مشكلة فى حساس المروحة - نيسان صنى 2008

**khalidsdk** · 18-04-2009 05:43 PM

تأكد من الآتي :

1) وصلات وفيش المراوح ما تكونش ملمسة مع سلك تاني.
2) تأكد من الفيوز الخاص بالمروحة وكذلك الـ Relay بتاعها كل مروحة ليها فيوز وRelay .
3) تأكد من حساس الثيرموستات الخاص بالحرارة ممكن يكون بيدي كهرباء علطول سواء سخن أو بارد

**amarakl** · 18-04-2009 08:29 PM

بص يا سيدى الفاضل
لما الحساس بتاع الفريون بيبوظ بيحصل العيب ده لو انت متاكد ان الحساسات اللى انت جربتها شغاله يبقى العيب أما الكونترول أو الضفيره من الحساس للكونترول وعيوب الكونرولات شائعه وكتيره
مهندس عمرو عبد الفتاح

**starbsme7tar** · 19-04-2009 01:01 AM

الف شكر يا بشمهندس عمر
ويا رب بس انا رحت تاني النهارده التوكيل ومرضيش يشوف الضفيره وكده قاللي حرام اخسرك تمن الكشف وهي 90% كونترول
قاللي حاول تجيبلي عربيه زيها بالضبط علشان يجرب الكونترول اللي فيها عندي
لو طلع العيب مش منه يبقى يشوف الضفيره

وانا كلمت المهندس احمد الوكيل تليفونه مقفول
وكلمت المهندس عصام قاللي انه ساب نيسان بس قالللي اروح مركز السبع اللي في المعادي يشوفوها

وانا بصراحه يأست وتعبت من اللف
وشكرا اوي اوي على اهتمامك
وجزاك الله كل خير

**pharonicking** · 19-04-2009 01:26 AM

انا سمعت ان فيه مشاكل فى ضفيرة النيسان صنى """
يبقى الكلام دة ممكن يكون صحيح"

**ahmed_su** · 19-04-2009 04:47 PM

مشكلة مشابهة حصلت فى عربيتى القديمة - تمبرا

ووديتها لاكتر من واحد وكله بيفتى ... ولما غلبت قررت

اتعامل مع الامر بنفسى... لما بافصل الوحدة الخاصة بالتحكم بالتكيف

المروحة بتقف وبتشتغل وتفصل لما حرارة المياه توصل لمعدل التشغيل

تتبعت وحدة التكيف الحساس كان سليم وهو بيدى الاشاراة لريلاى (كتاوت) خاص

بالمروحة وده كان معلق وفضل مغلق على طول كأن التكيف شغال طول الوقت

لما فكيته وجدت فعلا الميكانزم بتاعه معلق ومخلى المروحة شغالة على طول

تم تغيره والموضوع بقى تمام وربنا رحمنى من بتوع الفتاوى

حبيت اقولك يمكن تديك فكرة ترشدك للحل ان شاء الله

**mohberb** · 02-05-2009 01:35 PM

انا عندى سيارة نيسان صنى 2008 اوتوماتيك فيها مشكلة انة عنداالتوقف ووضع الغيار على وضع مور ( N ) تبدا سرعة دوران المحرك فى الزيادة بدرجة كبيرة ثم تبدا تقل وتزيد مرة اخرى وهكذا مما اضطر الى اطفاء السيارة و تشغيلها من جديد حتى تثبت سرعة المحرك وقد ذهبت بها لتوكيل الصيانة بالاقصر اكثر من مرة ولكن للاسف نفس المشكلة مستمرة برجاء الافادة عن هذا العطل مع العلم ان السيارة لم تكمل 10000 كم استهلاك

**khalidsdk** · 03-05-2009 04:46 PM

انا عندى سيارة نيسان صنى 2008 اوتوماتيك فيها مشكلة انة عنداالتوقف ووضع الغيار على وضع مور ( N ) تبدا سرعة دوران المحرك فى الزيادة بدرجة كبيرة ثم تبدا تقل وتزيد مرة اخرى وهكذا مما اضطر الى اطفاء السيارة و تشغيلها من جديد حتى تثبت سرعة المحرك وقد ذهبت بها لتوكيل الصيانة بالاقصر اكثر من مرة ولكن للاسف نفس المشكلة مستمرة برجاء الافادة عن هذا العطل مع العلم ان السيارة لم تكمل 10000 كم استهلاك

طالما الـ RPM بيعلى ويوطى لوحده ده معناه إن Ideal Controller اللي بيتحكم في فتح وغلق بوابة المنافولد قاعد بيفتح ويقفل إما يكون الـ Controller نفسه تالف وعايز يتغير ، أو الكهرباء(Signal) اللي بتجيله مش مضبوطة نتيجة لتلف في أحد الحساسات الأخرى زي حساس الهواء أو الأكسجين .

حاول تحط العربية على سكانر ، ده حيحدد لك العطل في أى حساس بالضبط

هل لمبة الـ Check منورة عندك في التابلوه ؟