اقتباس:
السلام عليكم ياباشمهندس سمير
وعليكم السلام يا أبو حميد .....وأشكرك لسؤالك وربنا يديم المعروف بين الجميع ............آمين يارب اقتباس:
من ساعة ماعملت العمرة وانا بسمع صوت رنة معدن من الموتور بتظهر لما الموتور يوصل الى درجة حرارة التشغيل العادية
يعنى الصوت ده بيظهر مع الحراره ....يعنى فيه حاجه بتتمدد حراريا ......وبتعمل تلامس مرتبط بعملية دوران ....ومش حنحدد مين السبب دلوقتى ....المكنه او غيره ......يعنى بندردش بالمنطق اقتباس:
بس لما بتكون العربية باردة ولسة مدورها بيكون صوتها ناعم جداً ولما تسخن عادى الصوت دة بيظهر
طبعا الكلام ده والعربيه لسه واقفه فى مكانها وبتسخن مثلا............ولسه معشقتش الفتيس علشان تطلع بالعربيه اقتباس:
ولما بتحرك بالعربية الصوت بيروح طول مانا دايس بنزين
دايس بنزين ....يعنى سرعه وخرج كويس من المكنه للدبرياش ثم الفتيس اقتباس:
اول لما امور العربية الصوت يرجع تانى
يعنى لما خففنا الحمل .....زى الحاله الأولى خالص وأنت بتسخن الصوت رجع تانى اقتباس:
وريت العربية لميكانكى تانى بس الميكانيكى التانى اثق فية لانه امين جداً جداً
من غير ما أاقابله وأقابلك يا أخويا محمد ........وواضح أنكم الأثنين ناس : محترمه فعلا .....وفعلا بأحب أفكر معاك .....لسردك أى موضوع (أولا بدقه جميله وأمانه واضحه وفهم جيد جدا بيساعد اللى بيحلل معاك فى فهم المشكله وأبعادها كويس الى حد ما )...... اقتباس:
للاسف مش هو اللي عملى العمرة
قدر الله وماشاء فعل .....فلعله خير ......وخللى بالك هو راجل طيب أى نعم .....بس الكمال لله ...........ومتعرفش الخير فين ( معاه ولا مع اللى عمل العمره ) اقتباس:
وسمع الصوت ده وقالى انه صوت البيل بيرزع
فعلا قد يكون توقعه صحيح .....بس فيه أسباب تانيه للحاله دى اقتباس:
...بس قالى انه مايعملش حاجة
فى دى ....هو معندوش حق ....لأن بما أنك لسه عامل عمره وبتلين ....يعنى السبايك والخلوصات أتراجعت ....وبيكون العيب على هذا الأساس فى أستقامة البيلات ( فيها أنحناء أو عوجه بسيطه ومبتنشفش بسهوله وقت التجميع والعمره ....وبيتعمل لها أختبار أستقامه وهى فى المخرطه بأسلوب هندسى معين ) اقتباس:
فممكن يكون الصوت ده اية؟؟؟؟؟؟؟؟؟
شوف ياسيدى ..........من أهم الأسباب اللى تخللى المكنه تعمل الصوت اللى زى كده وهى سخنه .......وبنسميه ( دق مع سلانسيه ساخن ) ........مش رجب على صفيح ساخن .........هههههههههههه 1-الأول حتطمن على كل السيور اللى باينه قدامك .....بحيث تبقى كلها مشدوده ومظبوطه كويس .....ومفيش سير تعبان ....
2-حتشيك على بلية الدينامو .....وتشوفها خشنه ولا كويسه ....بعد ماتنزل سير الدينامو .....خللى الكهربائى يشوفها كده .....خفيفه وحلوه ولا تقيله وعاوزه تتغير ....
3- أطمن برضه للزوجة الزيت اللى فى المكنه حاليا .....كويسه ولا الزيت لزوجته تعبانه ..........ودى تعملك دق محترم على الساخن برضه ....
4-شوف برضه فرن الشكمان مربوط كويس ...ومتاخد بوش رباطه كويس .....ممكن تخللى صاحبك التانى يراجع برضه على رباطات الفرن .....لأنه لو مهوى شويه ....أولا حتشوف دخنه خفيفه جدا طالعه من عند السطح بين الفرن ورأس السلندر وده أنت ممكن تعرفه وأنت واقف بعمل أمبيلهات من عند بكرة واير الأكسراتير وأنت واقف ومسخن ...لو لقيت عادم طالع معاك بين الفرن والرأس يبقى هو ده.......داغير أن مع الحمل وأنت ماشى ....ومع ضغط العادم .....حتحصل رنة المعدن دى بين الفرن وجسم رأس السلندر من بره ....العادم بيحاول ينطر الفرن لبره ...علشان مهوى شويه ....
5- برضه ياريت تطمن على البوجيهات ....كجانب أطمئنان لأنها لما بتبقى مش كويسه بتعمل صوت دق (أسمه دق شراره .....وممكن الواحد يخدع أن فيه حاجه جوه المكنه )...........
6- بعد كل ده .......حننتظر عملية ضبط التاكيهات مره تانيه ...لو ده مجبش نتيجه المفروض نغير سير الكاتينه اللى متغيرش قبل كده ونظبط تاكيهات تانى ....
اقتباس:
طمنى الله يطمنك ياباش مهندس
فى الحقيقه ده اللى قدرت أحلله حاليا ....قبل مانروح ناحية المكنه .....وأرجو من الله أن تكون الأمور بسيطه أن شاء الله ......وياريت تبقى تطمنى على النتيجه بعد التشييك على الحاجات البسيطه اللى قولنا عليها