الموضوع: خلاصة الكلام فى موضوع الكورى .....

كلام حضرتك 10/10 ... و نفس الكلام ينطبق عالماليزي كمان في رأيي :)

المشاركة الأصلية كتبت بواسطة Hosam_Optrawy

انا معاك وحاسس بيك
بس هتعمل ايه دى طريقة تفكير وثقافه
ان دايما اليابانى احسن مهما كان ومهما حصل وايا كان نوع العربيه
طب ليه يا عم الحاج ؟
يقول اليابانى معمر اكتر واحسن فى الخامات والتكنولوجيا
دلوقتى الكورى اتطور جدا فى التكنولوجيا والمواتير وتصميم العربيات وشكلها
ممكن يكون عندهم حق فى ان اليابانى يعيش اكتر وخاماته احسن
بس فرق الفلوس مايستاهلش
يعنى لو انا معايا 150 الف
ممكن اجيب بيهم سيفيك او كورولا او مازدا او شارك
لكن انا شخصيا هاجيب نيو سيراتو وأوفر الباقى
هتقولى ليه ؟
هقولك عشان السيراتو هتيدينى كل اللى انا عايزه وبفرق فظيع فى الفلوس
عشان يبقى عندى كماليات السيراتو فى اليابانى هدفع 188 فى السيفيك و 155 فى الشارك و 160 فى الكورولا و 145 فى المازدا
طب ليه ؟؟؟

انا معاك %100 فى موضوع الفلوس دة ,,
بس ناس قليلة اوى التعمل الحركة دى
و احب اقولك ان الموضوع دة مش فى العربيات الرخيصة بس ,,
دة الموضوع دة كمان موجود فى العربيات الغالية ,,
يعنى اى حد هنا فى مصر يبقا معاه نص مليون يبقا بيختار مابين ال BMW او المرسيدس ,, تقولو بص على الvolvo ,, لأ ,, بص على الAUDI ,, لأ ,,طب ال citroen ,, لا لا لا.
و اليقرر يجيب عربية بمليون ,, ياريته بقا بيختار بين المرسيدس و الBMW ,لأ,, دا بيختار بين الS500 و الفئة السابعة ,, يا جماعة فكروا و بصو على كل حاجة

المشاركة الأصلية كتبت بواسطة momenhamdy

طبعاً كلامك 10/10 و مؤيد ليه جداً

بس المشكله حضرتك ان كل واحد بيقتنع ببلد منشأ معين تمام
ولكن هو بيفرض علي الاشخاص الاخرين ان اختيارهم غلط وهو اختار الصح من هنا بيجي الخلاف
و لكن انا مقدرش اقنع الناس ان الالماني افضل حاجة لان في ناس بتحب الياباني و ناس تانيه بتحب الكوري

ولكن المشكله هي فرض الرأي و التعصب انا مثلاً بحب الياباني او الالماني مجيش بأ و اعيب في الصناعه الاخري زي الكوري علشان انا متبرمج ان الياباني و الالماني افضل او اني مش عايز اكون مؤمن ان الناس دي ممكن توصل للالمان و اليابان في التقدم و بالفعل هو قدروا بقوه كبيره ينافسوا اليابان و خصوصاً في اسواق الخليج

ولكن في النهايه احب اوضح لحضرتك الي حد كبير هذه الثقافه بدأت في الانهيار و الدليل علي كلامي حضرتك انزل شوف نسبه العربيات الكوري الي الياباني و الالماني اد ايه ؟؟
و ياريت محدش يرد عليا يقول اصلها عربيه رخيصه ( مع كامل احترامي للي ممكن يقول الرأي دا العربية الكوري مش رخيصه ممكن بأ يكون جشع من الوكلاء سرقه دا مش الهدف من الموضوع المطروح امامنا )

و تحياتي اخي الفاضل علي الموضوع

طبعا كلام حضرتك مظبوط و نسبة الكورى عليت ,, بس انا عايز اعرف امتى هينتهى الموضوع دة ,,
طب يعملولهم ايه بعد التحفة الجديدة الايمها كيا نيو سيراتو ,, حضرتك اليابانى اول لما نزل كان عامل زاى الصينى دلوقتى بظبط

المشاركة الأصلية كتبت بواسطة samoevil911

حضرتك كلام ايه اللي بتقولوا دا ..
كوري ايه
معلش الكوري دا هو القادم
الناس اللي بتتكلم تبص علي مودلات الكيا الجديدة ..معلش دي تحف نزلة ..
كيا علي مدا ال 5 سنين الجية او 10 هتبقي من افضل السيارات .. الشركة بتنمو بسرعة عالية اوي ..
انتي حوار ان الوري وحش.. الناس دي لسه عايشة من 5 سنين كدا

مؤيد جدا ,, و العايز يتأكد يخش يشوف العربيات الconcept بتاعت كيا و هيونداى

المشاركة الأصلية كتبت بواسطة SuccessCre8or

كلام حضرتك 10/10 ... و نفس الكلام ينطبق عالماليزي كمان في رأيي :)

طبعا الماليزى موثوق فى الحد كبير بالنسبة لسعره التحفة طبعا ,,
بس الماليزى اشكاله بقة قديمة شوية و محتاجة لتغيير

المشاركة الأصلية كتبت بواسطة Migo123

طيب لو كماليات السيراتو ب 126 تجيب مازدا 3 نفس الكماليات ب 134 .... يعني الفرق 8 الاف جنيه فقط تجيب مين فيهم ؟؟؟؟

مش نفس الكماليات ،، السيراتو اكتر

و المازدا 3 شكل قديم ،، الشكل الجديد علي نزول