الموضوع: ### رابطه مالكى و عشاق الشاهين و الدوجان ###

المشاركة الأصلية كتبت بواسطة Totexxxxx

ازيكو يا رجاله , انا هحكلكو قصه صغيره كده وعايز رأيكم ومتأسف مقدما علي تصديع دماغكم

العربيه كانت مركونه تحت البيت لمده تقريبا خمس ايام من غير ما اسخنها ولا احركها المهم جيت يوم باليل احاول ادورها مرضيتش مع وجود صوت المارش لاكن مش عايزه تدور , حاولنا نزقها ونجيب غيار لاكن ابدا , المهم جبنا كهربائي بص بصة قالي الكونتاكت ده بيهرب كهربا وراح جايب سلك حط طرف في افيز لونه ازرق تحت واحد احمر جنب الاسبراتير ووصل الطرف التاني بالبطاريه راحت العربيه دارت من اول مره , للاسف محاولتش اصلاح العيب واكتفيت اني اخد السلك من الكهربائي وده بسبب انشغالي المهم فضلت العربيه شغاله لمده 5 ايام وبعد كده واقف قدام نادي الشرطه وحلفت ما هي دايره روحت عاملت السلكه اشتغلت وقولت الحمد لله , وانا راجع البيت في نفس المشوار عملت معايا حركه نص كم خالص, وانا ماشي علي 60كم تقريبا واذا بالعربيه سرعتها تقل تدريجيا وبطريقه سريعه مع عدم استجابته لاي فعل انا بعمله ( تقريبا بطلت ) وراحت واقفه مني في طريق صلاح سالم ( وتقريبا والله اعلم شميت ريحه شياط خفيفه اوي بس انا مش متأكد من الموضوع ده) المهم عملت حركه السلكه ومشيت تاني بس لاحظت ان العربيه سحبها ضعيف جدا وزي ما تكون مش عايزه تجري خالص .

طبع المشكله دي بجانب موضوع العفشه وزي نشع زيت تقريبا علي الموتور مخليني مخنوق ومش عارف اعمل ايه في العربيه دي

دلوقتي نفسي حد يجاوبلي علي الاسئله دي : هل الكونتاكت يعمل كل الي فوق ده ؟ ولو حد يعرف سعره؟

هل موصوع نشع الزيت علي الموتور ده معناه ان في حاجة غلط؟ وايه هي؟

العربيه عامله تقريبا ميتين وستين الف هل ده معناه اني لازم اغير موتور ؟ لان العربيه سحبها ضعيف .

انا بفكر جديا اني ابيعها علي عيوبها دي وازود علي المبلغ الي هتجيبو واجيب عربيه زيرو في الصيف , الرأي ده مش عجبني عاطفيا لان العربيه معايا بقالها 14 سنه ومستحرم ابيعها , مش عارف انتو رأيكو ايه؟

والله انا عمري مكنت عملت post زي دي الا لو عارف ان انتو رجاله وبتحبو دايما تساعدو , الف شكر مقدما للمساعده

السلام عليكم

الكونتاكت ميعملش كل ده
ده اول اجابة !!
2-انت ممكن يعمل كده اكثر من حاجة ،، خصوصاً واضح أن حضرتك مش بتعملها صيانة اول بأول !!
ممكن البوجيهات !!
ممكن الدبرياج !!

و لكني شاكك بنسبة كبيرة في الأسبراتير نفسه ،، انه بححح :)) ضرب بسبب الحرجة دي !!

بالنسبة للزيت ده ،، ده طبيعي عند كل او معظم ملاك الشاهين

https://www.facebook.com/photo.php?f...type=3&theater

شوف الصورة دي !! دي أقرب صورة لموتوري عامةً،،

الغطاء الي باين يمين ده ،، غطاء التاكيهات ،، الترشيح بتاع الزيت من تحتيه بشوية كده ؟؟؟

لو كده يبقى طبيعي ،، ده جوان تاكيهات ،، و عموماً التنشيع بتاع الزيت ده ،، مش معناه حاجة ،، ده معناه جوان ،، و طار مع السلامة ،، أو بنشع زيت !! ،، و ده طبيعي في حالة عدم الصيانة أول بأول للعربية ،، او في حالة الكبس على الموتور كتير !!

260 الف كيلو كتير ،، أخبار الصيانة أيه ؟؟

ميتهيقليش الموتور شيع !!!! موتور الشاهين عفي جداً

المشاركة الأصلية كتبت بواسطة smsm_nabawy

أيوا ايوا

الي هيا شاهين sl ولا slx !!

أنا واحد قالي كده بردو !! بس لما سألت الميكانيكي ،، قالي الشاهين كان بينزل زمان 1400 و ال1300 و نزل منه كام موديل قديم 1600 !! و لكن بعد كده نزل كله 1400
و العربيات الي مكنها 1600 يا اما متسقطلها مكنة شاهين او تمبرا او دوجان 1600

يا اما حاجة من برا و دي نادرة !!

لكن الي بينزل عادي من المصنع بيبقى 1400

ده الي اتقالي من ال ميكانيكي

بص ياباشا ديه صور من الكتالوج
واضح ان فيه 3 موديلات

[img3]http://img407.imageshack.us/img407/159/img00188201202281126.jpg[/img3]
[img3]http://img403.imageshack.us/img403/8288/img00189201202281126.jpg[/img3]
هيه كل الحكاية ان 1400 أكثر انتشاراً