انا غبت فتره لكن يسعدني الرد على الاسفسارات
عرض للطباعة
السلام عليكم
السيارة سكودا فيليشيا موديل 1997 موتور 1300 بها دخنة خفيفة من الفايظ وبتاكل زيت - ميكانيكى قاللى طقم شنبر يتكلف حوالى 600 - 700 جنيه يظبط الموضوع - واحد تانى قاللى تتكلف 2000 جنيه بساتم وسبيكة المانى اصلى وخرط الكرنك والمصنعية. واخبرنى بان طقم الشنبر عمره بالكتير 3 أو 4 شهور فقط.
علما بأنه لايوجد اى صوت رزع فى الموتور .
واحد ثالث قال غير الموتور باخر استيراد لأن عمرة الفيليشيا غير مجدية على المدى الطويل.
انصحتى بالحل الأمثل والتكلفة التقريبية لهذا الحل وأفضل ميكانيكى يقوم بتنفيذ هذا الحل.
لو الموتور ما بيخبطش ممكن تعمل شمبر فقط كرنكات الأسكوا معمره لو بتغير الزيت فى ميعاده
[QUOTE=tmedhat;3876104697]لو الموتور ما بيخبطش ممكن تعمل شمبر فقط كرنكات الأسكوا معمره لو بتغير الزيت فى ميعاده[
شكرا لرد حضرتك
السلام عليكم الاعضاء المحترمين
عندى مشكلة فى سيارتى هى النترا 2008 ... من كام يوم حصل مشكلة فى ترموستات الحرارة والعربية سخنت على اخرها وانا من ذكائى بطلتها وحطتلها ميه فجابت وش سلندر.. قدر الله وماشاء فعل ... المهم انا روحت لميكانيكى فتحلى وش السلندر لقاه مقفع يعنى مش مستوى من عند المكبسين اللى فى النص... قالى غيره قولتلو طيب لو وديتو المخرطة هتبظبطه ولا لا ... رد عليا بان المخرطة هتاكل من جسم وش السلندر فهيقلل مساحة الاحتراق ودا غلط ... اعمل اية امشى وراه واشترى واحد استعمال ولا اروح اودية المخرطة يتخرط ويتساوى كويس واجيبلة الجوان واركب على كدا؟
حاجة تانية معلش .. هو بص على الجزء السفلى بعد ما رفع وش السلندر وقالى ان الفارغة ( الجزء السفلى) فيه تقفيعه بردو .. وبدام مقفع يبقى نغير الموتور كله .... الكلام دا صح ولا غلط ارجو الرد فى اقرب وقت ولكم جميعا جزيل الشكر
ممكن سؤال
عندى موتور بس ياريت محدش يتاريء
موتور رينو 18
هوا بياكل زيت
وعلشان الغلاء فكيت الموتور بأيدى ولقيت البساتم فيها بوش بتحط الفلير رقم 15أو 1.5
بينها وبين الفرغه أو الجسم الداخلى
هل أغير بيستم ولا أيه
بتحط بستم اكبر مع شنبر اكبر
و علشان البساتم الاكبر كلها مش هتدخل بسهولة ....أو علشان الاسطوانة معووجةو لازم تبقى بشكل اسطوانى تماما هتضطر تخرطها عند الخراط و هو اللى هيقول لك تجيب مقاس البستم أد أيه و مقاس الشنابر أد أيه....اللى بيقولو عليه الزيرو
اللى انت عملته انك وفرت اجرة الميكانيكى و بتعمل شغلك برواقة بس مش هتعرف تستغنى عن الخراط لان مش عندك مخرطة :)
لو سمحت انا معايا هيونداى اكسيل 97 مانيوال 1300
روحت للميكانيكى بقولة العربية مكتومة و مش بتسحب اكتر من 110 و بعدها بتتخنق و بتترج لو زودت رجلى فى البنزين مع ان لسة الدواسة فيها كتييير
المهم قالى المشكلة مش فى الكربراتير و راجع على التقسيمة و الدنيا تمام
بس قالى عندك تخبيط تحت فى الكرنك وهو الى عامل المشكلة مع ان انا عامل عمرة كاملة من فترة و الموتور حالتة كويسة جدااااا
فهل الكلام دة صح ؟؟
ولو صح يبقى اييية الحل؟؟
ارجو الرد وشكرا