الموضوع: ### رابطه مالكى و عشاق الشاهين و الدوجان ###

المشاركة الأصلية كتبت بواسطة HRH_Sameh

ازيكو يا شباب:
امبارح نزلت القاهرة (التوفيقية) أشتري شوية حاجات للعربية لزوم الصيانة الدورية
رحت على كمال مهران على طول لأنه محل محترم (جنب مبنى جريدة الجمهورية) وجبت الحاجات دي:

* سير كاتينة تركي (ايزوران - دايكو) بـ 55 جنيه كان زمان علبة حمرا بس قالي هو هو


أنا هحتاج سير كاتينة قريب ... هغيره للأطمئنان فقط ... بس لما سألت توهت بصراحه لاقيت كذا نوع وخوفت اجيب حاجه مضروبة وتحصل مشاكل .... هوه ده انضف حاجه ؟؟ واضح انك مغيره قبل كده ... ياترى بقاله معاك كام كيلو ؟ ومجيبتش بلية شداد كاتينه كمان بالمرة ليه ؟

* بوجيهات بيرو فرنساوي (سألت عنده على NGK ياباني قالي مفيش وفي دي) ما اشترتهاش منه على اساس هلف لفه بس كل ماأسأل ملاقيهاش ولقيت محلات كتير بتقولي على النوع ده وناس تاني تقول الـ NGK فيه منه تقليد التقليد
لو حد جربها يقول رأيه هي بـ 40 جنيه





أنا مغير بوجيهات من شهر تقريبا ... والبياع ورانى النوع ده وقالى بيركبوه للمرسيدس بس فاكر ان سعره كان ارخص من كده فى 35 أو 38 أو أقل ...هوه محفور عليه الصناعه فرنساوى فعلا بس اللى قلقنى منه ان الطباعه اللى على الجزء الأبيض شكلها باهت ورديئ شوية فخوفت اجيبه يكون مضروب
وكان عنده الـ Ngk الأصلى والمضروب
طبعا الاصلى كان مغلف وشكله نضيف جدا

* جوان غطاء التاكيهات بـ 8 جنيه



أنا كنت شارى الجوان ده من سنة تقريبا بـ 8 جنيه بس الميكانيكى قالى رجعه علشان هيسرب زيت بسرعه وهات جوان تانى (فل على كاوتش) بـ 4 جنيه ومركبة فى العربية وبقالة سنة وزى الفل

* فلتر بنزين تركي بـ 5 جنيه


عندى واحد شبه ده بالظبط بس روسى بـ 4 جنيه

* فلتر زيت مصري بـ 13 جنيه


الفلتر المصرى طول عمره بـ 10 جنيه ... بس انا بجيب فلتر سعودى علبته بيضاء بـ 15 جنيه .. ياترى بتسيبه كام كيلو ؟

* فلتر هواء مصري بـ 18 جنيه



مغيرتوش ومعرفش عنه حاجه

* جلد مساحات بـ 10 جنيه (محدش يعرف اركبّها ازاي هي معاها حديدتين مع كل جلده) ومعلش مش باينة في الصورة بس واضح ان خامتها كويسة


أول ما جبت العربية كان جلد المساحات بايظ
قالولى الكاوتش ده بيتغير .. روحت اشترى قالى لازم تشترى المساحات بالدراع كامله كان فيه صينى بـ 25 جنيه وكورى بـ 45 جنيه تقريبا
روحت لواحد تانى بظروفها بسأله قالى انا بغير كاوتش المساحات قولتله ازاى والكاوتش ده متبرشم .. قالى عندى مكنة كبس فك الدراع واخده جوه ورجع بيه بكاوتش جديد بالحديدة بتاعته انما الدراع متغيرش طبعا.. وزى الفل بقوله اوعى يكون كاوتش المساحات ده صينى قالى لا صناعته تقريبا فلبينى وماشاء الله شغاله من اكتر من سنة ممتازة ولسه بحالتها .. غيرلى الاتنين بـ 14 جنيه
تقبلوا التحية والاحترام

التعليق داخل الإقتباس ...