الموضوع: ### رابطه مالكى و عشاق الشاهين و الدوجان ###

المشاركة الأصلية كتبت بواسطة mohamed_hegazy

انا عرييتى شاهين 1600 - 2007 ويسعدنى الأنضمام - وعلى فكره العربيه مناسبه جدا للطرق - استهلاك البنزين معقول حوالى 200 ك الى 220 جوة وبرا البلد - الزيوت كنت بيحط موبل xhp وغيرت ل اسو اكسترا والأمور ماشيه كويس الحمدلله .

اهلا و مرحبا بك
وعلى فكره انا بحط لعربيتى زيت التعاون 5000 كم او مصر للبترول 5000 كم
و مش حاسس بفرق
و اهلا بيك

انضم معاكم بصفتى معايا شاهين 2007 1400 سىسى وهى العربية زى الفل مريحنى جدا والسحب

هلا والله ومليون مرحبا منور الرابطه

مبروك على الرابطة يا شباب ( معلش جت متأخرة شوية بس better late than never )
اسمحولي أنضم ليكم يا شباب
أنا جديد في نايل موتورز هنا , وأتمنى تقبلوني في الرابطة معاكم
انا عندي شاهين 1999 , 1400 سي سي , اسم الشهرة ( فوزية )
بصراحة العربية جميلة جدا , و حمالة قسية لأقصى درجة , مريحة إلى ما , و استهلاكها في البنزين كويس جدااا
أضطريت أغيرلها السوست الخلفية عشان لما كان بيقعد أكتر من واحد ورا , يبقى كل مطب لازم يسلم على بطن العربية , ركبتلها سوست 131 و ركبتلها جنوط و كاوتش عريض ( ولسة في شغل كتير ناوي أعمله بس بعدين إن شاء الله )
مميزات الشاهين كتير و الناس عارافاها و انا قلت بعضها
لكن من عيوبها :
- الشكل , للأسف مضلعة شوية ( تقدر تقول كرتونة بس ليها كبوت و شنطة )
- القوة , هندسة صناعة الموتور رديئة شوية , لأن الموتور ال 1400 في شركات تانية قدرت تطلع منه هورس باور أكتر من كدة بكتير ( يعني عندي العربية اخرها 130 و تلاقي الموتور عمال بشتم من تحت الكبوت , ولو زودت ممكن يفتح الكبوت و يطلع يضربني) .
- تصميم التابلوه و الصالون الداخلي ( بلاش تفاصيل في الحكاية دي عشان فوزية ما تزعلش مني ).
لكن غير كدة , انا بحب العربية دي جداااااااا , و إن شاء الله تشوفوها قريب , في موضوع على المنتدى بعد ما أشدها .

و بالمناسبة ليا سؤال : لو عايز أحسن فرامل العربية بأني أجيب أجزاء أحسن أجيب ايه ( يعني أجيب طنابير مخرمة مثلا ولا عادية بس من نوع معين ) , و من أي نوع ( أسماء الماركات ) , و منين , و بكام ؟

تحياتي لكل أعضاء الرابطة

المشاركة الأصلية كتبت بواسطة the_black_knight

مبروك على الرابطة يا شباب ( معلش جت متأخرة شوية بس better late than never )
اسمحولي أنضم ليكم يا شباب
أنا جديد في نايل موتورز هنا , وأتمنى تقبلوني في الرابطة معاكم
انا عندي شاهين 1999 , 1400 سي سي , اسم الشهرة ( فوزية )
بصراحة العربية جميلة جدا , و حمالة قسية لأقصى درجة , مريحة إلى ما , و استهلاكها في البنزين كويس جدااا
أضطريت أغيرلها السوست الخلفية عشان لما كان بيقعد أكتر من واحد ورا , يبقى كل مطب لازم يسلم على بطن العربية , ركبتلها سوست 131 و ركبتلها جنوط و كاوتش عريض ( ولسة في شغل كتير ناوي أعمله بس بعدين إن شاء الله )
مميزات الشاهين كتير و الناس عارافاها و انا قلت بعضها
لكن من عيوبها :
- الشكل , للأسف مضلعة شوية ( تقدر تقول كرتونة بس ليها كبوت و شنطة )
- القوة , هندسة صناعة الموتور رديئة شوية , لأن الموتور ال 1400 في شركات تانية قدرت تطلع منه هورس باور أكتر من كدة بكتير ( يعني عندي العربية اخرها 130 و تلاقي الموتور عمال بشتم من تحت الكبوت , ولو زودت ممكن يفتح الكبوت و يطلع يضربني) .
- تصميم التابلوه و الصالون الداخلي ( بلاش تفاصيل في الحكاية دي عشان فوزية ما تزعلش مني ).
لكن غير كدة , انا بحب العربية دي جداااااااا , و إن شاء الله تشوفوها قريب , في موضوع على المنتدى بعد ما أشدها .

و بالمناسبة ليا سؤال : لو عايز أحسن فرامل العربية بأني أجيب أجزاء أحسن أجيب ايه ( يعني أجيب طنابير مخرمة مثلا ولا عادية بس من نوع معين ) , و من أي نوع ( أسماء الماركات ) , و منين , و بكام ؟

تحياتي لكل أعضاء الرابطة

أهلا بك فى الرابطه
انا من رأى ان فرامل الشاهين معقوله جدا و من الأفضل انك متعدلش فيها لأن لايوجد هنا ورش تقوم بذلك و تعمل الشغل صح
فالأفضل تعمل صيانه و متابعه صحيحه لدوره الفرامل
فرامل تريكس فرامل سمعته كويسه و فى محل اسمه فيات2000 جنب جريده الجمهوريه فى شارع رمسيس هتلاقى عندة نوعيه كويسه فى حدود 40 ج للأماميه و وحوالى 90 ج للخلفيه
و ربنا يهدى سرك انت و فوزيه

المشاركة الأصلية كتبت بواسطة ahmed elsherif

يسعدني انضم معاكم لرابطه الشاهين ... انا معايا شاهين 2007 1400cc ومريحاني جدا الحمد لله وعيبها الوحيد التكييـــــــــــــــــــ ــــــــــــف

اهلا بيك ومليون سهلا منور الموضوع
يا ترى ما هى مشكله التكييف و حاول تشرح الموضوع بشىء من التفصيل لعل حد من الأعضاء يكون عنده حل

انا عندى شاهين 1600 موديل 2005
العربية حلوة معايا بس عيبها الوحيد انها بتسخن حتى فى الطوالى مع العلم ان الحرارة لا تتعدى حوالى 95
العربية انشكشن و استهلاكها فى البنزين كويس
ارجو الرد و المساعدة