الموضوع: ### رابطه مالكى و عشاق الشاهين و الدوجان ###

المشاركة الأصلية كتبت بواسطة HOSAMSAMSOON

الف مبروك على الرابطة
خطوة جديرة بالتقدير و الاحترام
من اخوكم م/حسام كمال
مؤسس رابطة (رابطة الاسطورة فيات131)
http://www.nilemotors.net/Nile/showthread.php?t=67592

مرحبا بك فى الرابطه
و أشكرك عل ذوقك
و أرجو ان يحدث بين الجميع تبادل للمعلومات و الخبرات
أهنئك على مواضيع الكرونه انها مفيده جدا بالفعل

المشاركة الأصلية كتبت بواسطة فادى

أعتقد انو السيارة عيوبها الأساسية فى موضوع الثبات هو ارتفاع نقطة الثقل, كان من الأفضل تخفيض نقطة الثقل قليلا, حتى لو كان ذلك ميزة فى الطرق الوعرة.
ارتفاع نقطة الثقل و انخفاض وزن السيارة هو السبب فى ضعف ثباتها على الطرق السريعة, و طبعا انخفاض الوزن هنا ميزة كبيرة لأنها تجعل السيارة رشيقة فى المنحنيات و سريعة, لذا فان النقطة الوحيدة التى كان يجب معالجتها هى ارتفاع نقطة الثقل.
العيب الثانى هو ضعف العزل, و كان يجب مثلا وضع حوامل هيدروليكية للمحرك بدلا من الكاوتش, لامتصاص اهتزازات المحرك بشكل اكبر, و تدعيم المقصورة بشكل افضل من ناحية العزل الصوتى.

م.فادى
واضع انك شخص ذو معرفه و معلومات غزيره و فكرك مرتب وهذا واضح من تحليلاتك
و أهم من كل هذا انك مش بخيل فى مشاركه المعلومات و هذا شىء يجب تحيتك عليه
و هناك تساؤلات. هل لديك مقترحات او حلول لمشكله الثبات وتعديلات تساعد على تخقيض مركز الثقل و هل يمكن تركيب حوامل هيدروليكية للمحرك بدلا من الكاوتش و ما هى التعديلات المطلوبه ان وجد وهل هتفرق كتير فى العزل و ملهاش اثار جانبيه سلبيه؟
و شكرا

حرارة الموتور ...... في حد يا شباب جرب حل جديد لتخفيض حرارة الموتور ؟؟؟
انا جربت وغيرت المروحة الأوتوماتيك اللي بتشتغل بالترموستات بمروحة ركبتها علي طنبورة طرمبة المية زي ال 131 القديمة (كنت قريت هنا في المنتدي ان في ناس شغالة بيها كويس) لكن بصراحة انا حسيت انها كانت حمل علي الموتور وصوتها عالي بجانب انها غير عملية خصوصا في مشاوير وسط البلد اللي بنمشي فيها نسحف وكانت مشكلة لما فكرت أشغل التكييف الحرارة عدت ال 90 في ثواني مع العلم مياة التبريد خضرا وزيت شل جديد والموتور حالتة ممتازة جربتها لمدة ثلاثة أيام وفعلاً كانت كافية اني أرجع للميكانيكي واغير تاني وارجع للأصل وأركب المروحة الأوتوماتيك تاني اللي فعلاً أفضل خصوصا ان انا عندي سربنتينة التكييف في وش الردياتير لذق !!! هو صحيح مكان السربنتينة كدة مكانها صح ؟
هي دي تجربتي مع المروحة أرجو انها تفيد الشباب وتعالو نفكر مع بعض ف حل للحرارة انا متأكد ان مع خبرات شباب المنتدي ممكن نغلب الحرارة (: لأن من الواضح ان الصيف دة مش عادي !!!

