغير معاملته للعملاء و يتعلم الادب ..
المهم النصيحة لمن لديه سيارة هونداى و ارسل شكوى للشركة فى كوريا ان تكون شكوته حقيقة - موضوعية - تخلو من المبالغة التى يصعب
تصديقها و يجب ان تكون الشكوى بلغة انجليزية واضحة و سليمة و تمنياتى بالتوفيق

**temoo_110** · 23-09-2007 06:44 PM

المشاركة الأصلية كتبت بواسطة Hamlet

الاخ اللى بيقول بتوع كلام و محدش حيبعت الخ الخ !

يا سيدى انا طبعا مش ممكن ابعت شكوى للشركة الام علشان انا اصلا معنيش و عمر م كان
عندى عربية هونداى .. يعنى يبقى شئ بارد منى ابعت اشتكى من التوكيل !!
و سوف احرج نفسى لو بعت للشركة اشتكى من توكيل لم اتعامل معه .. ابسط سؤال سوف يقال
لى و انت شأنك ايه و بشتكى ليه ما دام ماعندكش هوناى ! و سوف يبدو كأنى متسلط على الشركة و غير موضوعى و سوف يجعل ذلك ادارة غبور تقول للشركة الام شايفين دول ناس كدابين و ضلليه و سيكون ذلك نقطه فى صالحهم و ليس عليهم ..

انا فقط ايدت اقتراح احد اعضاء المنتدى حيث ان لى سابق تجربه فى الشكوى لاحد الشركات الامريكية الكبرى فى مجال بعيد عن السيارات و جاءت النتيجة فوق ما كنت تصور !

للاسف معظم المصريين يقبل الهوان فى حق نفسه و يسكت .. و على فكره هناك فارق كبير بين الشركات المصريه و العالميه الكبرى التى تهتم بشكاوى اى عميل حرصا على سمعتها و لا تدافع نفسها بالحق او بالباطل كما تفعل الشركات المصريه ..
و لو علم صاحب التوكيل هنا فى مصر بأنه ممكن ان يفقد الوكاله التى هى بالنسبة له منجم دهب
فسوف يغير معاملته للعملاء و يتعلم الادب ..
المهم النصيحة لمن لديه سيارة هونداى و ارسل شكوى للشركة فى كوريا ان تكون شكوته حقيقة - موضوعية - تخلو من المبالغة التى يصعب
تصديقها و يجب ان تكون الشكوى بلغة انجليزية واضحة و سليمة و تمنياتى بالتوفيق

يا سيدى ابعت الاميل واكتب اسمى ورقم تليفونى كمان ايه رايك

الموضوع: مقترح لمواجهة المسألة الغبورية

LinkBack

أدوات الموضوع

عرض

-

-

-

-

-

-

المواضيع المتشابهه

ممكن تفيدونى فى المسألة المهمة دى بعد اذنكم ؟

الاضرابات الفئوية و المسألة الأمنية

مغامراتي الغبورية ... المغامرة الثانية...

مغامراتى الغبورية ... المغامرة الثالثة ...

الكلمات الدلالية لهذا الموضوع

المفضلات

المفضلات

ضوابط المشاركة