الفرامل يتكون تعبانه علي السرعات العاليه...

**3mr Farrag** · 21-09-2007 05:58 PM

و الله انا حاسس شويه بكده :lol:
بس بجد انا بقيت اخاف ادوس فرامل جامد علي السرعات العاليه ....بحس ان الفرامل هتفك فجأه
مع العلم اني ساعات بجيب 170.....ده عادي انها متكونش كويسه علي السرعه ديه ...و لا ذي ما قال لي احمد1981.....
و اخير اقول ان العربيه كده من اول ما جبتها جديده

**3mr Farrag** · 21-09-2007 06:00 PM

نسيت اقول كمان اني بشم ريحه شياط لما بدوس فرامل جامد و انا فوق ال 150.....

**ahmed1981** · 21-09-2007 06:05 PM

المشاركة الأصلية كتبت بواسطة 3mr Farrag

نسيت اقول كمان اني بشم ريحه شياط لما بدوس فرامل جامد و انا فوق ال 150.....

الفرامل على السرعات العالية بتاكل تيل العربية جامد
وطالما مشيك كتير على سرعات عالية يبقى تكشف عليه على مدد متقاربة
المفروض إنه لو سليم ميطلعش ريحة شياط أبداً ؟؟
يمكن التيل القديم وحش ؟؟ الله أعلم ؟؟
إكشف عليها أحسن

**3mr Farrag** · 21-09-2007 06:08 PM

ان شاء الله هشيك عليه
ديه الفرامل من اهم حاجه في العربيه :?

**3mr Farrag** · 22-09-2007 04:56 AM

طيب حد يعرف ميكانيك كويس يشوفهالي.....اصل بصراحه مش بحب اعود اجرب ميكانيكيه و يوعودوا يألفوا....و ياريت حد قريب مني ....انا ساكن في الهرم
و شكرا

**Adham** · 22-09-2007 01:08 PM

المشاركة الأصلية كتبت بواسطة 3mr Farrag

نسيت اقول كمان اني بشم ريحه شياط لما بدوس فرامل جامد و انا فوق ال 150.....

يبقى انت التيل عندك وحش

او بتستعمل نوع تيل سيء

اشتري تيل أصلي

**Adham** · 22-09-2007 01:15 PM

الا قوللي هي طنابير الفرامل الامامية عندك مهواه و للا مصمطة

يعني لما تبص على سكينة طنبورة الفرامل من سنها تلاقي فيها فتحات للتهوة كدة مخلية شكلها من الحرف زي التوربينة او الترس ؟؟

لو مش كدة يبقى غير الطنبورتين دول و هات طنبورتين مهواه

و لو الطنابير عندك فيها ريجة يعني مدرجه مش سطحها املس بيبقى غير الطنابير برضة

**شريف** · 26-09-2007 05:54 PM

والله ياعمرو أنا عندى الشاهين مشكلتها ان الفرملة صعبة شوية على السرعات العالية ولكن مظبوطة يعنى مفيش ناحية بتفرمل اكتر من الثانية ولا حاجة بس بتبقى صعبة شوية نظرا لسرعة السيارة

1+

**شريف** · 26-09-2007 05:58 PM

وظيفة السرفو هو مساعدت رجلك في الدوس على بدال الفرامل

سؤال عايز اعرف اجابتو من زمان هى الشاهين فيها سيرفو؟

**MMamdouh** · 26-09-2007 07:48 PM

المشاركة الأصلية كتبت بواسطة Adham

المشاركة الأصلية كتبت بواسطة 3mr Farrag

نسيت اقول كمان اني بشم ريحه شياط لما بدوس فرامل جامد و انا فوق ال 150.....

يبقى انت التيل عندك وحش

او بتستعمل نوع تيل سيء

اشتري تيل أصلي

1+

اتاكد ان التيل بتاعك صناعة كويسة... الخامات الرديئة مبتستحملش الحرارة

اتاكد ان الطنابير مفيهاش ريجة او عالى و واطى... و حسب ما اعلرف ان الاكسنت فيها طنابير مهواه و دى مبينجحش فيها الخرط و لازم تتغير

اما موضوع الحدفه ممكن يكون مساعد مش كويس لان على سرعة عالية مع فرملة بيبقى الحمل كبير على العجلات الامامية و لو فى مساعد وحش العجلة مش حتمسك فى الارض كويس و تخلى العربية تحدف ناحية العجلة اللى المساعد بتاعها كويس.

لو الموضوع فى الاساس ضعف فرامل يبقى امشى ورا نصائح الاخواة الافاضل لانها الاسباب الارجح لضعف الفرامل اما لو الموضوع حدفة و بس يبقى راجع الزوايا و المساعدين

كمان لو فى هوا فى عجلة و عجلة لا ممكن تسبب حدفة ناحية العجلة اللى مفيهاش هوا و كمان ضغط الكاوتش بيفرق فى الفرمة بس دة بيفرق فى المشى العادى كمان

MMamdouh

الموضوع: الفرامل يتكون تعبانه علي السرعات العاليه...

LinkBack

أدوات الموضوع

عرض

-

-

-

-

-

-

المواضيع المتشابهه

العربيه بتنتش على السرعات العاليه

....* فى جرب النيسان صنى على السرعات العاليه

ثبات الماتريكس فى السرعات العاليه

هل الالنترا ثابته فى السرعات العاليه ؟؟؟؟؟؟

يووووة السيراتو بتصفر ليه على السرعات العاليه !!!!؟؟

الكلمات الدلالية لهذا الموضوع

المفضلات

المفضلات

ضوابط المشاركة