تحياتي للجميع

يسعدني اني انضم معاكو لان كانت معايا شاهين 95 1300 سي سي وكانت عامله 119000 كم وكان والدي مشتريها زيرو من14 سنه لحد مابعتها في اخر 2008 ...وبصراحه انا قضيت معاها احلى ايام الطفوله لحد مابقيت اروح بيها الكليه ...والله انها كانت سليمه بنسبه 90% لما بعتها وكانت اعطالها نادره يمكن علشان كنا اول يد ...وبعتها علشان كنت اركب عربيه فيها الباور والتكييف والاوتوماتيك ولولا كده مكنتش بعتها ابدا ...وكان عيبها الاساسي ضعف المحرك (1300 سي سي ) لدرجه اني مره في جراج سيتي ستارز معرفتش اطلع المطلع بتاعه علشان كنت مركب ناس معايا !!!!!! وكان منظر بايخ اوي ...ويسعدني اني اجاوب على اي استفسار فيها (يكون في مقدرتي اني ارد عليه )

عربيتى شاهين 1999 1400cc
تكييف -باور-سنتر 72000 ك
فابريقة برة و جوة عايز أشدها سمكرة و دوكو علشان البوية بتاعتها بهتت طبعا
عاوز نصيحة لوحهة الله اروح بيها التوكيل و لا أشوف حد برة

المشاركة الأصلية كتبت بواسطة Sherifmt

حرارة الموتور ...... في حد يا شباب جرب حل جديد لتخفيض حرارة الموتور ؟؟؟
انا جربت وغيرت المروحة الأوتوماتيك اللي بتشتغل بالترموستات بمروحة ركبتها علي طنبورة طرمبة المية زي ال 131 القديمة (كنت قريت هنا في المنتدي ان في ناس شغالة بيها كويس) لكن بصراحة انا حسيت انها كانت حمل علي الموتور وصوتها عالي بجانب انها غير عملية خصوصا في مشاوير وسط البلد اللي بنمشي فيها نسحف وكانت مشكلة لما فكرت أشغل التكييف الحرارة عدت ال 90 في ثواني مع العلم مياة التبريد خضرا وزيت شل جديد والموتور حالتة ممتازة جربتها لمدة ثلاثة أيام وفعلاً كانت كافية اني أرجع للميكانيكي واغير تاني وارجع للأصل وأركب المروحة الأوتوماتيك تاني اللي فعلاً أفضل خصوصا ان انا عندي سربنتينة التكييف في وش الردياتير لذق !!! هو صحيح مكان السربنتينة كدة مكانها صح ؟
هي دي تجربتي مع المروحة أرجو انها تفيد الشباب وتعالو نفكر مع بعض ف حل للحرارة انا متأكد ان مع خبرات شباب المنتدي ممكن نغلب الحرارة (: لأن من الواضح ان الصيف دة مش عادي !!!

تحياتي للجميع

شكرا لطرحك موضوع حراره الموتور وتجربتك معاه
تجربتى مع حراره الموتور مرت بثلاث مراحل كالتالى
اول مرحله:
الللى اشترت منه العربيه كان مركب مروحه على الكرنك ولم يصل المروحه الأتوماتيك فكانت الحراره لا تتعدى 70 معظم الأحيان
ثانى مرحله:
قررت تركيب تكييف فتم تغيير الطامبوره من على الكرنك و أصبح المكان ضيق على المروحه اللى كانت راكبه على الكرنك
ثم حدث فى يوم بسبب وجود الصداء بكثره فى الرايدياتير ان مع تشغيل التكييف أصبحت العربيه بتسخن جدا مع ان المفروض العكس لأنى طلبت من فنى التكييف ان مروحه تبريد العربيه تكون شغاله طول ما التكييف شغال وكان التكييف أداءه ضعيف جدا
رحت غاسل دوره تبريد و استعملت مياه خضراء سعودى فحدث ان الأحوال بقت زى الفل تبريد الموتور والتكييف ولكن اليه الخضراء ازالت الصداء الموجود داخل دوره التبريد وكشفت كل الأماكن اللى بايظه من الصداء واصبحت المشكله هى الأماكن التى بها تسريب للماء و كنت كل يوم أزود ميه
الرحله الثالثه:
وعلى ما سبق تم تغيير 4 طبب الموتور و ماسوره بكوع مش فاكر بتاعه ايه و لحام وتقفيل الرادياتير و هو الأصلى بتاع العربيه و تغيير طلمبه المياه
وكل حاجه من الحاجات دى كان ليها وقتها و فلوسها و خسائرها
و الآن أشكر ربنا كل شىء تحت السيطره ودوره التبريد تمام والعربيه مش بتسخن ابدا زى الأول
و مروحه التبريد الأصليه كفايه جدا عليها الى الآن