استاذ غازى كنت عايز اسئل حضرتك عن كمبيوتر السائق الى بيتعرض عليه الوظائف الى حضرتك وضحتها ازاى بتنقل بين الوظائف دى وبعضها يعنى مثلا ازاى اعرض استهلاك البنزين وانقل منه للحراره او البنزين يكفى لكام كيلو
عرض للطباعة
استاذ غازى كنت عايز اسئل حضرتك عن كمبيوتر السائق الى بيتعرض عليه الوظائف الى حضرتك وضحتها ازاى بتنقل بين الوظائف دى وبعضها يعنى مثلا ازاى اعرض استهلاك البنزين وانقل منه للحراره او البنزين يكفى لكام كيلو
أنا كان عندي سؤال، هل زراير الأزاز الكهربا اتوماتيك في الفتح و القفل
استاذ غازى شكراً على التقييم الرائع
عندى ملاحظة واحدة
انت ليه بتتكلم على العربية بمرارة كدة لكونها كورى ؟
واضح ان العنصرية بعض الاشخاص ماثرة فيك أوى
اذا كانت العربية عجباك ده يكفى فى حد ذاته وبلاش تسمع لكلام حد
وحرم عليك تزعل نفسك اوى كدة وانت لسة جايب عربية جديدة
ربنا يبارك ليك فيك ويديك خيرها ويكفيك شرها
بسم الله مشاء الله ربنا يكفيك شرها وشر الحسد وشر من كل اللى يشوفها وما يقولش مشاء الله اللهم لا حسد
والله الله على التقرير الرائع الممتاز اللى فعلا بجد يستحق التثبيت من الادارة
تحية كبيرة ليك منى على الموضوع الرائع ده
اخوكم يوسف
الف مبروك يا باشا و تقرير ممتاز بس انا كنت عايز اعرف استهلاك البنزين بس من خلال حسابك انت مش من خلال حساب كمبيوتر الرحلات و الف مبروك وعقبال ال100 الف كيلو
بسم الله ما شاء الله العربية جميلة جدا و أنا مقتنع بيها جدا ...
ربنا بخليهالك إن شاء الله و يباركلك فيها
اولا طبعا شكر يا غازي باشا على الموضوع القيم دا .. وعلى اهتمامك انك ترد على كل الناس
ثانيا : بمناسبة عوامل الامان هو في زرار لفصل عمل الاير باج المجاورة للسائق في حالة ركوب اطفال بالكرسي الامامي ولا لا .. وشكرا
ده بيكون من خلال الضغط على زرار تحت العدادات يمين شوية اسمة (TRIP) تدوس عليه دوسة ينقلك للوظيفة التاليه... يعني لو احنا على اول شاشة (TRIP A) و عايز اروح لعداد الحرارة (الشاشة الثالثة), تدوس مرتين و طبعا هتعدي على الشاشة الثانية (TRIP B)... و هاكذا...
لأ يا باشا... زرار شباك السائق بس هو اللي فيه اوتو فتح و قفل...
اشكرك على ردك الجميل...
لكن انا عمري ما اتكلمت عن العربية بمرارة, بالعكس, انا مقتنع و معجب جداا جداا بالعربية و واثق فيها جدااااااااا.... و عمري ما بسمع كلام حد عشان لو انا كده ماكنتش جبتها أصلااااا...... واثق في توكيل كيا الكوري جدااا و هما عند حسن ظني دايما الحمد لله... بجد بسم الله ما شاء الله العربية ممتازة بكل المقاييس شكلا و موضوعا
و ربنا يخليك يا باشا و يبارك فيك.. و يا رب اكون قدرت اوضح وجهة النظر يا زعيم..
ألف شكر يا يوسف باشا, و ربنا يخليك على كلامك الرائع...
و شرفتني بمرورك الكريم...
الله يبارك فيك يا باشا, و شكرا على كلامك الجميل..
استهلاك البنزين ده من خلال حساباتي انا....
ربنا يخليك يا باشا, و شكرا على ردك...
