الموضوع: 127 ولا 132 ولا بولونيز ؟؟؟؟؟

شوف انا معايا البولونيز موديل 90 الصراحه عربيه زي الفل لكن انا شخصياً بعشق ال 127 و متسألونيش ليه !!
لو عايز عربيه صغيره لشاب او اسره ضغيره(لسه في الاول يعني هو و مراته و ميمنعش طفل صغير) و استهلاك بنزين قليل غير انها كمان امامي يعني راحه من مشاكل نظام الدفع الخلفي كارونه و الجو ده و قطع غيار موجوده في كل مكان و رخيصه يبقي ال 127...
اما الصراحه افضل خيار لسياره عائليه حماله اسيه و تسافر بيها مستريح هي البولونيز بلا منافس كفايه ان في منها موديل حديث فوق ال 90 موجود...
و انا بصراحه انا شايف ان دول العربيتين اللي في الفيات القديم اللي ممكن تركبهم...
يا رب اكون افدت

و الله يا جماعة انا كنت ناوي اجيب البولونيز و خلاص حروح اخلص فيها واحد قالي ابعد عنها و قالي حاجات غريب زي مثلا انها عفشة فوق و عفشة تحت و مقصات فوق و تحت (طبعا ماعرفش يعني ايه )يعني مكلكعة في الشغل بتاعها و قالي انا كانت مع اخوه و غيرولها كل حاجة و في الاخر باعوها وقالي كمان ان ليها اسم عند الميكانيكية و السواقين ولكن يعاقب عليه القانون بعد ابدال حرف النون بحرف التاء او الطاء وعلى فكرة الرجل دا سواق تاكسي و ليه خبرة في العربيات و كان بينصح لوجه الله كما اعتقد فمش عارف ايه رايكم

بص يا باشا انا معايا 132 موديل 79 1600 سي سي و بعيداً عن التحيز عشان عربيتي بس انا فعلاً بحبها و بتريحني و شكلها و ادائها قوي جداً و تاخد منك شغل متقولش لأ و بعدي بيها ال 150 كم مرتاح جداً و مفيش مشاكل و اي حاجه في التضبيط بتبان فيها و هي عربيه حلوه اصلاً بس في نفس الوقت البولونيز عربيه روعه و جميله جداً بس عيبها ان شكلها رخم شويه و صعب تلاقي صنايعي يعرف يضبطها سواء في الموتور او في الترويش الخارجي بس الاتنين حلوين و انا بسوق الاتنين كتير جداً و بصراحه الاتنين عيوبهم و مزاياهم متساويه بس نصيحتي الشخصيه اللي فيها تحيز .. هات 132

المشاركة الأصلية كتبت بواسطة nour2019

بص يا باشا انا معايا 132 موديل 79 1600 سي سي و بعيداً عن التحيز عشان عربيتي بس انا فعلاً بحبها و بتريحني و شكلها و ادائها قوي جداً و تاخد منك شغل متقولش لأ و بعدي بيها ال 150 كم مرتاح جداً و مفيش مشاكل و اي حاجه في التضبيط بتبان فيها و هي عربيه حلوه اصلاً بس في نفس الوقت البولونيز عربيه روعه و جميله جداً بس عيبها ان شكلها رخم شويه و صعب تلاقي صنايعي يعرف يضبطها سواء في الموتور او في الترويش الخارجي بس الاتنين حلوين و انا بسوق الاتنين كتير جداً و بصراحه الاتنين عيوبهم و مزاياهم متساويه بس نصيحتي الشخصيه اللي فيها تحيز .. هات 132

ما شاء الله 150!! اللهم لا حسد
هههه
أنا والله مش قصدي أحسدك لكن أنا معايا بولونيز وسقط فيها موتور 132 الـ 1600 سي سي بس محتاج طقم شنبر علشان كده مابعرفش أجري بيها جامد بس هي بتجيب معايا ساعات 120 بس دي أقصى سرعة جبتها لكن بإذن الله بعد ما أعمر الموتور وألينه وأقعد فترة أمشي بيها هختبر كفائته وأحاول اجيب به 150 كم لأني مشتاق لهذه السرعة
بس أدعوا لي أن لما أفتح الموتور مايكنش فيه بلاوي ويبقى تمام ويحتاج طقم شنبر بس.

المشاركة الأصلية كتبت بواسطة asaeed

ما شاء الله 150!! اللهم لا حسد
هههه
أنا والله مش قصدي أحسدك لكن أنا معايا بولونيز وسقط فيها موتور 132 الـ 1600 سي سي بس محتاج طقم شنبر علشان كده مابعرفش أجري بيها جامد بس هي بتجيب معايا ساعات 120 بس دي أقصى سرعة جبتها لكن بإذن الله بعد ما أعمر الموتور وألينه وأقعد فترة أمشي بيها هختبر كفائته وأحاول اجيب به 150 كم لأني مشتاق لهذه السرعة
بس أدعوا لي أن لما أفتح الموتور مايكنش فيه بلاوي ويبقى تمام ويحتاج طقم شنبر بس.

بص يا باشا انا ليا واحد صاحبي عامل نفس الحركه بتاعتك دي و مسقط في البولونيز بتاعته موتور 132 و 2 كامه و دلع و بجد روعه روعه روعه بس نصيحه مني لو الموتور فتح منك لا قدر الله و طلبت مصاريف متبخلش عليه عشان الموتور ده بالذات لما تديله يديلك اوي اوي و يقول معاك بس احساس جامد جداً انك تمشي ع السرعه دي في عربيه في ثبات عربياتنا سواء ال 132 او البولونيز و ان شاء الله ربنا يكرمك يا باشا و تضبطها و تجيب 200 كمان