الموضوع: اخيرا لقيت حد بينضف رشاشات كويس وقريب

المشاركة الأصلية كتبت بواسطة Hossam_Hassan

رحت النهاردة نضفت الرشاشات عند الأسطى مدحت فى المعادى، الموضوع اخد ساعة و اتكلف 100 جنيه، انا مكنتش باشتكى من زيادة فى استهلاك البنزين، بس كان عندى حاجتين مضايقنى:

1 - رجة جامدة فى الموتور فى بداية الدوارة
2 - رعشة بتروح و تيجى فى الموتور على السلانسيه، يعنى تحس انه مش منتظم

المهم، بعد التنضيف العارضين اختفوا، اما سحب العربية فانا لسه ما حسيتش باى اختلاف علشان الطريق كان زحمة جدا، ان شاء الله بعد بكره راجع سومة باى و هقيس استهلاك البنزين و الاحظ السحب و ابقى اقولكم.

النهاردة فعلا حسيت بالفرق، أولا السحب بقى سلس، مش اقوى قوى بس الموتور بقى ناعم و بالتالى الاحساس بالعربية اختلف لدرجة ان مراتى افتكرت انى غيرت الكاوتش علشان العربية بقت انعم و مفيهاش الرجة اللى كانت موجودة قبل تنظيف الرشاشات.

النقطة الأهم هى استهلاك البنزين، انا نفسى اتقاجأت، علشان لما ركبت الكروز كنترول الشهر اللى فات، الصفيحة فى السفر بقت تعمل حوالى 270 كم بعد ما كانت حوالى 240 كم، النهاردة معدل الأستهلاك كان 335 كم فى الصفيحة ، بجد لغاية دلوقت مش مصدق، بس لولا انى مفول المرتين بايدى علشان اضمن الحسبة تبقى صح مكنتش كتبت الارقام دى بكل ثقة، و على فكرة كل الأرقام دى مع تشغيل التكييف و متوسط سرعة 110 كم.

طيب كويس طمنتنى

تمام يا باشا وشكرا للموضوع

يا جماعه أنا أخيرا روحت لللأسطى مدحت وطبعا فى الأول قولتله إنى من المنتدى والراجل رحب بيا جدا المهم أنا لسه راجع من عنده وحاسس ان سحب العربيه بقى أنعم بس طبعا مش حقدر أحكم على أستهلاك البنزين والصراحه ناس محترمه جدا وفاهمه شغلها
الأسطى مدحت كان ليه طلب أننا نعمل أعلان له فى المنتدى علشان الناس تعرف توصله بسرعه فأرجو إننا نحاول نشوف إزاى ممكن نلبى الطلب ده

بالمناسبه أسطى مدحت باعت السلام للأستاذ أحمد حامد والصراحه أنا بشكره على الموضوع الرائع ده

المشاركة الأصلية كتبت بواسطة elm3lem_youssef

يا جماعه أنا أخيرا روحت لللأسطى مدحت وطبعا فى الأول قولتله إنى من المنتدى والراجل رحب بيا جدا المهم أنا لسه راجع من عنده وحاسس ان سحب العربيه بقى أنعم بس طبعا مش حقدر أحكم على أستهلاك البنزين والصراحه ناس محترمه جدا وفاهمه شغلها
الأسطى مدحت كان ليه طلب أننا نعمل أعلان له فى المنتدى علشان الناس تعرف توصله بسرعه فأرجو إننا نحاول نشوف إزاى ممكن نلبى الطلب ده

بالمناسبه أسطى مدحت باعت السلام للأستاذ أحمد حامد والصراحه أنا بشكره على الموضوع الرائع ده

لا شكرعلى واجب يا باشا وبالنسبة للاعلان انا مش عارف اكلم له حد من المشرفين على المنتدى خالص علشان اسأله وقولتله ان شغله عامله الى احسن من الاعلان لان دى تجارب واقعية من الناس وده الى بيخلى الناس تروحله بس هو مصمم على الاعلان فياريت لو حد متابعنا من ادارة المنتدى يبعتلى رقم تليفونه او حتى يبعتلى رسالة فيها تكاليف الاعلان والحاجات المطلوبة علشان ابلغه بيها

المشاركة الأصلية كتبت بواسطة Dojuar

اعتذر عن تأخري في الرد بس السبب اني كنت عايز اجرب عربيتي اسبوعين كده عشان اتأكد

بس انا لا رحت لبتاع شبرا و لا بناع السيدة بس روحت لواحد تاني خالص بالصدفة و الحمد لله طلع محترم جدا و ظبطلي الاستهلاك.

ان شاء الله هاعمل موضوع بالصور عشان الاستفادة تبقى احسن, لان البنزين ممكن يتسرسب مننا اونطة.

طيب 100 100 مش مهم انهى واحد روحتله المهم انه يكون عملك شغل كويس وانك بقيت مبسوط ابقى وضح مكانه فى الموضوع بتاعك وتليفونه ان امكن علشان لو حد حب يروحله وشكرا للـFeedBack

المشاركة الأصلية كتبت بواسطة Dojuar

انا من كتر ما سمعت عنه حاسس انه هوا اللي هايظبطلي الكربراتير بتاعي

بس نفسي اعرف عنوانه ايه عشان دورت عليه في المنتدى و ملقتوش

لو قصدك على بتاع الكربراتير اللي في شبرا
هو اسمه الإبراهيمية
ومكانة في شارع متفرع من شارع الترعة بين شارع الترعة وشارع شبرا مش فاكر إسم الشارع بالظيط
لكن هو كان على الناصية بتاعة شارع الترعة سنيما ودلوقتى هدوها وبيبنو مكانها عمارة
عموما لو انت جاي من عند نفق شبرا كدة هتفضل ماشي في شارع الترعة لحد قبل ماتلاقي رصيف في النص قاسم الشارع يعني هو قبل الرصيف ده بناصيتين تقريبا
انا عارف انها وصفة ملخبطة بس لو عرفت اسم الشارع هبقى اقول