أستاذ غازى ربنا يبارك لك ويكفيك شرها
انا كنت ناوي أروح أحجز الفئة Ex بس امبارح لقيت الأعلان فى الأخبار عن العربية الكيا كارينز واتصلت بالتوكيل قال لى ان المانيول منها سينزل خلال 20 يوم وهتكون بين 98000 و 100000
ما رأيك؟ هل سمعت عن هذه العربية من قبل ؟
انا عرفت ان سعر الفئة منها 2000 Cc كانت 288000
أرجو النصيحة افادكم الله
شرح وافى وصور ممتازة من شخص ممتاز ومن زمان ونا نفسى ان الناس تكون موضوعيين مش عاوزين مرسيدس وكمان مفهاش الهوا وب 100 الف
ربنا يجازيك خيرا يا باشا
بس أؤوكد لك انى لم أفهم الراجل غلط ولا حاجة لأنه قال لى ديه هتقلب السوق حيث انها ستكون 1600 Cc وفى نفس الوقت قال لى هتبقى مقاجأة بالسعر ده
هذا بالأضافة لكلام خالد أباظة أمس فى ملحق السيارات حيث تنبأ ببيع 5000 عربية حتى شهر ديسمبر
على العموم تأكد وقول لنا ايه الأخبار جزاك الله خيرا
--------------------------------------------------------------------------------
ربنا يجازيك خيرا يا غازى باشا
بس أؤوكد لك انى لم أفهم الراجل غلط ولا حاجة لأنه قال لى ديه هتقلب السوق حيث انها ستكون 1600 Cc وفى نفس الوقت قال لى هتبقى مقاجأة بالسعر ده
هذا بالأضافة لكلام خالد أباظة أمس فى ملحق السيارات حيث تنبأ ببيع 5000 عربية حتى شهر ديسمبر
على العموم تأكد وقول لنا ايه الأخبار جزاك الله خيرا
أستاذ غازي كنت عاوز أتأكد من حاجة لو سمحت....إيه الزيادة في أعلى فئة و عربيتك؟.
ربنا يباركلك فيها يارب
لو سمحت استفسار الباور بيفصل ولا زي الالنترا مش بيفصل على السرعات العالية
تقرير منصف وحيادي
ربنا يباركلك ويملاها بركة
العربية دي هتاخد من السوق شريحة كبيرة ولمدة طويلة
وماينفعش واحد راكب ألماني أو ياباني يقييمها
ياباني قديم ماشي
كوري ماشي
ألف ألف ألف ألف من هنا لغاااااااية بكره مبروووووووووووك يا باشا
بس كنت عايز أسأل بس في حاجه حتجنني ازاي بس عربية جديدة وبتحدف شمال
هو البلد دي ما ينفعش يكون فيها وكيل محترم لغاية الآخر ،، يعني الواحد يدفع الفلوس دي كلها
والعربية لسه زيرو يدخلها الصيانه
ما شاء الله ربنا يباركلك فيها ويكفيك شرها ويديك خيرها
السلام عليكم انا عندى بعض الأسئلة ان امكن:
1- ازاى العربية خشنة ياعنى اية و ازاى بتحس بيها.
2- العربية فيها انذار والا لأ و هل يمكن تركيبة فى التوكيل و لا برة التوكيل و بكام.
3- عايز اعرف انت حجزت ىوم كام و استلمت امتى و هل دفعت فلوس اوفر السعر و لا تعرف حد فى التوكيل علشان يسلمك انا حاجز بقالى اكتر من شهر و لسة مافيش اخبار بصراحة التوكيل غير منظم فى المواعيد و غير جدى فى التسليم.
الف شكر و الف مبروك على العربية .
الباور هيدروليك, مش كهرباء زي الالنترا, و على السرعات العالية الباور بيتقل (سواء سيراتو او النترا), و الأهم من كل ده... مفيش حاجة اسمها باور بيفصل, الباور بيتقل مع زيادة السرعة و ده طبيعي....
شكرا على ردك يا باشا...
كلامك مظبوط و ربنا يبارك فيك...
الله يبارك فيك يا باشا... و شكرا على ردك
هو مش قوي كده.. بس العربية مش بتحدف بمعنى الكلمة, بس بتميل ناحية الشمال خفيف, يعني أول مراحل ظيط الزوايا... انا خدت بالي منها عشان انا مركز قوي مع العربية في كل تفصيلة كبيرة او صغيرة...
ربنا يبارك فيك... شكرا
1- بتحس أكتر لو عديت على نقره او حتة مكسرة.... كده
2- العربية مافيهاش انذار, و ممكن يتركب (بره او جوه التوكيل) بس طبعا في التوكيل هيكون غالي عشان لازم تشتري الجهاز من هناك... في التوكيل (450 جنيه),, خارج التوكيل (200 جنيه) بالتركيب و الاكراميات كمان
3- انا حاجز العربية من قبل ما تنزل في اول شهر 2... و مدفعتش غير 115900 (ثمن العربية بس), أعرف ناس فس التوكيل فعلا بس مش ده السبب اللي خلاهم يسلموني بدري, السبب اني حاجز من زمان, و الأولوية للأسبق في الحجز في التوكيل, و في ناس استلمت كتييير (الدفعة الأولى)..
