الموضوع: هيونداى اتوس 2009

سعادة الباشا الوزير
الالتو تجميع هندى وفعلا سعر الفول اوبشن غالى ، البيكانتو والi10 احسن
البيكانتو والi10 وجهين لعملة واحدة ولكن الi10 اجمل من جوة لانها i
البيكانتو عجلها اكبر والموتور والشاسيه وقطع الغيار واحد لانها برة شركة واحدة
ايوة كيا وهونداى فى كوريا شركة واحدة واحنا عندنا فى هونداى القطعه مدموغ عليها علامة الشركتين
العربيتين 66 حصان الi10 كانت بتنزل هاف اوبشن ب60 و62 الف ، يعنى شيلها واتكل على الله ، هى تجميع هندى ولكن اللى جربهوها قالوا انها تحفة ومتظبطة قوى قوى ، البيكانتو زيها ولكن i10 اجمل من جوة
لك الخيار ولا افضل لك سوزوكى التو

المشاركة الأصلية كتبت بواسطة memes

صدقنى اى10 او بيكانتو افضل

+100000000000000000000000000000000000

و ان كنت شايف ان البيكانتو اصبحت خارج نطاق المنافسة علشان مغليين سعرها 5000 جم عن ال I10 رغم ان كمالياتها اقل!!!

المشاركة الأصلية كتبت بواسطة memes

او ممكن تستنى الالتو الجديده (شبه البيكانتو)

دى لو نزلت هتبقى غاليه جداااا يعنى احتمال اغلى من I10 و بيكانتو,, و الغريب ان فى الهند اعطوا تقييمات اعلى لل I10 و قالوا انها اوسع و محركها افضل.. يعنى هيونداى بجد ابدعت لما صممت العربية دى مقارنة بفئتها. تحياتى

فعلا الالتو هندى و بتخرج من مصنع ماروتى سوزوكى الهند.. و لو المبلغ معاك استحاله يزيد يبقى خليك فى السبارك.. اكيد افضل من الالتو,, لكنى قريت عنها فى المنتدى انها بتحك فى المطبات لو محمله.. انا بنصحك تعمل بحث عنها فى منتدى الشيفروليه.

انا فى رأيي الالتو ال 1100 كتيير عليها السعر ده.. الالتو ال 800 هى الحل الامثل فى حدود 45,000.

ربنا يوفقك فى الاختيار ان شاء الله

والله يا شباب مش عارف اقولكم ايه بجد انتو ناس محترمين اوى بتساعدو اى حد من غير متعرفوه بجد جزاكم الله خيرا
بالنسبه للالتو هما نزلوا سعرها من 60000 الى 55000 يمكن عشات عارفين ان الشكل الجديد خلاص هينزل
اما الاسبارك انا فعلا شوفتها عربيه حلوه بس الناس خوفونى من منصور شيفروليه وقالولى انه غالى قوى وكمان هينزل منها شكل جديد اخر هذه السنه
وكمان انا سمعت ان الهيونداى اى 10 تقفيل هندى بردو
بجد موضوع شراء عربيه ده موضوع صعب قوى ... وعلى فكره يا شباب كل العربيات هترخص فى اول 2010 بنسبه 15% من 40% المتبقيه من الجمارك ده اللى قالهولى واحد صاحبى وكيل نيابه
بصراحه مبقتش عارف اعمل ايه هل استنى ل 2010 عشان الموديلات الجديده وانخفاض الاسعار واعانى من حر هذا الصيف ام ماذا افعل ؟؟؟؟؟؟؟؟؟؟؟؟؟؟

المشاركة الأصلية كتبت بواسطة fayton

والله يا شباب مش عارف اقولكم ايه بجد انتو ناس محترمين اوى بتساعدو اى حد من غير متعرفوه بجد جزاكم الله خيرا
بالنسبه للالتو هما نزلوا سعرها من 60000 الى 55000 يمكن عشات عارفين ان الشكل الجديد خلاص هينزل
اما الاسبارك انا فعلا شوفتها عربيه حلوه بس الناس خوفونى من منصور شيفروليه وقالولى انه غالى قوى وكمان هينزل منها شكل جديد اخر هذه السنه
وكمان انا سمعت ان الهيونداى اى 10 تقفيل هندى بردو
بجد موضوع شراء عربيه ده موضوع صعب قوى ... وعلى فكره يا شباب كل العربيات هترخص فى اول 2010 بنسبه 15% من 40% المتبقيه من الجمارك ده اللى قالهولى واحد صاحبى وكيل نيابه
بصراحه مبقتش عارف اعمل ايه هل استنى ل 2010 عشان الموديلات الجديده وانخفاض الاسعار واعانى من حر هذا الصيف ام ماذا افعل ؟؟؟؟؟؟؟؟؟؟؟؟؟؟

بص هو يمكن فعلا يكون فى انخفاض فى الاسعار.. بس لو انت فى احتياج شديد للعربية و هتوفرلك و تريحك توكل على لله و هاتها.. انا اشتريت ال I10 ب 60,000 و كانت فى عرض و بعدها نزلت 56,500 و زادت تانى لحد 58,500 الان ف مفيش حاجة مضمونة.

لو مقلق من السبارك.. اتوكل على الله و هات الاتوس لو نفسك مش مسدودة منها و اسأل على قطع غيارها علشان تبقى مطمئن,, و بجد عربة محترمة جدااااا و فى الهند ليها شعبية كبيرة و بيفضلوها عن الالتو و مفيشمنها اى مشاكل على الاطلاق+ ان سعرها معقول.

اما البيكانتو الفاضيه.. فده هبل ان واحد يجيب عربية ب 56000 جم بدن تكييف او باور (يعنى عذاب) و بدون اى نوع من انواع الراحة علشان ياخد منها شكل كويس؟؟؟ حرااام

بالتوفيق