مساعده ضروريه لو سمحتم جميعا في العفشه

**cheetos_892005** · 28-04-2009 05:54 PM

يا جماعه كنت عايز اسالكو طقم مساعدين جداد بكام والاستيراد بردو وانهي فيهم احسن واحسن نوع ايه في واحد قالي الاسباني و الايطالي وبسمع عن فنلاندي بردو ولو ينفع المونرو بردو بكام؟ و اجيبهم منين؟العربيه فيات 131 موديل 1984 ارجو المساعده عاجلا عشان عندي المساعدين قدام نشفوا جدا واسمع ان ليهم اثار مش كويسه وانا طريقي محور وبتعوم شويه بعد ال 100 كم/ساعه بس لو فيه هوا جامد بحس ان انا في مراجيح مع العلم ان الحمد لله المقصات و الجلب وكلو تمام وفيه شويه شخشخه في العفشه من ورا بردو لو في حته مكسره انا والدي كان بيتعامل مع (طاهر الدخاخني في شبرا الخيمه)لو حد عرفه هل هو كويس ولا تنصحوني بحد تاني احسن ؟؟ظ وشكرا
رد باقتباس

**cheetos_892005** · 29-04-2009 07:13 PM

في ايه يا جماعه مفيش ردود ليه ؟

**aYaBooY** · 30-04-2009 09:53 AM

بص هو فكرة المساعدين الاستيراد انا مش بحبها رغم اني كنت بستخدمها ايام العربية القديمة
بس انت لو تقدر تجيب جوز جداد يكون افضل
اما موضوع النوع مش هأدر افيدك اوي
و موضوع العومان ده انت كدة محتاج طقم جلد ميزان مع المساعدين

**cheetos_892005** · 30-04-2009 01:00 PM

المشاركة الأصلية كتبت بواسطة aYaBooY

بص هو فكرة المساعدين الاستيراد انا مش بحبها رغم اني كنت بستخدمها ايام العربية القديمة
بس انت لو تقدر تجيب جوز جداد يكون افضل
اما موضوع النوع مش هأدر افيدك اوي
و موضوع العومان ده انت كدة محتاج طقم جلد ميزان مع المساعدين

شكرا لرد حضرتك

**lancer2006** · 01-05-2009 05:26 AM

انا من راى الجديد افضل بردو وحاجة مضمونة غير الاستيراد لان اهم حاجة العفشة فى العربية ومينفعش فيها اى تهاون

**Lion_Heart** · 05-05-2009 01:20 PM

المشاركة الأصلية كتبت بواسطة cheetos_892005

يا جماعه كنت عايز اسالكو طقم مساعدين جداد بكام والاستيراد بردو وانهي فيهم احسن واحسن نوع ايه في واحد قالي الاسباني و الايطالي وبسمع عن فنلاندي بردو ولو ينفع المونرو بردو بكام؟ و اجيبهم منين؟

العربيه فيات 131 موديل 1984 ارجو المساعده عاجلا عشان عندي المساعدين قدام نشفوا جدا واسمع ان ليهم اثار مش كويسه وانا طريقي محور وبتعوم شويه بعد ال 100 كم/ساعه بس لو فيه هوا جامد بحس ان انا في مراجيح مع العلم ان الحمد لله المقصات و الجلب وكلو تمام وفيه شويه شخشخه في العفشه من ورا بردو لو في حته مكسره انا والدي كان بيتعامل مع (طاهر الدخاخني في شبرا الخيمه)لو حد عرفه هل هو كويس ولا تنصحوني بحد تاني احسن ؟؟ظ وشكرا
رد باقتباس

ابعدعن المساعدين الاستعمال ,
افضل مساعدين لل 131 المونرو حمال أسية مع العربية و على رأى اخونا سبعاوى العربية تدوب و المونرو مايدوبش

**agwaa** · 06-05-2009 11:38 AM

[quote=lancer2006;819323]انا من راى الجديد افضل بردو وحاجة مضمونة غير الاستيراد لان اهم حاجة العفشة فى العربية ومينفعش فيها اى تهاون[/quote

معاك حق وموش بس العفشة اللي ماينفعش فيها الإستيراد الموتور و كل الأجزاء الميكانيكية كمان والجنوط والكاوتش ....الخ

الإستيراد في الأشياء الغير فعالة زي :

الفوانيس وشاسيهاتها لو مفيش منها جديد
الإكسدامات لو مفيش منها جديد أيضاً
التابلوه وعداداته
الكراسي والكنبة الخلفية
...الخ