التوكيل عليه ضغط حجوزات رهييب, اعذروهم عشان انا متأكد ان مش بمزاجهم لسبب واحد, ان من مصلحتة انه يسلمك بكل بساطة عشان ينزلوا في التارجت... و أي توكيل منزل عربية جديدة او مرة و عليها ضغط, بيحصل فيه كده و أكتر... توكيل مرسيدس اول ما نزل الـ C CLASS الجديدة كان تحجز و تستلم بعد 8 شهور من كتر الضغط اللي عليهم... غصب عنهم
الله يبارك فيك يا باشا و ان شاء الله تستلم قريب قوي..
ده طبيعي عشان عايزين يكتموا على الموضوع, زي اللي حصل مع النيو سيراتو... بس انا عرفت من ناس جوه التوكيل بشكل عام ان العربية نازلة ان شاء الله في الرينج ده فعلا, بس بعد تسليم دفعات النيوسيراتو اللي فيها الهاي لاين..
الزياده بين عربيتي (SX) بدون فتحة سقف, و الهاي لاين, لصالح الهاي لاين الآتي..
1- البصمة (فتح العربية باللمس)
2- المفتاح الذكي (السمارت كي)
3- زرار لتشغيل المحرك مش مفتاح (START/STOP ENGINE)
4- فرش جلد طبيعي كامل
5- فتحة سقف كهرباء
الله يبارك فيك...
طب ممكن يا استاذ غازى تستفسرلنا عن سعر اعلى فئة هاتنزل من الكارينز و تقولنا ؟؟
تقيم جامد جدا .. ماشاء الله العربية ممتازة ربنا يباركلك فيها :)
بالله عليك يا أستاذ غازى أسأل لنا معارفك عن السعر التقريبى لها لما تنزل أوتوماتيك و امتى ان شاء الله متوقع نزولها- حضرتك بتقول بعد تسليم السيراتو الهاى لين يعنى فيها شهرين مثلا
جزاك الله خيرا وبارك فيك وفى عربيتك و أسرتك وأدخلك الجنة بلا حساب ولا سابقة عذاب
الف مبروك يا باشمهندس و ربنا يكفيك شرها
انا استلمت ال EX و لسه تحت الاختبار مقارنة ب النيسان صني 98 اللي كانت معايا .... ما علينا
كنت عايزك تقولنا معلومات عن قطع الغيار
باشمهندس غازي انا عايز اسألك سؤال يمكن يكون اتسأل قبل كدا و ممكن مكنش اخت بالي من الاجابة و لكن انا حسألوا وارجو منك الاجابة
العربيه انا شايف انها واطيه اوي علي الارض بالمقارنه بالجين 2 و انت عارف ان من ضمن مميزات البروتون انها عاليه و مش بتحك في المطبات و علشان كدا انا لفت نظري ان العربيه واطيه نسبياً علي الارض
هل النيو سيراتو واطيه علي الارض و بتحتاج حرص شديد و انت طالع علي المطب علشان متحكش و لا المسأله عادية ؟؟
وتقبل تحياتي
ربنا يباركلك فيها يارب ويديك خيرها ويكفيك شرها
سلام عليكم
انا اشستلمت ال Ex امبارح....بس مش معاها مفتاح بريموت....خايف يكون انضحك علية
مستغرب ازاى تنزل كدة....
حد عندة فكرة؟
أعتقد إن ال-ex ملهاش ريموت
انا كدا كدا معاكم فيها ماليش دعوة انا الحمد لله من اول حاجزى الهاى لاين فا انا نكون اول 3 اعضاء فية وكل واحد حاجز نيو سيراتو يتفضل يتشرف معانا ولما اغلب الناس تستلم نتقابل لحد ما كل الناس تستلم عربيتها وتتم المقابلة وتسلم ايدك يا بشمهندس محمد غازى على المعلومات الجميلة للعربية دى انا اعجبت بالعربية اكتر من الاول وخلاص نفسى استلم انهردة قبل بكرة دا انا مش هموت على البى ام دبليو زى ما هموت على استلام العربية دى لانى معجب بيها جدا لانها غيرت مفهومى عن الكورى تغير تام
:k49:
اين انت يا أستاذ غازى ؟
ربنا يبارك فيك وفي عربيتك يا باشمهندس.تقريرك ممتاز وحيادي ومحترف.الف شكر.
bemo,ire