الموضوع: استفسار بخصوص الصيانه في فرع العبور وفي اي مركز معتمد

المشاركة الأصلية كتبت بواسطة bmya

السلام عليكم ورحمه الله وبركاته
انا يا جماعه مستغرب من حاجه ومش فاهمها
دلوقتي انا عايز اعمل صيان ال10000 ان شاء الله بس فيه حاجه
انا بعمل الصيانه في مركز النصر اللي في المنصوره
المهم انا اتصلت بيهم عشان اسأل علي التكلفه بتاعتها
فقالي حضرتك هتغير موبيل وان ولا XHP
قلته قولي الاتنين
فقالي لو هتغير موبيل وان هتبقي في حدود 422 جنيه جركن موبيل وان ب 235 بيقولي ان ده نفس سعر الزيت بره بس انا لسه مسألتش وقالي المفروض انه لازم يتغير بعد 6 شهور او 10000 كيلو
ولو هغير XHP وده بيقولي بيمشي 5000 هتبقي الصيانه 295 جركن الزيت ب 105 وبرده قالي ده نفس سعره بره
المهم دلوقتي انا بصيت علي موضوع صيانه ال10000 بتاع الاستاذ أحمد اللي في الموضوع ده

http://www.nilemotors.net/Nile/showthread.php?t=46353
بس هو كاتب ان صيانه ال10000 اتكلفت 420 جنيه مع انه مغير موبيل XHP مش موبيل وان
طيب لييييييييييييييييه بقه تكون الصيانه بزيت موبيل وان في النصر نفس سعر الصيانه في العبور ب XHP ايه الفرق يعني مع انها صيانه عاديه جداااااااااا ومفيش اي فنيات فيها خالص
يعني تغيير زيت وفلتر وتربيط عفشه وتنضيف تيل وفحص طنابير حاجات اصلا كلها عاديه وممكن تتعمل عند اي ميكانيكي عادي ليه الفرق الكبير ده
اه علي فكره بسال المهندس بقوله هي بتاخود قد ايه زيت قالي بتاخد 3.5 او 3.7 في الحدود دي ؟؟!!!!!! مش عارف الواحد يعمل ايه طيب في موضوع الزيت ده كمان

شريف باشا

دلوقت 235 ده تمن الجركن موبيل 1 سعة 4 لتر فعلا.

بس انت بما ان عربيتك موديل 2008, فأنت هتحتاج 3 لتر فقط, لو عندهم الجراكن ال 1 لتر اوك, لو معندهمش فأنت بتجيبهم معاك و انت رايح لهم, علشان تضمن ان محدش هيحط لك زيت زيادة.

لو حد اتكلم معاك هناك فى الموضوع ده, خد معاك الكتالوج, و قول لهم كلموا مركز العبور الرئيسى.

اما عن سبب اختلاف الاسعار, فهو بيبقى اختلاف فى اسعار العمالة, لأن قطع الغيار سعرها موحد, و العمالة هى اللى بتختلف من مكان للتانى, و اكيد فى التوكيل هتبقى اغلى مكان.

فرق عمالة للأسف زي ما قال معاذ .. و كمان بيتدفع عالعمالة ضريبة مبيعات .. نفسي أعرف ليه .. إحنا المفروض زي ما هناخد بقية الزيت كل واحد ياخد صنايعي يحطه عالتابلوه إحتياطي تحسباَ لأي أعطال .. دافعين عليه ضريبة مبيعات !