السلام عليكم
بصراحة انتم ناس محترمة ربنا يزيدكم من علمه
عرض للطباعة
السلام عليكم
بصراحة انتم ناس محترمة ربنا يزيدكم من علمه
طبعا بأشكرك بالأنابه عن كل جميع الأخوه المشاركون فى الموضوع............
بجد يا باش مهندس انا مشعارف اشكرك على الرد الجميل ده وربنا يزيدك من علمة
فعلاً انا مش محبذ التعديل فى السيارة عن الحاجه الاصلية بتاعتها
بس عندى سؤال لو تكرمت تجاوبنى علية وهو انا موسس حبتين وشككاك شوية ,,,ازاى اتأكد من انى بعد العمرة وانا بستلم الموتور من المخرطة انى لم اتعرض للغش منه وازاى اتأكد من الخلوصات بالنسبة للمكابس والصمامات وعدم وجود اى تسريب منهم وكمان عمود الكرنك ارجو منكم الافاده لانى رايح كمان ساعة استلم الموتور من المخرطة وان كمان الميكانيكى ما يغش فى العمرة؟؟؟؟؟؟؟؟؟؟؟؟؟
الله يخليك يا أستاذ : محمداقتباس:
بجد يا باش مهندس انا مشعارف اشكرك على الرد الجميل ده وربنا يزيدك من علمة
هو ده الصح فعلااقتباس:
فعلاً انا مش محبذ التعديل فى السيارة عن الحاجه الاصلية بتاعتها
ياباشا أامر .......وحفكر معاك برضه على قدر أستطاعتى.................ومتروك برضه التعليق للزملاء ......للأفاده للجميعاقتباس:
بس عندى سؤال لو تكرمت تجاوبنى علية وهو انا موسس حبتين وشككاك شوية
فى البدايه أنصحك بالأغداق على الميكانيكى بقدر الأمكان ( أطعم الفم تستحى العين ) والخلوصات عامة فى أعمال الخراطه يجب التعرف عليها من حدود السماح فى الخراطه المنصوص عليها فى كتيب الصيانه بتاع المحرك ......وأعتقد مش حيكون متاح عندكاقتباس:
,,,ازاى اتأكد من انى بعد العمرة وانا بستلم الموتور من المخرطة انى لم اتعرض للغش منه وازاى اتأكد من الخلوصات بالنسبة للمكابس
دى حتبان معاك لما الميكانيكى يجمع رأس السلندر ( المخرطه عملت تفريز للقواعد بتاعة الصبابات الجديده وسوت الرأس مثلا وهكذا ).......لما الميكانيكى يجمع ويعمل الروديه .....كله حيبقى تمام أن شاء اللهاقتباس:
والصمامات وعدم وجود اى تسريب منهم
برضه خلوصات الكرنك بتكون حسب السبايك (المقاس الأكبر over size ) وده الميكانيكى حيعرفها برضه .....وكده الخراط بيخرط حسب السبايك الجديده .....وبيعمل حسابه فى خلوص تقريبى للأسف ( ودى بتبقى حظوظ برضه ) لأنه المفروض بيلتزم بحدود الكتالوج وكل ماقل الخلوص بين السبيكه والكرسى بتاعها بالكرنك كل مازاد ضغط الزيت والمكنه شغالهاقتباس:
وكمان عمود الكرنك ارجو منكم الافاده لانى رايح كمان ساعة استلم الموتور من المخرطة
هو ده أساس اللعبه كلها دلوقتى يا أستاذ : محمد .........ويارب يكون أبن حلال ........................ولكن لاتقلق .......فبعد العمره حيبان كل شىء ................وحقولك على حاجه ( قول للميكانيكى .....أنك ناوى تستعمل زيت خفيف بعد العمره (تخليقى مثلا .....وحتخليله مبلغ لبعد التجربه بعد العمره علشان الظروف وخلافه ....كلام خرط ياعنى ) ...............وحتشوف الدخان بتاع المكنه ..........علشان يأخد أأقل حدود فى الخلوصات من الخراط )..............لأن كده حيخاف برضه .....لأن لو الخلوصات كبيره مع الزيت الخفيف ..............المكنه حدخن.............وكده أنت بتلاعبه وتزنقهاقتباس:
وان كمان الميكانيكى ما يغش فى العمرة؟؟؟؟؟؟؟؟؟؟؟؟؟
بجد متشكر جداً حضرتك انسان محترم
عاجز عن الشكر
س على فكرة وعلى شان تكون فى الصورة احب فى عجالة اقولك تاريخ الموتور معايا
اولا العربية احنا اول يد من سنة 83
ثانيا اتفتحت قبل كده مرة واحده سنة 97 وكنت ساعتها فى اعدادى يعنى مش فاكرها اوى
والاسبوع الى فات بدأت عمرة كاملة للمحرك لان كان بيطلع دخان ازرق خفيف فى السرعات البطيئة ولما اقرص بيزيد الدخان نوعاً ما
واخر سرعة بتوصلها من 100 الى 110 كم\ساعه
