محتاررررة اشتري ايه ...؟؟؟؟؟؟

**hariqa** · 20-04-2009 04:20 PM

السلام عليكم ....

اتمنى حد يفهمني او ينصحني ...انا عايزة اشتري عربية اوتامتيك صراحة معاية دلوقتي بحدود 35 الى 40 الف ج
كنت بفكر ادفع 35 قسط واشتري بيكانتو او i10 مع اني مبحبش الهاتش باك وفكرت بالفيرنا بس سعرها شوية اعلى
او ادفع كاش واشتري مستعمل كمان اوتامتيك وصراحة مو عارفة ارسي على رأي

افيدووووووووووووني

ولكم كل التقدير والاحترام

**shockoprinz** · 21-04-2009 02:31 AM

لو حاجة مستعملة أبعدي عن الأوتوماتيك عشان في المستعمل مشاكلة كتير ولو مصرة علي الأتوماتيك خليكي في الجديد أو عربية أقصي عمر ليها علي ألأرض 3 سنين وربنا يوفقك

**أحمد سالم** · 21-04-2009 03:34 PM

خليكى فى الجديد افضل
لاكن حاولى تصبرى شويه لغاية مانشوف ايه اخر نزول الاسعار
على الاقل كام شهر لغاية ماموديلات 2009 تصدى عند التوكيلات
وطبعا لازم يبيعوها علشان تنزل موديلات 2010

كمان ان شاء الله بعض اعضاء المنتدى هيتقابلو فى السوق يوم الجمعه القادم للتشاور فى عمليات الشراء واخذ الرأى والمشورة من بعضنا وكمان هيكوم معانا ناس متخصصه فى الكشف على العربيات
ممكن تقولى على طلبك فى المشاركة الخاصه بالمقابله فى السوق
واحنا لو لقينا عربيه كويسه هنحاول نجيبلك بياناتها ورقم تليفون صاحبها
وبالتوفيق ان شاء الله

**jisso82** · 30-04-2009 03:06 PM

أنا مع العضو المحترم اللى قاللك لو مستعمل بلاش أوتوماتيك عشان فعلا مشاكله هتبقى كتير ة بس لو مصرة أعتقد إن فى حدود المبلغ ده أحسن حاجة هتبقى السويفت

**akram2010** · 03-05-2009 07:03 PM

سيبك من الكلام دة كله خليكى فى الاتوماتيك وانتهى عصر المانيوال اليوم يا اختى زحمه الشوارع فى مصر والمحافظات تخليكى تركبى الاتوماتيك افضل مليون مرة من المانيوال . لعلمك المانيوال شلل ويتعب الرجل الشمال من كثرة التحميل عليها وصداع وانتى طالعه مطلع وامامك سيارات واقفه وتطفى منك العربيه يعنى صداع . وخليكى فى الهيونداى قطع غيارة رخيصه وتكيفه حلو

**besso33** · 05-05-2009 02:18 AM

اللأنوس وغيرها مفيش واتوماتيك اللأنوس وان حكاية وعن تجربة

**محمد فريد** · 05-05-2009 02:22 AM

المشاركة الأصلية كتبت بواسطة besso33

اللأنوس وغيرها مفيش واتوماتيك اللأنوس وان حكاية وعن تجربة

+111111111111
لانوس1 موديل 99 كورى 10/10 وفى الحدود بتاعه حضرتك

**akram2010** · 05-05-2009 03:31 PM

هيونداى ( اى 10) ممتازة وفى حدود 56 الف وسيارة عن تجربه سحب وتكييف حلوة وخديها من التوكيل اضمن وافضل والله يوفقك

**gogaa** · 06-05-2009 11:03 AM

أنا عربيتي هافي لوبو صيني2005 وحالتها كويسة جدا بس عاوزة ابيعها واجيب سيارة اكبر اوتوماتيك بس تكون في حدود 80.000 او 85000 بالكتير عشان أقدر اقسط في وقت قليل لأن قالولي ان عربيتي ماتجيبش اكتر من 30000 او 35000 بالكتير ححطهم مقدمة ممكن تقترحوا عليا اجيب عربية ايه؟