سؤال فني في الفرامل.

**Ruin Scud** · 04-05-2009 04:36 PM

هل من الممكن ان يكون سبب الرجه في البدال الخاص بالفرامل بسبب وجود هواء بدورة الفرامل ؟؟
مع العلم انه قد تم تغيير طنابير امامية وتيل امامي جديد وقد تم عمل ترصيص للسيارة(طريقة الحصان) وايضا تم عمل ظبط زوايا للسيارة من باب التأكد.
والان يوجد لدى زميلي خياران تغيير الطنابير الخلفية والتيل الخلفي ايضا او الكشف على جلد ماستر الفرامل والتاكد من عدم وجودهواء في دورة الفرامل.
مع العلم ايضا ان الدواسة الخاصة بالفرامل "مابتهربش" عند الضغط على الفرامل
مع العلم ان الرجه تاتي عند سرعة اعلى من 100 وفي حالة الضغط الخفيف فقط للبدال وتكون اكثر وضوحا في بدال الفرامل
وتقبلوا وافر تحياتي,

**KIA_SEPHIA_2001_K** · 04-05-2009 07:34 PM

اهلا بيك

انا هجوبك على السؤال ده مش لانى خبير
بس لانى مريت بنفس التجربه اولا انت هتلاقى الفرامل واحده هوا فتره الصبح فقط او مع او ضغطه
وبعد كدا هتلاقى ان مفيش الموضوع ده ومش هتلاقى اى تاثير سىء
وكان اترد عليه ان لما بتركن السياره وبتبرد الزيت بيرجع تانى للخزان بتاعوا
وبتالى الخراطيم بتكون فاضيه واول مبدوس بيرجع تانى الزيت فيها وبالتالى بتلاقى فيها هوا
هذا والله اعلم

**tmedhat** · 04-05-2009 11:54 PM

كان عندى المشكلة دى
و غيرت كاوتش الميزان
راح العيب
العربية كانت هوندا

**Ruin Scud** · 05-05-2009 12:29 AM

الف شكر ياجماعة على الحلول المقترحة
بس هو المشكلة ان البدال بيرعش مش انها بتهرب في الدوسة
فراح غير طنابير امامي وتيل على اساس المشكلة فيهم لكن لسه المشكلة هي هي المهم انو الميكانيكي بيقلو غير ورا طنابير وتيل برضو على اساس ان رجة الفرامل تروح وهو مقلق من انو يغير اللي ورا تاني والمشكلة متمنعشي
العربية لانوس 2005 عاملة تقريبا 70 الف
الف شكر ونستى بقيت الخبراء

**استشارى ميكانيكا نايل موتورز** · 05-05-2009 12:45 PM

الرجرجة فى بدال الفرامل ترجع لعدم انتظام سطح الطنابير

عدم انتظام سطح الطنابير يسبب تحرك تيل الفرامل للداخل و الخارج فى اتجاة مكبس الفرامل مولدا قوى ضغط على المكبس بشكل متتالى مما يسبب الشعور بنبضات متتالية بدواسة الفرامل

قد يكون السبب فى الاحساس بنبضات بدواسة الفرامل راجع لخطاء بتركيب الطنابير الجديدة و ذلك نتيجة اهمال تنظيف سطح صرة العجلات الامامية من كل اثار الصداء و الاتربة و ذلك لضمان تطابق تام بين سطح الطنبورة و الصرة

قد يكون سبب الاحساس المذكور راجع الى خطاء بعملية تطبيع الطنابير الجديدة مما تسبب فى تلف الطنابير نتيجة الاجهاد الحرارى

تحليل الحالة التى نحن بصددها يرجع لاحساس السائق قبل و بعد تغيير الطنابير

اذا لم يختلف الاحساس قبل و بعد التغيير فان الطنابير الاماية ليست مصدر المشكلة فى الاساس

