اول امبارح كنت ماشى بالعربيه فى شارع شبرا و دخلت على تقاطع و وقفت من غير ما ادوس دبرياج و العربيه بطلت
و كنت مشغل التكييف و الكاسيت و كان عز الظهر و طفيت كل حاجه و حاولت ادور العربيه ما دارتش و فضلت على الحال ده خوالى
5 دقائق وبعد كده حاولت ادورها دارت و بعد ما وصلت كلمت الكهربائى قاللى ثعلى نكشف على شحن الدينامو و البطاريه مع العلم انها بطاريه جديده و قلت بالمره اغير علبه الفيوزات لأن نور التابلوه مبينورش الا لما اضغط و اهز علبه الفيوزات
المهم ضيعت 3 ساعات من الساعه 12 الى 3 بعد الظهر على رجلى فى البحث عن علبه اصليه و رحت فيات2000 و عرض عليا علبه مكتوب عليها ماكو و انها تركى و المفروض ان دى هى الأصليه و لكن مظهر العلبه يفول للأعمى انها مضروبه حتى ان الماركه تحس انها مكتوبه على حته كان عليها كتابه و اتمسحت وكان ثمنها 225 جنيه وفاللى البائع انها الأصليه و لايوجد غيرها
المهم سبته و رحت لجمال مهران عرض عليا علبه فيوزات ماركه sgr و ثمنها 150 جنيه و تركى ولكن انا عرفت انها مضروبه من فيوزاتها و قعدت الف فى سوق التوفيقيه مش لاقى علبه أصليه توحد الله
المهم رحت للكهربائى و قلت له راجع على الشحن فراجع عليه من غير التكييف لقاه مضبوط و قاللى شغل التكييف لقى ان التكييف واخد 50% من البطاريه
كشف على السلونيد لقله مش شغال
رحت جبت ميكانيكى جنبه علشان يراجع الوضوع ده و كشف على على الكربيراتير قاللى الرداغ بتاع الجفرنر مخروم علشان كده مفيش شفط هواء من السلونويد فقام بتغيير الرداغ و عمل مشترك علشان الجفرنر يكون بروحين واحده للتكييف و واجده للشفاط
و صلح كمان حساس السخان و كانت اول مره اعرف ان فيها سخان لأنى كنتفاكر ان فيها شفاط بس للتسخين و ان السخان موجود فى ال1600 سى سى بس و حساس السخان ب 35 جنيه الأيطالى زى ماهو مكتوب على العلبه و الرداغ بالمصنعيه و المشترك 40 جنيه وكده العربيه بتعلى ساعه ما اشغل التكييف و الدينامو يشحن البطاريه و ساعه ما ادور الصبح السخان يعلى العربيه لحد ماتسخن و بعد كده العربيه تهدا تانى و ذلك بدون استخدام الشفاط
اما علبه الفيوزات فخليت الكهربائى يفك العلبه الأصليه اللى فى العربيه و ينظفها و يراجع لحاماتها ويصلحها و بقت تمام و اخد 30 جنيه بعد ما زود شويه فيوزات
و كان يوم مرهق و لكن النتيجه الحمد لله
المفضلات