ثالثا الخراط طلب منى بستم زيرو 20 وسبايك زيرو 10 وهلال كرنك وصمامات وروحت شفت الموتور بعد ما خلص بس حاسس انه الموتور زى ماهو مزيت ومشحم ومش نظيف وبيقولى ان عمل تجليخ للكرنك
والله انا حاطت ايدى على قلبى وربنا يستر
وزيت خفيف زى ماركة اية بالظبط؟؟؟؟
انا مافهمش فى الزيوت عير انواعها وبس
ارجو الافاده بالنصايح
انا زى ماقولتكم موسس وشككاك
ادعولى ربنا يسترها معايا
ياعنى قول للميكانيكى مثلا .....أنك تستعمل زيت تخليقى ( زى موبيل 1 مثلا ) وده بيبقى خفيف فى البدايه ....ولو الشنابر مش محكمه كويس بين البستم والشميز .....المكنه حدخن ...لأن كل ماكان الزيت خفيف فى البدايه حيهرب من بين البستم والشميز ......وكده الميكانيكى حيخاف على شغله ....وحيستلم صح من الخراط ...........اقتباس:
وزيت خفيف زى ماركة اية بالظبط؟؟؟؟
انا مافهمش فى الزيوت عير انواعها وبس
ارجو الافاده بالنصايح
ههههههههههههه أخوك زيك تماما .....وبحب كل حاجه على الشعرهاقتباس:
انا زى ماقولتكم موسس وشككاك
ربنا يسترها معانا ومعاك ومع المسلمين جميعا ...............آمين يارباقتباس:
ادعولى ربنا يسترها معايا
معلش دى عدتنى برضه ......والسبايك بتاعة الكرنك ( بتكون للمقاس الأصغر under size لأننا بنشيل من الكرنك .....يعنى بنرفعه .....وبالتالى بنحتاجله سبائك أقل فى القطر الدائرى )...........أما الــــــــــــ over size بيكون فى حالة البساتم لما بنخرط الشمايز بنجيب بساتم أكبر قطرا........................وسورى ووجب الأستدراك..................اقتباس:
برضه خلوصات الكرنك بتكون حسب السبايك (المقاس الأكبر over size ) وده الميكانيكى حيعرفها برضه
ياباشا حقيقى ربنا يجازيك كل خير على المعلمومات القيمة بجد:verygood:
بس معلش حاجه اخيرة ...انا عارف انى طولت عليك اوى بس كرمك طمعنى اكتر
وهى انى كنت بتكلمم مع واحد صحبى خريج هندسة ميكانيكا سيارات وقولت له على اليله كلها وقولتله ان الخراط عمل تجليخ لعمود لكرنك اتخض وقالى ليه جيت عند الكرنك ده الكرنك بيبقى سليم وبيعيش وليه كده
قولتله انه طلب برضة طقم سبايك زيرو 10 مش المفروض برضة يظبط الكرنك لمقاس السبايك
ام قالى لا طبعاً بنركب السبايك الجديده من غير ما نجلخ الكرنك
بصراحة انا احترت وصحبى ده لعب فى دماغى ومشعارف مين الصح فيهم
ارجو الافاده ومش هسأل واوجع دماغكم تانى
ياباشا الله يخليكاقتباس:
ياباشا حقيقى ربنا يجازيك كل خير على المعلمومات القيمة بجد:verygood:
ياباشا متقولش كده .......أحنا أخواتك وتحت أمر الجميع ............بحق الزماله على الأقلاقتباس:
بس معلش حاجه اخيرة ...انا عارف انى طولت عليك اوى بس كرمك طمعنى اكتر
لا ياباشا ....الخراط صح .....وزيرو 10 يعنى الخراط شال من الكرنك 0.25 مم من قطره ..........وبقى مقاس قطر الكرتك أأقل 0.25 مم عند كل مناطق التحميل ( سواء بتاعة كراسى الكرنك الخمسه أو بتاعة البيلات الأربعه )......وكل سبيكه بنكون نصفين (علوى وسفلى ).....[gdwl]وشوف أنت بتقول أيه ( مش المفروض يظبط الكرنك على السبايك الجديده .....وهو أى الخراط طلب منك كده لما لقى الكرنك مريج .....يعنى خشن وعاوز يتخرط لمقاس أرفع ....ودى بنسميها خرطه أولى .....وأنا طبعا واثق تماما أنك أول مره تخرط الكرنك .....وفيه خرطات تانيه 0.020 & 0.030 بالبوصه وهكذا حسب توفير صانع المحرك لعدد الخرطات[/gdwl]اقتباس:
قولتله انه طلب برضة طقم سبايك زيرو 10 مش المفروض برضة يظبط الكرنك لمقاس السبايك
لا الكلام ده مش مظبوط .......اقتباس:
ام قالى لا طبعاً بنركب السبايك الجديده من غير ما نجلخ الكرنك.....
الخراط صح................اقتباس:
بصراحة انا احترت وصحبى ده لعب فى دماغى ومشعارف مين الصح فيهم
ياباشا ........أسأل ولا يهمك .........وحنفكر معاك على قدر مانستطيعاقتباس:
ارجو الافاده ومش هسأل واوجع دماغكم تانى