و اذا تحسن الاحساس فقط و لم يزول تماما فان المشكلة قد تكون بالطنابير الخلفية ايضا... او قد يكون هناك خطاء بعملية التركيب

و اذا اختفى الاحساس و ظهر مرة اخرى فان ذلك يرجع لخطاء بعملية التطبيع او قد يكون بسبب سوء نوعية الطنابير الجديدة

استشارى المنتدى

**SAMER_ENGINES** · 05-05-2009 01:56 PM

مشكلة الرجة دي ملهاش دعوة بوجود هواء في دورة الفرامل ده بيكون لعدم أستواء سطح الطنابير زي ما قال الباشمهندس الإستشاري و هي عادة اللي بتسبب الهزة دي.

**Ruin Scud** · 05-05-2009 02:29 PM

جزاكم الله كل خير على الإفادة المتكامله للمشكلة
بجد شيء يفرح ان يكون المنتدى غني بالخبرات دي
ربنا يجازيكم كل خير والف شكر ليكم
لأني بصراحة معظم الوقت مع زميلي لحل المشكلة وتاه كتيير علشان يمنع الرجه وللأسف معظم اراء الميكانيكية متضاربة
مرة ترصيص
مرة ظبط زوايا
مرة طنابير خلفي وتيل خلفي
مرة مشكله في العفشة بارات الدركسيون وبيض الطرف
وكل ده للأسف جعلني انا وزميلي يجلنا حالة اكتئاب من العربية وتايهين مش عارفين نعمل ايه
المهم ان بصراحة بعد تغيير الطنابير الأمامية تلاحظ وجود تحسن بسيط وليس تاما ودلوقتي داخلين في مرحلة ان الطنابير الخلفي فيها مشكلة
المهم هل ممكن خرط الطنابير الخلفي ولا ماينفعشي زي اللي قدام ؟
ولا نجيب جديد ونجرب ؟

**aYaBooY** · 06-05-2009 11:49 AM

اول حاجة تعملها انك تروح لمتخصص فرامل مش ميكانيكي
تاني حاجة العربية ماشية 70 الف معتقدش تكون الطنابير الخلفية انتهت و اعتقد ممكن تتخرط
و المفروض تغير التيل الخلفي او تملاه بس لو المشكلة استمرت لا قدر الله يبقي المفروض تظبط زويا خلفية
و لو حد قالك المشكلة من العفشة ممكن تختبر الموضوع ده بنفسك انك لما تدوس الفرامل تحس برجة في الدركسيون مش في الدواسة

**mohsen** · 06-05-2009 12:28 PM

احتمال يكون البنوز بتاعة الكاليبر قفشة وده بيسبب ان فردة التيل الموجود وراها البستم (الى من جوة العجلة) هى بس الى بتتحرك نتيجة حركة البستم اما فردة التيل الموجودة من برة مبتتحركش وده بينتج عنه عدم تماثل ما بين يمين وشمال الطمبورة الواحدة ينتج عنه الرعشة دى
لو عايز تتأكد من احتمالية الكلام ده هتلاقى فردة التيل الى وراها البستم متاكلة اكتر بكتير من فردة التيل الى مش وراها بستم
والحل فى هذه الحالة انك على الاقل تشترى طقم بنوز جديد (4 مسامير و4 كاوتشات منع تراب وشحم) اصلى ب 90 جنيه

الموضوع: سؤال فني في الفرامل.

LinkBack

أدوات الموضوع

عرض

سؤال فني في الفرامل. - انشر الموضوع فى :

-

-

-

-

-

-

المواضيع المتشابهه

سؤال بخصوص الفرامل ودواسة الفرامل؟؟؟؟

سؤال عن تيل الفرامل ؟

سؤال عن زيت الفرامل

سؤال عن تيل الفرامل ؟؟؟

سؤال : هو ايه الفرق بين الفرامل الديسك و الفرامل الطبلة ؟

الكلمات الدلالية لهذا الموضوع

المفضلات

المفضلات

ضوابط المشاركة