الموضوع: محتاررررة اشتري ايه ...؟؟؟؟؟؟

معلش يا جماعة حأقول رأي فى الكوري وربنا على ماأقول شهيد!

العربيات الكوري والياباني لازم تلاقي شكلها بيتغير بعد سنتين أو ثلاثة!!!! بسبب كلبسات إكصدام بتقع من أي ترييحة ،تطبيقات خفيفة فى الصاج لأنهم بيستعملوا صاج أخف من الورق، وده لو إنت محافظ عليها زي عينيك ! بشكل عام العربيات دي كبودي مش تمام ووخفيفة جدا على السرعات وفى الحوادث والعياذ بالله! أنا مرة شفت إلنترا الجديدة - بعيد عننا جميعا - طايره منها الشنطة الخلفية بالكامل كأن حد قطمها زي الساندوتش! - عنصر الأمان شبه معدوم فى العربيات دي بشكل عام. ويمكن ده يكون بسبب الوكيل والله أعلم لأن العربيات دي فى أوروبا والدول المتقدمة مؤكد عناصر الأمان فيها مختلفة عن اللى عندنا.

بس قطع غيار رخيصة ومتوفرة ونعومة وتكييف شديد وصيانة شبه معدومة .

بالنسبة للتوكيلات .... توكيل هيونداي اللى في قليوب عامل زي السوق ... ليه.... الهيونداي بالذات عربية عددها كتير قوي فى مصر فتروح التوكيل تلاقي طااااااااااابور عربيات مستنية تخش وعيش حياتك بقي!!!!!!!!! ولازم تحجز قبلها بإسبوع .....وتاخد دورك وماينفعش تبص على العربية وهم شغالين فيها.

معرفش كيا أخبارها إيه بس أكيد لا يقارن (بمحطة بنزين ) أوبل اللى فى رابعة العدوية صاحبة الرقم القياسى على كافة المستويات صيانة/دون المستوي / خدمة عميل فقيرة/ عاملين عباقرة وهم لأ / إستهبال وإستعباط / شفط فلوس من غير لازمة / زحمة دايما وممكن عربيتك تتحك منك هناك وإنت واقف واللا مراية تطير ، ماهو إنت واقف فى محطة بنزين بقي!!!!.

ربنا يهدينا جميعا.

تقبلوا مرورى.

تحياتي.